廟街有殭屍（已在各大書局上架）: 後話

好，多謝大家支持。廟街有殭屍第一季嚟到呢度，本身都係諗住挑戰下自己，所以故事暫時去到呢度，第一季主要想確立咗個世界觀先，我都留咗啲一啲故仔伏線希望之後可以寫落去，如果大家真係鍾意，我會遲啲再出第二季。
其實心水清嘅都知道，我真正想講係自由，可能受香港近況問題影響，點都想寫啲係切身相關嘅嘢，結果產生咗呢個故事，加咗好多本土元素入去，希望有返多啲香港色彩，一個真係本土嘅故事。
第一次試恐怖科幻小說，當中加咗好多打鬥元素，呢啲都係我未試過，但想試下排戰自已去寫，所以好多唔夠好嘅地方，請多多包容
多謝好多巴打絲打陪伴呢十幾日，睇故同正評推Post嘅你，雖然最後係咁被人推爆Post，出極都出唔到結局，好似Cut唔到有線咁（我就嚟拎刀），但都好好笑嘅，大家開心就好，希望大家都睇得盡興，可以放鬆一下心情。
鍾意呢個故就分享出去，同埋Follow我同追蹤我，我哋Keep in Touch.
Love U all .
西樓上
03/06/2020