故事一：殭屍之城: 十：平行世界－平行世界友人編

傑洛德拎咗透明樽仔出嚟(入面裝住D水)。 傑洛德：「都瞓咗咁多年啦，咁辛苦先出返嚟，好應該有咁遠就走咁遠」講完就打開個木塞，將啲水潑向佢。

吸血鬼好似俾鏹水淋親濺傷咁，發出哀叫聲：「啊！！」傑洛德從袋中拎出一個木製十字架，一嘢隊入個吸血鬼嘅心臟。吸血鬼一手捉住心臟、一手舉向天...［火化成灰］

我地呢邊都清理完「芊雪呀，原來你有呢種能力㗎？」 芊雪：「我自己都唔知㗎，啱啱太嬲，然後突然就用到啦」

傑洛德：「魏延亮，終於搵到你啦」「你識我？」傑洛德：「我同你一樣，都係非官方式嘅獵人，我搵你嘅原因，係想話俾你知，四大屍皇：旱魃、後卿、贏勾、將臣，已經開始要復活啦」

「旱魃我知，其他三個未聽過佢哋個名喎」 傑洛德：「我係從平行世界嚟嘅，喺嗰個世界已經俾四大屍皇變成地獄，已經冇辦法再居住啦......我亦係僅餘嘅生還者」





「但係你咁犀利都打唔贏咩？冇人幫你咩？平行世界嘅我呢？」

傑洛德：「就係冇囉...喺嗰個世界，VCD、第七行動組已經全部戰死、我同嗰個世界嘅你係好朋友。喺三個月前亦已經死咗，我已經好努力去戰鬥...但每一次都輸。

而我係按招嗰個世界嘅你留低嘅［穿越魔法研究筆記］入面記載嘅方法穿越過嚟」

傑洛德：「我穿越嚟之後進行過調查，發現喺呢個世界嘅佢哋已經開始復活，而幾年前，呢個世界嘅旱魃喺變成完全體之前已經俾VCD搞掂咗，但仲有三個」

「咁就麻煩啦...」芊雪：「哥哥...」
.




.
.
［屋企］
雖然唔知嗰個世界嘅我實力係點呀，但... 估唔到連我都死埋。

門鐘：「叮噹」倩瑜：「肚餓未啊？」點解你又嚟咗...... 倩瑜：「芊雪要食多啲有營養嘅嘢㗎」唉...好啦，你煮啦。

芊雪：「倩瑜姐姐～」倩瑜：「芊雪～」

［打開PS3］倩瑜：「你功課做完嗱？」「未喎」倩瑜：「做埋功課先打機啦，天日要交㗎」我冇理佢，繼續打開芒亨玩。





［a feel moment later］
倩瑜：「食得啦」我同芊雪埋位。蒸魚、土匪雞翼、仲有番茄炒牛肉！！

我好鍾意茄炒嘅味同牛肉嘅口感，比起幾百蚊嘅牛扒，我揀番茄炒牛肉。以前家姐成日煮，我都已經好耐冇食。

［第一口］
有啦...係嗰種味道。倩瑜：「廚房有本食譜，我照住嗰個「延亮最愛系列」整㗎，味道點啊？」「係我家姐留低......」家姐每次學完新菜式都會用筆記記低。

［回憶］
家姐：「嗱～呢幾頁呢，就係延亮最鍾意食嘅，以後家姐就多啲煮呢幾頁嘅～」「好嘢！」
.
.
.
倩瑜：「咁點啫？好唔好食啫？有冇你家姐味道呀？」我冇答佢，繼續食





［個半鐘後］
倩瑜：「我走啦」門口送佢，「多謝你」... 倩瑜：「嘻～」

待續