故事一：殭屍之城: 十一：聖誕迪士尼•上編

［鳥語花香嘅校園］
今日繼續補眠。

［同學嘅對話］同學甲：「聖誕喎，去唔去啫？」同學乙：「唔啦」同學丙：「唔係呀？去啦」同學甲：「咪係囉，佢都去啦」

講起上嚟聖誕啦喎
倩瑜：「延亮～」嚟啦。而且我感覺到班上男同學對呢個咁「親密」嘅稱呼唔太滿意。

倩瑜：「聖誕去唔去迪士尼呀？」「唔去」倩瑜：「我有飛喎，芊雪咪好鐘意迪士尼嘅～」「......」





［迪士尼］
芊雪：「好嘢！呢度就係迪尼士嗱～」倩瑜：「芊雪開唔開心呀？」芊雪：「開心」傑洛德：「好耐都冇見過咁歡樂嘅地方啦」

我叫埋佢嚟，係路程上已經同蔣倩瑜介紹咗佢，但估唔到喺平行世界佢哋都識，而且......

傑洛德：「不過真係估唔到喎，喺呢個世界你同倩瑜都認識，喺嗰個世界嘅你哋係情侶嚟㗎，雖然係對歡喜冤家，日拗夜拗，但最後你都係為咗保護佢而死嘅」

［蔣倩瑜面紅］
芊雪：「唔好講咁多啦，快啲入去！」「係...」今日佢係公主。





買咗套Elsa公主套裝俾佢丶倩瑜同佢整咗Elsa個髮型。

就算係聖誕，迪士尼反而冇想像中咁多人，可能因為太貴啦。

芊雪：「哥哥，我要玩旋轉木馬」
［幻想世界］
本來我唔想上，始終咁大個仔...尷尬㗎嘛，但... 芊雪：「哥哥上嚟！」佢要我同佢坐同一㗎馬......

冇辦法，鬼叫今日你係公主......倩瑜：「真係一個有愛心嘅好哥哥呀～」傑洛德：「哈哈...係平行世界佢都係咁㗎」倩瑜上咗去我哋後面隻馬。





傑洛德係出面影相......

［小小世界］
四個人坐同一㗎船，芊雪雙眼好似發光咁。音樂：「世界真是小小小......」

行到反斗奇兵嗰度
「跟住想玩咩呀？」芊雪指住U型：「嗰個」倩瑜：「嚇...我...」「你唔敢玩呢個？」倩瑜：「係...」傑洛德：「咁啦，我同芊雪上去，你係度陪倩瑜啦」

芊雪同傑洛德去咗排隊。倩瑜：「sorry呀...搞到你都冇得玩」「唔緊要啦」... 倩瑜：「唔知佢哋排到未呢～」「差唔多掛」

倩瑜：「係呢～你有冇同你家姐嚟過㗎？」「好耐啦，好細個嗰陣生日有嚟過一次」［一陣冷風吹過］我縮一縮。倩瑜行埋嚟，拉埋我件外套嘅拉鏈， 倩瑜：「拉返件衫啦，天氣凍呀」

點解我心跳咁快嘅？？

唔可以㗎！鍾意咗佢，就會做佢隻兵㗎啦！頂住呀魏延亮！





過咗冇耐
芊雪同傑洛德出返嚟，之後我哋再一齊去［迷離大宅］
「玩呢個啦」倩瑜：「咩嚟㗎」傑洛德：「有啲緊張丶小小恐怖，類似鬼屋玩法」倩瑜：「下...唔好啦」「但我都好想玩呢個喎」倩瑜：「我驚入面啲嘢...」「又唔係真係鬼屋，驚咩呀～入啦」

入面四人坐一㗎車，因為倩瑜有啲驚，所以我同佢坐後面，芊雪同傑洛德坐前面。

愈入去環境就愈黑，倩瑜就愈緊張，由於佢喺蛇髮女妖幅畫嗰度已經嚇親，之後開始捉緊我手臂(佢嘅指甲就快吉穿我層皮)

去到法老王嗰度已經用力盒實對眼。

待續