[甜]人妻食用手冊 II: 第三回 家庭

第三回 家

返到屋企已經差唔多十二點,
當我打開大門時.
成個廳漆黑一片,
只係見到一支微弱燭光係廳中間地板上面點著.

見到有一個身影盤膝而坐,
口中念念有詞,
傳出唸頌經文嘅聲音,


忽然一陣陰風從背後吹過,
燭光映照係牆上面,
好似張牙舞爪嘅鬼影一樣,
令人毛骨悚然.....

大家唔洗驚,唔係咸故變鬼故,
我都唔係住係佛堂,
呢個場口我都已經見怪不怪.

開咗大廳嘅燈,


有個女人坐正廳中間打坐.

而呢個表面望落正正常常嘅女人就係我老婆,
佢無理會我繼續唸經.

我去咗廁所沖涼,
沖完出呢佢啱啱唸完.

[老公,你有時間就同個仔傾下好唔好呀.]



[又傾?傾過好多次啦.]

佢叉住腰同我講:[個仔你有份架!!!]

[好好好...我現在去.]
每次都係咁,有乜野唔想做就要我去做.
走到亞仔門前敲一敲門,
[仔,老豆呀.]

聽到佢一聲大叫.
[等等呀!!!]
唉....唔洗問一係打緊機,一係打緊飛機.

等咗一陣我開咗門,
一陣異味係房傳出呢.



密封嘅玻璃窗唔知幾耐無開過,
成間房都係垃圾.

重有成呎高食完嘅杯麵盒放係電腦檯側邊,
唔知有無曱甴添....

係呀,我成世人無野驚係驚曱甴,
特別係會飛嗰種.

明知自己唔嘅飛就咪學人飛啦,
次次都唔知佢地想飛去邊,
越避佢佢就越係飛向你身邊,
好仆街.
[作者話:大家唔好亂諗野,同政治無關,我本人真係好驚飛曱甴.]