【穿越/愛情】《我同鍾意咗十一年嘅人表白，佢竟然跳海死咗》: 七十七

就在我驚喜交集的時候，我聽到旁邊的椅子發出了聲音。
我斜眼一望，竟然就是那個短髮女生坐到了我的身邊。
OMG！
我一臉暗喜地向著蕭揚九公點頭，表示今早遇見的人就是她，而蕭揚和九公也是一臉不可思議地互望著。
「繼續傾計先。」蕭揚冷靜地用口形向我們交代著。
「嗯...你哋有冇聽講今年邊個係班主任啊？」我會意，馬上開了一個新話題。
「好似係Miss Tam？」九公也接話。
「係Miss Tam就慘啦，聽啲師兄一年傳一年咁講，近十年佢都好似更年期緊，成日亂鬧人㗎。」我爽快再回應道。
 
就在我們一句接一句的聊天時，蕭揚又用口形對我傳話：「撩佢傾計。」


我用口形回應：「傾咩啊？」
蕭揚又回應一句：「求其啦！」
這時，九公在旁開聲好奇地插嘴一句：「你哋無聲係度傾緊咩啫？我唔明嘅？」
我和蕭揚同時狠狠地瞪了他一眼，然後蕭揚馬上接過話來說：「希望唔係Miss Tam啦，如果唔係真係生不如死㗎啦。」
「聽講啊，Miss Tam每日唔鬧喊一個人都唔收手㗎。」我會意地接了話，順道偷看了短髮女生一眼。
她此時的臉容跟早上那時的天真陽光有點不同，反而顯得有點怯弱，有點緊張。
「仲有啊，聽講佢睇功課好嚴，無七十分都要重做㗎。」蕭揚接話，同時再向我拋了一個眼色，示意我盡快跟短髮女生說話。
 
這時的我，想起了早上時候內心的一句自說自話。
「若然我能在校園中重遇這個女生，我決定，我第一句就要跟她表白。」


所以說，我現在應該對她說「我今朝見到你，我覺得你幫小朋友嗰一刻嘅笑容好靚，我好鍾意你」嗎？
當然，理智馬上阻止了我，而同時我也想好了另一句補上開場白。
「你好緊張啊？」我對著短髮女生說了一句。
她好像對我突然向她說話感到有點驚訝，但還是點了點頭，「嗯」了一聲。
「你擔心班主任？」我馬上打蛇隨棍上地追問一句。
 
我們就這樣有一句沒一句的搭訕著，慢慢地聊開了。
好幾次我內心都想對她說我早上碰見過她，還有想欣賞她的善行，可是看著她此時有點緊張的樣子，我又怕這樣的話過於唐突，所以心裡一直忍著沒有把話說出口。
隨著我們愈談愈多，我感覺到從她身上散發出跟早上完全不一樣的狀態。
內向、緊張、擔心、寡言。


可是，這卻令我對她愈感興趣。
我想再見一次她展現早上那刻天真的笑容。
所以我作了一個決定。
我決定將上學期的位置選定在她的身邊，為的就是要成為她的朋友，認識她，了解她，然後再看一次那個絕美的一笑。
 
「你想坐邊啊？」我拿著座位表，試探地問。
「無所謂啦，反正我一個同學都唔識。」短髮女生苦笑了一下回應。
「咩啊，你咪識我囉，你一於同我坐啦。」我心中暗暗叫好，因為女生的回應正中下懷，「咁你叫咩名啊，我幫你填埋啦。」
「胡皓晴。」短髮女生輕輕道出了三個字。
 
那刻我沒想到，這三個字，將會成為了讓我牽絆一生的咒語。
而當我終於發現時，已是我站在靜默地放著阿晴屍身的病床旁。
 
回憶到此為止。
 


「所以我嘅遺憾，係當時無同阿晴講出心底嘅說話？但邊有可能一識人就講呢啲嘢㗎，我咁都覺得遺憾？」我突然有點質疑那時候的自己。
「錯過就係錯過。可能你已經唔記得咗，嗰時嘅你後悔咗兩日，點解當時唔講出埋你曾經撞過阿晴嘅事呢，因為講咗，可能你嘅欣賞同心聲會令佢對你有好感呢。但你最後覺得過咗幾日先講好奇怪，所以都係無講到，最後就不了了之。」天使笑著道破了我當時的遺憾。
確實地，誰也不知道，若然當初的我在見面的第一天已把心聲向阿晴揭露，到底結果會是如何。
當一句再普通不過的說話，沒有在適當的時候說出口，錯過了，就是遺憾。
 
「好啦，我哋都用咗好多時間去回顧同解釋啦，係時候，你要出發去第一個回憶載點改變你同阿晴嘅相識經過，當係了結阿晴嘅心願。而你，亦都可以開展翻一個無遺憾嘅人生。」天使對著我微微一笑，象徵著事情即將告一段落。
「阿晴死，而我可以無遺憾咁擁有我嘅人生，呢個就係結局？」我惘然地望著天使。
「呢個就係阿晴期望嘅結局。」天使點頭道。
「我唔接受。」我搖頭，然後再用力地搖頭。
天使像是一個慈祥的父親看著一個撒野的孩子，默不作聲地微笑著。
「因為我嘅退縮、無膽，一直以嚟都唔敢向阿晴講出心聲，即使穿越時空嚟多一次，我都係咁樣，最後先令到阿晴要死。既然係咁，我憑咩要阿晴死，但自己就可以風流快活咁忘記一切去生活呢？」我看到此刻病床上已死去的阿晴，想到自己對她的虧欠，不禁再次落下淚來。
 
「嗯，阿晴其實都有預料過你會拒絕改變回憶嘅，所以佢話只要同你講一件事，你就可能會改變心意。」天使保持微笑道。
「係咩事？」我問。
「我啱啱講阿晴嘅故事嘅時候，其實提少咗一件無關痛癢嘅事。」天使笑了笑，「就係，死咗之後作為靈魂嘅阿晴，其實喺每個回憶載點之中都有同過你講嘢。」