【穿越/愛情】《我同鍾意咗十一年嘅人表白，佢竟然跳海死咗》: 五十五

「喂，呢檔嘅魚蛋雖然無汁，但幾彈牙喎！」Aiko一邊吃著我們買回來的戰利品， 一邊讚不絕口。
「梗係啦，話哂我請喎，梗係要買最高質嘅甘永泰魚蛋俾大家試下啦！」九公沾沾自喜地說，完全把我推薦一定要買甘永泰魚蛋的事情埋藏不說。
不過，看在他要好好在Aiko面前表現自己的份上，我暫且放他一馬。
「我覺得呢個芒果糯米糍幾好食喎。」阿晴一臉幸福地吃著如半個手掌般大的長洲特色芒果糯米糍，毫不介意讓臉上沾滿了椰絲。
「識貨，呢個我揀嘅。」為免再被九公搶風頭，我快一步地爭取了阿晴的欣賞。
「你哋三個果然做得嘢喎，不如今晚bbq嘅材料就交哂俾你哋啦！」Aiko奸笑著吞下了半年鯛魚燒。
 
「嗱，既然你提起bbq呢，我其實諗到一個幾好玩嘅建議。」這時候我站了起來，「話哂今次都我哋嘅畢業旅行，點可以就咁bbq咁簡單呢。所以我諗到，反正要買餸，不如分組嚟場比賽。」
「比咩先？」Aiko似乎大有興趣。
「分兩組，每組兩個人，用同一個金額買餸，買得最抵嘅為之贏。」我充滿自信地說出了我的計劃。


「咁仲有一個人咪無得玩囉？」阿晴的關懷本性又出現了。
「問得好，淨低無得玩嘅人就係蕭揚啦！因為佢太醒啦，所以佢入邊隊都唔公平。而且邊隊叫做買得抵都要有個評判去決定嘅，所以就等蕭揚做評判啦，我相信佢唔介意嘅。」我向蕭揚拋出了一個眼神。
「唔介意，我做評判啊。」蕭揚如計劃中一樣非常配合地接受了。
「咁贏又點輸又點先。」Aiko的反應顯示她肯定會參賽了，當然這也是在我們的預期之中。
「好簡單，輸嘅今晚要負責燒嘢食俾贏嘅嗰隊人食。」我說出早已預備好的台詞。
「無問題，我同阿晴一組，你同九公準備定今晚成晚做工人都得啦。」Aiko自信地看著我。
「既然要分組，不如抽籤啦，咁先夠刺激嘅。」蕭揚一邊說，一邊抽出了早有準備的撲克牌，然後從中取出了兩對相同的牌。
「抽咪抽！」Aiko毫不猶豫地伸手抽卡，卻仍未發現自己已墜入我們的圈套之中。
 
「我嘅計劃係以戰養戰。」


時間回到早前我、蕭揚和九公三人在外買食物的時間。
「以賤讓賤？咁即係要幾賤呢？」九公一臉疑惑地問。
「你唔好用成語啦，九公唔明㗎。」這不是嘲諷，而是我知道九公確實不明白才說的。
 
「以戰養戰，即係用戰爭贏返嚟嘅資源成為軍隊嘅補充，然後再去打下一場戰爭。」為了九公，蕭揚只好無奈地先解釋一下成語故事，「如果九公你真係想喺呢三日內表白，咁你嘅時間確實唔多，所以唯有透過同Aiko增加相處嘅機會，然後一邊試下唔同方式，一邊改進，睇下可唔可以成功搵到最吸引到Aiko好感嘅方法。呢招就係『以戰養戰』，從實戰之中累積經驗。」
「但我哋五個成日一齊，邊有機會再增加相處呢？」九公的腦袋仍是毫不靈光。
「機會係人製造嘅，所以蕭揚嘅意思係，由我哋去製造多啲機會俾你哋二人獨處。」我不嫌其煩地解釋著。
 
「有機會係好，但如果我到時講嘅做嘅都錯，咁就唔係以戰養戰，係屢戰屢敗㗎啦。」九公談起女生，突然連成語都好了起來，當然不排取只是他特別熟悉有關「失敗」的成語。
「放心，我哋有五個人，如果要令你同到Aiko獨處，最大可能就係分組行動。咁分得組，總會有一組嘅其中一個單丁。咁嗰個人就會負責觀察你同Aiko，再用無線耳機去俾提示你。」蕭揚掏出了在這個年代仍屬稀有品的藍牙耳機。


「聽落幾好，不過實際做出嚟......？」似乎九公仍有擔心。
「交俾我哋啦。」我跟蕭揚胸有成竹地相視而笑。
 
「吓！我同九公一組！」Aiko抽出牌後，絕望地仰天長歎一聲。
「今日簡直係你最幸運嘅日子啊，一陣一定要食多串魚蛋幫你慶祝啦！」九公高興地取笑著Aiko，但我和蕭揚卻知道他是為著計劃順利進行而高興。
在蕭揚簡單的魔術手法下，輕鬆就把分組控制成「九公+Aiko」和「我+阿晴」的結果。
「唔好累我輸啊！」阿晴低聲地說著，並用瞇成一線的眼睛瞪著我。
「有『講價王加街市嬸嬸殺手』之稱嘅我喺度，我哋輸嘅機會係零啊。」
我有著如此自大的信心，全因為我與蕭揚早決定了，無論如何最後都會判Aiko二人落敗，讓他們可以好好在bbq時二人共處，也好讓九公表現一下男士風度服侍Aiko。
「既然分好組又食完嘢啦，咁我哋就預最遲三個鐘後，即係五點半翻到嚟集合啦。而家可以出發！」在蕭揚一聲令下，我們兩組都不若而同地衝出門外，認真得彷似在參與電視上的遊戲節目。