求神畀我出一次Pool，點知畀埋個偶像男朋友我: 49

「阿軒？」我和陳浩賢異口同聲說。

陳浩賢才記得後退，我也有默契地下了床。

「點算啊？阿軒點解返嚟嘅？佢一定誤會我地啦！我要出去同佢解釋。」我急忙提起手袋，準備開門。

「等等！」我回頭，他續說：「佢見到你係我地房，頭先仲......佢一樣會諗多，你可以點解釋？」

「咁點算？我應該點做好？」我一臉焦急地問。



明明我只是來聽彈琴......

「算啦，清者自清。」

「你係咪on9㗎？佢係你兄弟嚟㗎啵。」

「咁你接受佢咪解決囉，不過唔好唔記得神秘組織單嘢。」他冷笑道。

他怎可能把我推給阿軒？！



「痴線，種種行為都睇得出你呢個人真係好無同理心！佢有著你呢啲兄弟真係『三生有幸』！」我情急之下說出這番狠話。

「你鍾意點諗咪點諗。」

「同埋你顧掂你自己先啦，蠢到死！」他拋下這番話便繼續彈琴。

「哼，我係蠢先上你hall，以後唔上啊！！！」我不甘示弱，馬上轉身離開。

我發誓自己以後不會踏足這個地方。