《我喺連「興趣」都冇嘅極權國家生活咗廿年，直到遇見妳》: 第六十二章

梳洗過後，我們走出家門，已經看到師父師母已經在等我們。
「你就係銀欣？」
「係呀，師父師母你哋好。」
只見他們二人露出慈祥的笑容，看來他們都相當滿意。然後師母和銀欣走在前面，我和師父走在後面，分開兩邊談天，只見銀欣笑得非常開心，她們應該相處得非常愉快。
「李日，睇黎你真係冇揀錯人，佢好過周玲多多聲。」
「係咩師父？」
不過，就在師父說出此話之際，我感覺到前面有一股極強大的低壓區正覆蓋這條街道。銀欣看向了我們，用一個冷冷的眼神看向我，雖然我已經受到余沁的專業黑面訓練，但我也也感咼到一陣寒意，毛骨悚然的感覺。
「老公呀，究竟邊個係周玲呀？我琴晚聽你講左成兩個鐘都冇聽過呢個名嘅？」
她說完之後，還向我擠出一個笑容，看來我的劫數難逃了。而師父也感覺到自己說錯了話，將會有大事發生，他輕輕拍了我的膊頭一下，然後與師母向前快步逃離現場。
「老婆，不如我哋今晚先講佢啦。」




「但係我依家就好想知喎，琴日你已經揀左我做你老婆啦，琴晚又話會愛我照顧我咁，又話將你咁多年嘅人生講晒比我知，原來係假嘅，我都唔知我依家信唔信你好。」
「放心，我今晚會一五一十同你交代晒佢嘅事。你唔係話想揾番你以前嘅朋友咩？我哋仲唔快啲追番師父師母問。」
「信住你先啦。」
就這樣，我將這個炸彈拖到今天的晚上。