故事一：殭屍之城: 五：討厭的男神－新家人編

原本今日嘅我應該例牌式喺張檯安祥咁瞓緊...直至一個幾日冇見嘅男同學好串咁入咗嚟班房。

比賽咁快完嘅咩？我仲以為可以一個月唔洗見佢添。女同學甲：「梓恆～比賽有冇贏呀？」佢因為比賽，所以冇返幾日學。梓恆：「邊有可能會輸㗎～」某部分女同學尖叫：「嘩！！！」

周梓恆，大家嘅男神、同蔣倩瑜係一套，各自都有個Fansclub。雖然啲同學覺得佢哋好襯，但佢哋並冇一齊。

大家都幾鍾意周梓恆，但我就麻麻，因為...... 梓恆：「喂～死魚眼廢人～瞓撚醒未？」佢一直覺得自己好勁，所以當身邊嘅人都係垃圾。

［煩擾嘅眼神望一望佢之後瞓返］學校仲未有人知道我狩獵殭屍嘅事...除咗蔣倩瑜。





［佢拍我個頭］周梓恆：「唔好咁L cool啦～」我起身一個反手巴掌。

呢個就係我依家喺訓導室嘅原因。訓導嚴sir：「點呀～又嚟呀」「掛住你吖嘛」

嚴sir以前初中教我，我同佢關係都幾好，佢講嘢語調好沉，俾人一種好嚴肅嘅感覺、但正因為咁，有時一啲說話從佢口中講出嚟就會好好笑。

佢個樣雖然文質彬彬、老闆上司樣，但有傳聞佢嘅西裝底下係個肌肉佬。

係訓導室都幾悶［望住個鐘嘅秒針轉一圈丶之後再望支分針郁一下］都幾無聊，唔知以為我撞邪。





我開始覺得我已經可以成佛、靈魂就快出嚟啦......
第一個小息鐘響起，平時我喺呢個時間食早餐......肚：「咕...」

［蔣倩瑜推門入嚟］第一個想法係揾老師唔知做乜。然而，佢拎咗袋撈麵俾我：「你平時呢個時間食早餐㗎可，冇～見你落咗嚟所以幫你買啫」

［心跳加速］唔好呀！一定係佢知我冇做佢隻兵，所以想用討好嚟收服我...你慳返，俾完錢你好走。

冷靜啲呀！
.
.




.
無聊嘅一日終於完結。今日冇補課，可以準時放學。

一個小妹妹係巷仔喊、一個阿婆背向我丶瞓喺佢隔離。

［行過去］「妺妹，咩事呀？話俾哥哥知～」佢冇理我繼續喊，我估大概係因為佢婆婆暈咗。

我轉婆婆個身過嚟！［驚嚇！］個婆婆塊面灰色、頸上有兩個小孔丶好似俾人吸乾哂嘅人乾咁、個眼珠登到大一大...

個小妹妹撲上嚟、我一個轉身fing開佢。依家先見到、個小妹妹血紅色嘅瞳孔丶同口中嘅尖牙。

係一隻殭屍，識用騙詐方法引獵物，睇嚟係隻詐殭。

佢起返身之後伸直雙手跳向我［拎出木筆－變成桃木太刀］





用太刀擋住佢丶再推開佢。詐殭妺妹：「你乖乖地啦～」識講嘢嘅！？

「你識講嘢？」詐殭妺妹：「好出奇咩？」係，真係好出奇。

待續