求神畀我出一次Pool，點知畀埋個偶像男朋友我: 118

「唔該，我想彈呢首歌嗰時可以加射燈～」

「呢度鼓聲可以出啲。」

來到演唱會當天，我一大早前來舞台作最後打點，畢竟能擁有屬於自己的演出絕對是不少人夢寐以求的時刻，我也不例外，盡可能是十全十美。

雖然這次演唱會舉辦得很突然，但因為場地僅容納200人，門票都很快全數售出。

希望屆時無論是我、她和一眾歌迷都能享受其中。



當然，籌備小型演唱會的過程也比起預期疲累，有多少個晚上只睡了數個小時便跑出去練習和設計舞台，慶幸有一班專業團隊，能在短時間完成要求，所以目前一切都在計劃之內。

直至吃過晚飯，正在補妝之時……

「靚仔哥哥……」是童童的來電。

「童童？你而家到入口喇？」我問。

「到咗啦，出面好多人等緊啦，但我想講呢……」



「做咩啊？我就快要上台喇。」工作人員開始催促我上台準備。

「你個忠實fans，我頭先打俾佢無人聽，再打多次佢話有緊要事嚟唔到。」

「咩忠實fans啊？係咪即係沈絲絲？」

「超，原來你知，咁我直接講。佢臨收線話要搵阿May傾project，我都唔知佢噏乜春。」

阿May？是那晚我裝成阿May和她聊日文，從阿軒身上解救她嗎？



「咁佢有無話喺邊啊？」

「無啊，我只係知背景好靜㗎，仲有feel到佢把聲同平時好唔同，好似好驚咁。」

還記得買衣服那天，她說過她有被跟蹤；某天下課又說是被跟蹤。

想不到他居然挑今天下手……

「咁你阿哥有無話佢去邊？」

「佢比我早出去，話會返Hall溫書。」

「我諗唔係，佢係上咗沈絲絲屋企！好啦唔該曬童童。再講啦，拜拜。」

「各位，唔好意思，我知仲有30分鐘演唱會開始。但我有啲好緊要嘅事要做，唔做會死人，我會儘快返嚟，有咩我包底！」



我向著一眾工作人員鞠躬致歉後，便馬上拿袋拔足狂奔。