[甜]人妻食用手冊 II: 第五十三回 快閃

第五十三回 快閃

見到亞Cat電話我即刻聽無再理我老婆.
[喂.]

電話傳呢好嘈嘅雜聲.
[亞安,我想見一見你.]

[現在?]



[係....我係酒吧,你可唔可以出一出呢.]

[OK.即到.]
雖然唔知乜野事,但係我都好想見佢.

老婆見我換衫就問:[你去邊呀?]

[公司有D貨唔見咗,因為我有份經手現在返去搵.]

[你睇下,你D咁嘅工,連休息時間都無埋.]



我無應佢就出咗門口,
即刻飛的去老尖搵亞Cat.

去到酒吧,又嘈又黑又多人,
要係到搵人真係有D難度.

行咗一個圈都唔見人,
只好攞起電話call佢,
忽然聽到遠處起哄聲音,


一個角落有個女人比班男人圍住飲酒.

係亞Cat.

我一行過去,
亞Cat已經見到我好開心咁大叫:[你終於到咗啦.]

望一望身邊班男人,
有後生有老坑,
佢地個個靜咗望住我,

亞Cat笑住講:[等我同你介紹,呢班都係我D fans呢架.]
就係呢班有份輪姦亞Cat嘅狗公?

忍住自己嘅怒火,


現在出手比人抬出去嗰個一定係我.

見亞Cat有D醉意,睇呢飲咗唔少.
[佢地好好人架,成日同我癲.]

班友就尷尷尬尬咁對住我笑.
睇你地笑得幾耐,
一陣出門口唔逐個打鑊我唔姓劉.

佢地其中一個原本坐係亞Cat身邊嘅西裝友即刻起身讓咗個位比我坐.
見佢斯斯文文幾有禮貌,
一陣最後一個先打佢.

成班狗公見我一坐底即刻舉起酒大叫:[飲!]



亞Cat又根住佢地一齊隊.
我即刻攞走佢手上支啤酒.

[妳醉成咁重飲?]

亞Cat即刻好開心咁翹住我隻手.

[嗱!!老公唔比我飲乍,唔係我唔陪你地呀.]
老公??
亞Cat又玩乜?

成班人又再靜咗,
佢地都應該feel到我眼神唔多有善.

[好啦,多謝咁多位出呢陪我玩快閃,現在我老公呢咗接我,咁下次有機會再玩過好唔好?]


睇呢呢班人唔係上次嗰一班.

佢地你眼望我眼,有D無癮咁應咗亞Cat,
之後就起身走人.

當佢地走晒之後,
亞Cat好大力咁攬住我講:[好掛住你呀.]

[我都係呀,之前搵妳妳又唔回覆,重以為我地個關係就咁玩完.]

亞Cat無出聲,只係好用力攬到我好實.
我問佢:[妳無野丫嗎?]
佢搖一搖頭.

過咗一陣,


佢又好開心咁講:[頭先班人呢,我一影張相話係酒吧,佢地幾勁呀,即刻估中係邊重出埋呢.]