(短故）《二月十四號嗰日，我收到一份情人節禮物》: 25.

阿宇在廁格門外叫著：「喂，你無嘢呀嘛？」

我抹了一抹嘴吧就向他大叫：「我ok呀！」

後來我整理好嘴角的殘餘物，一開門就見阿宇就站在外面。

他手上拿著一枝玫瑰花。

「喂，你係咪醉呀？」他溫柔地問我。





「少少喇。」我不好意思地向他說。

「送畀你喇。」他把花塞在我手上：「頭先個條女係咁話佢都係廣東人，之後迫我幫佢買枝。」

雖然他好像不情不願，但我還是甜甜地笑了出來。

玫瑰會厭，但浪漫不會；因為玫瑰是死物，浪漫是生的。

雖然這句話出於一個賤男身上，不過我還是由衷地認同。





只要是阿宇送的，我就覺得是浪漫。

之後他拉著我出去，向著強哥說：「唔好意思呀，佢有啲醉。我要睇住佢呀，所以我哋返去先喇。」

「哦，唔緊要呀，好閒啫。你睇住你女人先喇。」強哥很豪邁地說：「加個wechat先囉，我地再約過！」

「強哥，唔好意思呀。下次同你飲過呀。」我也向著他道歉。

「你加佢喇。」阿宇指著我說。





「我唔慣加人女朋友wechat㗎喎。」強哥馬上推說。

「我無wechat呀，你搵佢就搵到我㗎喇。」阿宇這樣說，然後著我拿出電話來：「嚟喇，都係一個聯絡方法啫。」

於是我們便在三時多就離開了酒館，慢慢走回我們的民宿。

這條街比起數小時前的古城少了一份熱鬧，多了一份靜謐。

在這個人煙稀少的街裡道阿宇拖著我的手，我一手牽著他、另一手緊緊捉著他給我的玫瑰。

「玫瑰玫瑰最嬌美，玫瑰玫瑰最豔麗，春夏開在枝頭上，玫瑰玫瑰我愛你。玫瑰玫瑰情意重，玫瑰玫瑰情意濃，春夏開在荊棘裡，玫瑰玫瑰我愛你。」我邊走著邊哼著這首歌。

「喂，做咩係咁望住枝花笑。」他望向我。

「因為係你送囉。」喝了酒的我比平日大膽，我便直接這樣說。





「傻妹。」

之後我們又沒有說話，走到一半，他叫我抬頭望天。

我一望，映進眼簾就是一片星海。

「嘩，好靚......」我忍不住讚歎起來。

「呢到無光污染，所以星星同月亮都好清楚。」他指向右邊：「你望下個月光，幾大幾光。」

我順著他指的方向望過去，大理的月亮比香港看到的更大，而且真的有明月照大地的感覺。

此時我才發現，一路走來根本沒有任何街燈，引領我們前進的就只是那一輪月亮。





倚星抱月原來是這一回事，這是沒有光污染的城市。