[甜]人妻食用手冊 II: 第三十五回 審犯

第三十六回 審犯

佢好似有D火,都係唔好激嬲佢,
咁我咪攞起呢睇下囉.

封係一個平頭裝四眼仔,
望多兩眼,呢位咪上次抽陳太水條友.
再睇下內文寫乜,
[創科公司亞仔媽媽年青CEO Joseph當街抽水?]
呢條四眼仔就係成日見報嗰位富二代,


唔怪得之咁熟口面啦.

原來當日有狗仔隊跟蹤重要比人影晒相.
好彩陳太大部份時間都係嘔緊影唔到個樣.

我即刻指住本雜誌講:[嗱!!有相為証呀,今次重唔還我清白.]

陳太有D尷尬咁望一望我講:[對....]

講講下佢忽然停底咗無出聲,


眼都唔眨咁啤住我.

我感覺到濃烈嘅殺氣.
做乜呀,又想出手呀.
下意識準備好格擋佢嘅大技.
佢跟住問:[你啱啱收工呀?]

做乜問D咁九唔答八嘅問題?
雖然大戰過後無沖涼啫個身未至於發臭呀.



唔知係唔係佢個氣場太勁,
我連大話都唔夠膽講,
仲比佢攪到口到疾埋:[唔.....唔係呀.]
佢繼續啤住我攪到我周身唔自在.

陳太跟住講:[原本打算同你講聲對唔住,現在都係唔洗.]

[點解?]

[我都係覺得你唔係好人,所以無必要.]

明明證據確鑿都重要跌落地揦返拃沙,
[嗱,一單還一單,我當日的而且確無摸過妳,至於走廊....我知係我唔啱,
但係我無諗過有人偷睇架喎....]



呢一句野吉正陳太死穴,
係佢八卦偷睇我之嗎.

陳太即刻好慶:[我邊....]
之後真係一野車過呢.
好彩有準備只係打中手.
D女人真係痴L線唔夠人講就出手.

打完之後佢深深吸咗一口氣,
[Ok,我當你啱,原本以為誤會你,但係無囉,就算唔講之前D野,都唔覺得你好得去邊.]

[攪錯,我有乜問題先?]

陳太有D火咁話:[去完玩女人就唔好咁大聲話自己係正人君子.]



嘩,佢有讀心術架?咁都知?
唔可以比佢大到.
[我邊有去玩女人,唔好屈得就屈呀.]

[無?你摸下自己隻耳仔先啦,唔好話係老婆整架.]
我摸一摸耳仔,
Shit,有紅色唇膏係到,係Ada啜我耳珠時留底.

[無野好講啦,重成身酒味.]
斷正真係無聲出.

坐係到比人審犯咁好無癮,
佢又唔係我老婆,
我做乜要向佢交代咁多野,
既然唔啱傾留係到都無意思,


即刻起身走人.