今日我開始左對公司啲同事進行復仇大計: 第二十七節
自從尋日同Daisy搞到咁彊之後，我承認我係有啲內疚。喺果晚我有嘗試過whatsapp過道歉，可惜佢都係一個message都無覆，而我見狀亦明白到無謂再去煩佢住。由於有啲心煩意亂，我決定搵Judy去發洩一下。由於夜晚我屋企無人得我一個，我喺大約十點幾果陣，我打左去畀Judy同佢講我肚餓想食宵夜，要佢去元朗買B仔涼粉之後再去佐敦外賣過雞煲畀我食。我打畀佢果陣佢應該同緊男伴食緊飯，不過佢都深知無拒絕嘅餘地，喺大約十二點幾度佢就拎住一兜涼粉喺我屋企門口出現。
「雞煲外賣涷左唔好食架，你食住涼粉先啦。」「我係鍾意食涷冰冰嘅雞煲，我係貪佢涷左無咁熱氣呀。挑，Judy姐我叫你做小小嘢你都做唔掂，你仲夠膽死學人爭阿Kate個位，幾十歲人都唔曉自量下架。」Judy雖然畀我數落完一輪，但佢都係沉住氣，遞碗涼粉埋黎畀我食。我見佢難得咁低聲下氣，當然打蛇隨棍上，叫佢餵埋我食。佢初初都好唔願意，奈何怯於形勢，佢都唯有死死地氣咁入屋餵我食涼粉。我食左一啖之後，將口入面碗涼粉吐左落地，之後好大力咁將佢手上掃開，碗涼粉倒到佢一身都係，佢件白色恤衫濕水之後即刻變到接近透明，佢衫入面個紅色性感胸圍都變得若隱若現，正常男人見到佢呢身打扮照理都應該會有啲心動。但相反我就指住佢破口大駡：「仆你個街呀，叫你去元朗買B仔涼粉我食，你就求其喺附近糖水鋪買黎敷衍我。如果唔係我份人厚道又善良唔會打女人，我一早一巴星左你出門口啦。」Judy人生何曾試過咁委屈，佢終於喺我客廳到失控咁跪左一邊喊，一邊歇斯底里咁大叫：「我乜都唔同你爭啦，你放過我啦。」我見都玩到咁上下，就去我細妹間房拎左套衫同佢講：「睇下你呀，幾十歲人仲搞到自己成身涼粉痴立立咁，拿拿臨入去沖過涼換過套衫先再出黎同我講嘢啦。陣間出黎順手同我抹乾淨個地下呀，一陣搞到我屋企惹埋啲昆虫進駐睇下我放唔放過你呀。」Judy聽完我講之後依然都係跪喺度喊，唔肯入去沖涼，我再兇佢：「你係咪唔沖呀，你信唔信我影低你而家呢身打扮影街招，幫你貼晒喺成個中環呀拿。」Judy幫我兇一兇之後，佢成個身都震晒，平時高傲嘅佢呢一刻就好似一隻受驚嘅小倉鼠咁。我見佢都係無反應，走埋去一手戚起佢，大聲咁喝佢：「你而定沖唔沖呀，你唔沖我幫你沖架啦。」佢聞言之後即刻拎起左我阿妹啲衫褲，一支箭咁沖左入廁所。
佢一入廁所就即刻鎖住度門，而喺出面嘅我就即刻淫笑起黎，大聲嗌入去同佢講：「鎖左門都無用，我有鎖匙。不過你放心我唔會入黎搞你，你慢慢沖乾淨等我今晚慢慢嘆你啦，我而家去搵定啲花生油呀栗米油呀等我陣間易入啲先。」而我只係聽到廁所入面嘅Judy喺度抽泣。無回答我嘅問題。喺大約半個鐘之後，Judy喺廁所行返出黎，佢面上嘅化妝已經畀水沖走左好多，但出奇地佢嘅真面目比我想像中後生。著住我妹妹件T-shirt嘅佢由於衣不稱身，所以令佢有啲迫爆嘅效果。佢好驚咁住左喺梳化唔敢出聲，而我都只係喺一邊望住佢淫笑，但就無做任何行動。過左良久，佢忍唔住出聲話：「如果同你上一次床你就肯放過我，你而家黎啦，不過我希望你之後會遵守承諾會放過我。如果唔係我最多同你玩盡去一拍兩散。」我聞言之後放聲大笑，同佢講：「你條中女當自己係咩呀，你估我真係對你有興趣呀。喂我要驅風會落街買驅風油架啦，你當你自己真係好有魅力呀。」Judy唔理我嘅嘲諷，佢起身行左埋黎攬住我，之後喺我耳邊講：「我人生見過無數男人，我好明白自己對你地係幾有吸引力，你搞咁多嘢無非都係想喺身心上征服我姐。如果你係講到對我咁無興趣嘅，點解你下面又會硬到頂住我呢。」畀Judy咁樣主動挑逗，又或者可以話係挑釁，我真係差啲控制唔到我理智將佢就地正法。
但幸好佢就連喺呢一刻想同我搞野黎控制主勢動權之際，都依然係一副居高臨下嘅語氣，我就係最討厭佢呢種態度。呢種厭惡感覺戰勝左我嘅獸慾，縱然我對佢有生理反應，但我都選擇左推開佢，之後行入廁所度鎖門等自己冷靜。被我拒絕門外嘅佢應該估唔到連最後殺著都起唔到作用，佢痴左線咁不斷拍度廁所門，大叫：「你係咪男人黎架，寧願匿埋喺廁所打飛機都唔肯搞我。你啲咁嘅垃圾可以掂到我係你幾生修道啦。」佢誤會左我，我之所有行入廁所絕對唔係為左自瀆，相反我係不斷兜巴星自己等自己可以清醒啲，同上次一樣，喺打到自己開始吐血果陣我先行返出黎。望住痴左線咁嘅Judy，我冷冷地講左一句：「我就係最討厭你呢種女人，恃住自己有幾分姿色就橫行霸道，有咩嘢都係想用皮肉去解決，你有無尊重過自己老豆老母架。」佢用充滿怨毒嘅眼神望住我唔出聲，我見都玩到咁上下，都係時候畀返啲甜頭佢。「不過見你今晚咁落力，我就姑且原諒你嘅無恥啦。我而家畀個機會你將功補過，我要你老老實實咁答我，阿Kate要辭職壇嘢係咪你搞出黎嘅。」佢聞言之後好用力咁搖頭，我行埋去哄到好埋，再問多次：「真係唔係你搞出黎？我而家望住你隻眼架，你講大話我會知架。」佢依然係好用力咁搖頭，我之後好溫柔咁拉返佢起身去梳化果邊坐，之後搣左幾格廁紙畀佢抹眼淚，再同佢講：「不如咁啦，我要你為我辦兩樣嘢。第一：同我查下整走阿Kate嘅真兇係邊個；第二：同我盡量整下Miki呢個人嘅底細，至於原因係點解你唔洗知道。只有做到呢兩樣嘢我就放過你，你要繼續爭阿Kate個位我都唔會阻止你。」Judy聽到之後點一點頭，喺幫我抹返乾淨個地下之後，佢就執嘢走左。