[甜]人妻食用手冊 II: 第三十六回 坦白

第三十七回 坦白

女人最利害超必殺技除咗眼淚之外,
重有隱藏超必就係對唔住.

當一個女人可以放底尊嚴咁出呢招,
你就要小心,一係想攞你命,一係想你為佢賣命.

當陳太講出呢三個字:[對唔住.]
令我即時停底腳步.



亞安,走啦重停係到做乜L野呀,
咁....人地都講咗Sorry啦,
嗱,做男人又唔好咁小,
有乜野唔啱講到啱.

陳太耷底頭講:[我今日唔係想同你嘈,只係心情好差.]
咁我都可以理解嘅無啦啦做咗女主角.

我坐返底攞咗罐啤酒,


[乾咗佢大家當無事OK?]
陳太好爽快咁攞起啤酒一飲而盡.

飲完大家同一時間都將個啤酒罐掉向垃圾桶.
結果我個啤酒罐比佢嗰罐撞開咗跌咗落地.
[Yes….]
陳太望一望我好輕佻咁笑一笑.
唉....我咪死死地咁行過垃圾桶側邊執番個啤酒罐掉返落去.

另轉身終於見佢有番D笑容.


我行返過去坐底問.
[陳生知唔知?]

陳太搖搖頭,
[佢咪同你一樣囉只睇game書.]
有時....無知可能係好事.

[咁老公又唔知有乜好煩?]

陳太忽然轉話題:[我想問下你偷食嘅感覺係點?]

既然比佢識破我偷食講大話都無意思.
我好真接咁答佢:[刺激.]

[點解?老婆滿足唔到?]


我吸咗一啖煙望住個天諗,
呢個問題我都問咗自己好耐.

[我屋企好多問題,我一直都以為係因為老婆霸道,個仔又廢又宅,
攪到我好唔開心,於是出去偷,希望會搵到一絲快樂,但係原來唔係呢D原因.]

[咁係乜原因?]

[一個字:貪,男人偷食根本唔需要任何理由,就算屋企乜事都無,我都一樣會偷,可能呢D就係天性.]
從來無諗過自己會對一個女人咁坦白.

[咁女人偷食呢?]
我望一望陳太個樣唔似講笑喎.

[妳唔係想話比我知妳同呢位.....早洩夫.]



陳太笑一笑望住我,
[我地公司同佢地公司有生意來往,所以....]

[順水推車?呀唔係,係推舟....]

陳太忍住笑講:[你唔好咁口賤啦.]

[Sorry,慣咗.]

之後佢又繼續講:[佢屋企人好返對佢追我.]

[追人地老婆喎,唔反對至奇.]

[但係Joseph真心喜歡我,所以依然無放棄.]


正常嘅,比我咁有錢我都無視一切啦.