《我喺連「興趣」都冇嘅極權國家生活咗廿年，直到遇見妳》: 第六十三章

吃飯的途中，銀欣終於問師父那個問題。
「師父，想問下你知唔知創新局局長住邊？」
「做咩咁問？」
「佢老婆係我小區嘅朋友，我想揾佢敍下舊。」
「我知呀，我轉頭要做野，一係我依家好簡單咁畫個地圖比你，你跟住去睇下去唔去到啦。」
「唔該師父。」
之後，師父便走到飯堂職員旁說了幾句話，便回來了。
「你哋等一陣。」
過了一會，職員拿了紙和筆前來。師父開始在上面畫地圖，從飯堂這邊開始，包括我們兩個的家，和我們要前往的目的地。
「係呢度啦，我印象中佢間屋係藍色嘅，你望下你睇唔睇得明個地圖。」




我將地圖到我和銀欣前面，師父原來將整個皇城區的主要建築都包括在內，非常用心，而且創新局局長的家離我們也不遠，我相信我們可以去到的。
「唔該晒師父，個地圖好仔細。」
「咁你之後仲有排係呢度住，等你快啲知晒啲地方都好嘅。不過你唔好咁早過去，我哋新聞局係特別早起身食早餐，但係佢地可能依家都未起身。」
「係喎，好彩師父你提醒我哋，唔係嘅話可能我哋轉頭就去嘈醒人。」
「同埋你過去個陣小心啲，唔好去佢地工作室。仲有記住唔好偷望佢哋啲新產品。創新局局長脾氣唔係幾好，唔好惹黎不必要嘅誤會。」
「好，我知道啦。」
於是，我們便先行回家，打算多等一會才去拜會創新局的家。