故事一：殭屍之城: 八：萬能女神－新家人編

［APM］
今日帶芊雪出去買下衫同一啲唔知乜鬼嘢。

芊雪：「買邊件好呀～」「你鍾意啦」我都唔識襯衫嘅。 芊雪：「唔...」一把熟悉嘅女聲：「魏延亮？」

係，係蔣倩瑜「你好」佢一見到芊雪 ：「嘩！好得意呀！」 芊雪：「哥哥，佢係邊個？」倩瑜：「哥哥？原來你有個妹㗎」

一番交談之後，倩瑜：「哦～，襯衫啫～芊雪，姐姐幫你」......買咗都有啲多

你哋就買得開心啦......我出血呀...





「你唔係嚟買衫嘅咩？」 倩瑜：「冇睇啱呀，算啦」

之後諗住帶芊雪去食下壽司，芊雪眼甘甘咁望住魔雪奇緣個廣告。芊雪：「嗰個係咩嚟㗎？」「電影囉，不如帶你睇下」 芊雪：「嗯，但咩係電影？」......

倩瑜：「一點喎我哋食埋先都得啦」點解你仲未走。

［戲院］
三個人，芊雪坐喺牆邊丶倩瑜中間、我坐喺倩瑜隔離，即係走廊位。





芊雪拎住爆谷一路食一路睇，仲有杯可樂添。倩瑜：「你真係好錫你個妺喎」還可以啦。

電影開始......

完埸
「好冇睇呀？」芊雪：「嗯，我好鍾意呀」倩瑜：「晏啲不如上嚟屋企傾下個project」唔？

倩瑜：「我屋企樓上裝修緊好嘈，自修室又講唔到嘢」

［屋企］




倩瑜：「你屋企冇其他人嗱？」芊雪：「冇呀～得我同哥哥喳」倩瑜：「你爸爸媽媽呢？」「仲有個家姐，不過全部都死晒」

倩瑜：「oh...對唔住...」「唔緊要」倩瑜：「芊雪咁細個就冇咗父母......平時都係你照顧佢㗎？」「唔」

倩瑜見到枱上食剩嘅兩個杯麵，倩瑜：「你地平時就係食呢啲！？」「係呀，有咩問題？」 倩瑜：「芊雪發緊育㗎！點可以淨係食杯麵㗎！」

「欸？？」 倩瑜：「你等我一陣！」講完就出門口落咗去，半個鐘之後返咗嚟，然後就入咗廚房。

［a few moments later］
四餸冇一湯完成。真係好懷念，以前家姐喺度嗰陣每晚都會煮飯......

倩瑜：「試下吖～」芊雪：「好味呀」倩瑜：「好食就食多啲呀～」芊雪：「嗯～」

===== ===== ===== =====





［回憶］
家姐：「好唔好食啊？」「嗯～」家姐：「廳晚想唔想食薯仔炆雞翼？」「家姐煮咩都好食」 ［家姐微笑］

===== ===== ===== =====

倩瑜：「做咩仲唔食呀？」「冇...冇嘢」

食完當然係我洗碗，倩瑜去教芊雪做功課。

待續