求神畀我出一次Pool，點知畀埋個偶像男朋友我: 94

「等等，有電話。」我甩開他手說。

「喂。」我邊走邊說，阿軒緊隨著我。

又是一把熟悉的聲音。

「啱啱童童ig搵我，話你俾阿軒chur緊。」

童童？阿軒？是認識他們的人？



「你係邊個？」我不敢魯莽。

「屌，第二次認唔到我！我唔見咗電話卡，咪喺度買個新囉。」聽到髒話，我不會猜錯了。

「阿軒喺你隔離？」他續問。

「係啊。」

「咁啦，由而家開始，我叫你做咩就做，直至電話收線。」我望了一望阿軒，他在等著我。



「試下同阿軒講你而家要傾project，我係你同學阿May。」

「阿軒，阿May話要而家傾Project。我哋遲啲先傾？」我裝作難為情說。

「唔緊要，我等你傾完。」

我們坐在阿軒家樓下的公園長椅，他聽著我聊天。

「咁我哋照傾。交俾你嗰part做成點？」他嘗試模仿我的同學帶領話題。



「我嗰part？」我遲疑了一會，想著該怎樣編下去。

「我唔識做啊，條題目我都睇唔明。」

「好簡單咋啵。ありがとう(謝謝)我明啊～」他突然說了一個日文字詞，害我差點笑出聲來。

「呢個我點會唔明啊……咁愛してる(我愛你)你明唔明啊？ 」

我知道阿軒聽不懂日文，陳浩賢也是半懂不懂，所以我開始亂說話。

「咩嚟啊？Ice乜嘢啊？等我查下先！」

「算吧啦，睇你都唔識㗎喇，以為你日文突然咁勁可以教我添。」我馬上截停他查字典的舉動，順道調侃他的日文。

「哼，我係勁咗好多㗎！我仲識おはよう(早安)㗎……」



從天亮說到天黑，我和陳浩賢在阿軒面前一直「聊Project」，實則在討論他學過的日文。

雖然要時刻提醒自己不能說錯別的內容，難免有點拘謹，但這樣「久別重逢」的日文討論還是份外有趣。

阿軒這時拍我的肩膊，打斷我們說：「你哋係咪仲未傾完啊？」

「答佢有排啦！」陳浩賢指示我說。

我轉向阿軒說：「未啊，阿May原來乜都唔識，要我教返轉頭。」

「唉，咁好啦，我哋遲啲再傾。」阿軒顯然有點疲倦說。

「好。」我頭也不回繼續「聊Project」。



「走咗喇？」陳浩賢問。

「係啊～」

「啊——終於扮完，辛苦死人～我條俐打曬kick喇～」

「哈哈，你出屎橋咋嘛！」

「你呢個仆街，枉我用咁多時間救你。」

這句話.....怎麼這般熟悉？

是在夢裡聽過嗎？？？？