求神畀我出一次Pool，點知畀埋個偶像男朋友我: 119

一醒來，我便發現自己被綁在家裡的椅子上。

我不是早早出發去看演唱會嗎？

「你講啊，我有咩比唔上陳浩賢啊？」阿軒脫了面罩，把我嘴巴上的膠紙撕掉，說。

我不明所以地看著面前的三個男人，除了阿軒，另外兩人都戴著面罩，一中年一年輕。

「死𡃁妹！我個少爺靚仔又有錢，睇得上你呢個劏房妹已經算係咁啦，你居然飛咗佢！講唔講啊？」中年男人說，感覺像是買衣服時在鏡子見到的身影。



我搖頭，他便大力掌了我嘴巴。

「好痛啊——嗚嗚嗚……」我痛得哭起來。

阿軒馬上指示另一年輕男人用膠紙封著我嘴巴，然後抓住打我的人的衣領，推到牆角說：「邊個俾你打佢啊？」

那人連忙道歉，阿軒才放他一馬。

「絲絲，你係咪好痛啊？我教訓咗佢㗎喇，我係咪好型啊？」阿軒在等待我的讚賞。



我見狀馬上點頭，心裡卻是在擔心下場會成為那人一樣。

「咁你同返我一齊好唔好啊？我想俾你過返公主嘅生活啊～」他拿著之前送我的愛蜜莉雅figure溫柔問我。

「我係女就lur反應啦，就算你講心唔講金，軒少識煮飯，人又細心，無得輸～」年輕男人附和。

這時，電話震動，是童童找我。

對了，我不給她手機進場，她就無法坐中間位置。



「唔唔——」我展示手機螢幕給阿軒，阿軒馬上溫柔撕掉我嘴巴上的膠紙。

「聽還聽，唔好同小姐亂講野啊！」中年男人兇我說。

我冷靜地告訴童姐無法出席演唱會，希望她能傳遞「找阿May」這個暗號給陳浩賢，由他派人來救我，但願不會影響他的演唱會。

我掛線後，便認真對阿軒說：「我其實真係好多謝你之前對我咁好，由初初識你已經好溫柔好gentleman咁對我，記得個次聖誕節出街，連家姐都未得閒關心我，你已經打俾我問我有無遮，又一早準備禮物俾我，家姐入院嗰時仲一直陪我。同埋一齊嗰兩星期多相信係我呢世人第一次感受到愛嘅moment。」

「咁既然我咁好，你就無必要避開我，唔聽我電話，我哋都唔駛搞到而家咁啦。你知唔知我呢段日子每一日每分每秒都諗起你，諗起你食我煮嘅野個開心樣，諗起你唱日文睇動漫嗰個陶醉樣？你同我之前啲ex真係好唔同，好容易滿足，我真係好唔捨得你同我分開，好掛住你，我先會諗唔開派我媽咪啲手下一直跟著你，睇下你近況點樣，有無瘦到、有無唔開心。嗚嗚嗚……」他馬上用力地撲向我身上痛哭，我不知所措。

我知道他是喜歡我才做那些事情，我不會怪他，只是......

那都是很好很好的 可我偏不喜歡

「咁我而家鬆返你啦，只要你同我一齊返就咩事都無㗎喇。」



「好耶，收工！」那兩個男人顯然有點鬆懈。

等到阿軒完全鬆開我，我馬上趁他們不為意便衝出門口跑樓梯下樓，阿軒和那兩個男人馬上追過來。

「絲絲，你做咩跑啊？」阿軒邊跑邊問。

「咪走啊，死𡃁妹！」中年男人顯然有點氣喘說。

結果，那個年輕男人居然在我踏出大街時追到我面前，正打算把我帶回去之時，有個人抓著他手臂。

「咪住！」