(短故）《二月十四號嗰日，我收到一份情人節禮物》: 19.

每當我適應了一個人，我就會毫無保留地付上自己的心。

即使受過多少教訓也好，前事也不會令我變得小心翼翼，我依然是當初的沈卓怡。

所以一但面對分離，我從來也是無所適從，所謂的欣然接受也只是自欺欺人。

我開始想這些事，是因為阿宇在一個下雨的深夜預告了我們的結局。

那個晚上我們都喝了一些酒，不算醉，只稱得上是微醺。





他依舊像平日一樣牽著我的手，緩緩走到他宿舍外面的馬路。

那兒有個簷蓬，他收起雨傘，然後整個人靠在牆邊。

雨點淅淅瀝瀝地打在地上，我的腳邊都沾滿了外面彈過來的水。

「你係咪買咗飛？」他指的是落日飛車的門票。我這個獨立樂團發燒友絕對不會放過每一場演出。我以為世界上很難再找到我又喜歡又會聽這些音樂的人，但原來阿宇聽歌的口味和我很相近，甚至比起上一次我愛過的K更加相似。所以我們約定好一起去看落日飛車，一隊曲風浪漫淒美的台灣樂團。

「係呀。」我點點頭。





「咁到時我哋到時真係喺個到玩返幾日喇。」因為這次的演出是在昆明，我們想著只去看一場音樂會就回港實在太浪費，所以一早決定了在當地多留幾日。

「係喇，之前都講好咗。」我笑著說。

他長嘆了一下，然後把我拉向他胸前，抱得我好緊。

「咁我哋捉緊青春最後嘅尾巴喇。」我聽罷本以為他的意思是指我們將要畢業，隨即他又補上一句：「真係最後嘅最後啦。」

我馬上就戰戰兢兢地問他：「你話最後......係咩意思？」





他遲疑了一會兒，才慢慢放開我，然後神色凝重地開始說：「每個人都會遇上好多過客。」

我已經預料到下一句。

「而我同你，都係對方嘅過客。」他繼續說。

「你都好清楚，我細個經歷過嘅事。你話我搵藉口都好，當時嘅事我一直都未放得低，甚至好影響我嘅愛情觀。我完全唔敢，應該話我唔識點樣去投入一段感情；因為我好怕我一但陷入咗，要失去個刻會好痛好痛。」他望一望我，然後又說：「所以我從來都無試過認認真真咁放心機入一段感情到，我唔想經歷失去愛人嘅痛苦，就好似我爸爸媽媽一樣。」

「我唔想呃你，因為我負你嘅實在太多。我畀唔到一段正常嘅關係你，從來我都只係識得逢場作戲。所以我一直有搵好多唔同嘅女人，呢個係令我唔會太過沉迷喺一段關係嘅方法。」我想起第一次在酒吧碰見他時，他摟著的女人，還有他頸上的吻痕。

我好像聽得懂他的意思，但大腦又似突然停止運作一樣，無法好好組織他所講的一切。

「咁其實我同個啲女人，係咪無分別？」我啞著聲線問他。

「唔係。你信唔信都好，正正因為你唔同佢地，所以我先唔想拖住你。」他別過面去：「我欠你嘅係一世都還唔到，我可以做嘅事就只有同你坦白。」





我忍不住流下了一行眼淚，就算他說我和那些逢場作戲的女人沒有分別，我覺得這也只是安慰的說話，完全不能把我的難過止住。

「好，我明。」我故作淡然地回應，縱然我早已淚流滿面。

「好對唔住......不過我諗我唔講對你仲衰，我諗咗好耐，始終覺得要同你講清楚。」

我用手擦去臉上的眼淚，然後跟他說：「咁好好過埋剩餘嘅日子，好無？」

他聽後好像如釋重負一樣擠出一個笑容，之後再次把我擁入懷裡：「好，開開心心過埋佢。」