故事一：殭屍之城: 二十五：攻入猛鬼邨－厲鬼村篇

［三個月後］
藍田邨不斷有人失蹤、離奇死亡......好多人都搬走......而且半夜好多層都傳嚟「睇唔見」嘅人聲。

石敢當：「陰氣非常重！」整個天空都烏雲密佈，連樓下嘅公園好似荒廢咗好耐咁。

我見到一啲嘅鬼靈。 石敢當：「何以你哋會聚集喺度」小鬼：「我哋感覺到呢度陰氣重，仲舒服過喺山上」

「大廈入面有乜嘢？」小鬼：「我都唔係好清楚呀，嗰度係惡靈同一隻殭屍嘅地方，我哋唔敢入去㗎」

傑洛特：「唔通係羅拔圖講嗰隻？」石敢當：「延亮、傑洛特，你哋準備好未？」「行啦」





一入大廈，已經有七隻不懷好意嘅惡靈撲向我哋。傑洛特用銀劍斬擊；石敢當連拉三支箭...放出；［拎出太刀］斬擊。

石敢當：「做咩唔用你新整嘅...」「秘密武器梗係留到最後先用」

「到底隻殭屍喺邊層」傑洛特：「唔...」一個身穿黑色西裝、白頭髪、操外國人口音廣東話嘅男人出現：「洗唔洗我幫手？」

「邊個！」石敢當：「何方妖孽！」 傑洛特：「係我朋友－羅拔圖」羅拔圖用力一聞......

羅拔圖：「有一層聚集好多血味，跟我嚟」





我哋行住樓梯上14樓，沿途斬咗幾個惡靈。去到1414嘅單位。

羅拔圖：「好多好混亂嘅血味」呢個單位嘅門下部已經爛咗。

輕輕一推，門已經打開。一隻力量非常大嘅殭屍撲出嚟壓住我。

「點解又係我！」石敢當一支靈箭插落去、傑洛特用銀劍片開佢。

［落手印...太刀刀身嘅符文充滿血(刀身發紅光)］［由下片上嚟］對佢好似造唔成傷害！





石敢當：「係「人煉殭」！」傑洛特用火魔法燃燒佢。雖然人煉殭身上燃燒緊，但好似冇傷害咁。

我同傑洛特不斷斬擊佢、 石敢當喺後面放靈箭。

人煉殭跳過嚟、我退後同時斬擊。佢用手攻埋嚟。［側身移動同斬擊］

佢一個轉身將傑洛特推入屋。傑洛特：「啊！」

入面有一個已經死咗，身穿黃色道袍嘅大叔(嘔住血)瞓喺梳化(手上拎住一個釘型石)。

石敢當拎住兩支靈箭，插落人煉殭背脊，從佢胸口穿出嚟。

佢繼續撲過嚟......槍聲：「Boo！」佢退後咗。槍聲來自我腰間左手拎住嘅一把中世紀款式，黑曜石製嘅火槍。





［收埋太刀、拎出一把手臂咁長，黑曜石製嘅斧頭］「呢套武器嘅主題同款式都係中世紀」

羅拔圖：「喎～真係好懷念，好多年前喺歐洲大家都係用呢啲對付過我」

「開始狩獵啦」

待續