故事一：殭屍之城: 二十四：藍田邨殭屍－厲鬼村篇

youtube：「話說當年藍田邨呀......」

倩瑜從後抱住我：「睇緊咩呀？」「冇呀，都市傳說啫」倩瑜：「藍田邨殭屍同水怪？」「唔」

倩瑜：「乜真係有咁多殭屍同水怪㗎咩？」「未必嘅，可能只係故仔啫」

石敢當又突然出現：「唔～短短幾百年，人間已經可以用千理鏡窺探議論妖邪之事」

「點解你成日都突然出現㗎？？」倩瑜：「你朋友又嚟咗呀？」「係呀」





石敢當俾咗個石頭我，石敢當：「今次前來，係想托你保管住本尊嘅本體」

「我係冇問題，當係多謝你上次幫我」倩瑜：「呢個係咩嚟㗎？」「係我朋友托我保管住先嘅～」

倩瑜咬落我手臂「哇！做咩唔你」倩瑜：「冇呀，突然想咬你」ah! shit！
.
.
.
［另一方面－藍田邨］
傑洛特：「呢度已經好舊啦，連度門都已經開唔到」





傑洛特放出魔法，前方空氣爆炸。傑洛特右手拎出銀劍戒備；左手持火把咁行入去。

傑洛特：「地上嘅血跡大概一兩個星期前留低」發現一件爛衫。 傑洛特：「係小童嘅尺寸，仲有卡通圖案」

再行前探索。傑洛特：「唔...係基督教嘅棺木」傑洛特放低火把，手指向住棺木畫三角形(落印)

棺木開始震盪......［棺木爆開］一個身穿黑色西裝、白頭髪、面色蒼白嘅男人起身。

傑洛特用劍戒備：「係吸血殭屍！」吸血殭屍：「唉...咩事呀？」傑洛特：「唔？」吸血殭屍：「你係邊個呀？」傑洛特：「傑洛特，狩獵魔物嘅獵人」吸血殭屍：「哦～my name is 羅拔圖，唔好意思呀，啱啱瞓醒，招呼唔到」





傑洛特：「幾年前嘅小朋友係你殺嘅？」羅拔圖：「小朋友？唔好講笑啦，我係三百年前由歐洲嚟到，同個本地嘅精靈打咗埸交，之後就一覺瞓到依家啦，佢好似叫...咩，石敢當」

傑洛特：「石敢當！？」羅拔圖：「係呀，我打唔贏之後趁機會偷走，然後就嚟到呢度瞓覺」

傑洛特：「如果唔係你...」羅拔圖：「唔...啲血跡入面混咗其他血嘅味道喎」傑洛特：「唔？」

羅拔圖：「我對血嘅味道係好靈敏，血跡入面有小朋友同好似我呢個物種嘅血」傑洛特：「係殭屍？」羅拔圖：「係掛」

傑洛特：「好啦」傑洛特離開。羅拔圖：「如果下次你有咩事都可以搵我㗎」
.
.
.
道士大叔替貼上［定屍符］同［銅錢面罩］嘅殭屍換上古代將軍嘅服裝。





道士大叔：「爸爸知你鍾意古代嗰啲將軍，套衫爸爸好辛苦先搵到㗎，係清朝水師提督－施琅㗎，巴閉呢～」

道士大叔：「不過你仲熟過我啦......上次個𡃁仔好唔好食呀？九歲，小童血嚟㗎～買都買唔到呀」

道士大叔：「好啦，爸爸今日攰啦，乖乖地呀，我瞓啦～」

站着嘅嘅殭屍手指彈動一下......

待續