求神畀我出一次Pool，點知畀埋個偶像男朋友我: 51

終於，我平安回到安樂窩。

「阿妹，今日咁夜返嘅～」姐姐躺在床上說。

「無啊，唔覺意溫耐咗書。」我關上大門後，擱下手袋。

不知道從哪天起，對姐姐說謊已成為了我的慣常。

可能因為我怕自己不小心說漏嘴，透露了神秘組織的事，或是怕被姐姐責備，我一邊接受阿軒的好意，一邊和陳浩賢糾纏。



不過，我以後不用擔心被罵了。

「哦～同你講樣嘢啊～」

姐姐看來心事重重，給了我一個擁抱。

「咩啊？」

「Richard同我最近有啲誤會。」



唉，怎麼兩姐妹都遇上相似的事情。

「佢話個經理對我有意思，然後覺得我都對佢有啲嘢。」

「咁你解釋你無咪得囉。」

「唉，解釋同明係兩回事㗎，傻妹。」

「又係呢句。」我可能太笨，根本不能理解。



「咩話？」姐姐疑惑地看我。

「無，咁你諗住點？清者自清？」

我套用了陳浩賢的話。

「Time will tell，佢會發現我愛佢根本多於一切！！！」

「咁，會唔會係你到時發現根本無你想像中咁愛佢啊？」

「如果係咁，咁證明我哋真係有緣無份喇。」

換轉別人聽到這番話，應該會聯想到我和阿軒之間的誤會，但我反而擔心阿軒會因為我而對陳浩賢生氣，最後陳浩賢以後不理睬我。

我切實地不想和他有緣無份，也比想像中更著緊他。



我總覺得他會如常問候我是否到家。

只是直到現在，他的訊息還未傳來。