《憶•夢》: 第二章-面具男的故事

我拉到周公坐低，不停重覆的問著他「你額上的疤…係嗰整到嘅？真係嗰時整到嘅？」
 
「你問幾多次都係啦！係呀！我中四嗰時整到嘛。你都喺醫院都見到嘅。」周公不厭其煩地回應著。
 
之前發嘅…唔係只係一個夢咩…整理番現時有嘅資料係…嗰個唔單止係一個夢咁簡單，正確啲嚟講…我應該係返到去改變未來。由周公的疤痕嚟睇，唔單止係記憶上有改變…更加係身體上，物理上係有改變。
 
我仲應唔應該繼績用夢去睇下發生咩事…「喂！我返去先啦！對唔住...」我不停想住所發生的事。
 
「對唔住？對咩唔住...奇奇怪怪...」周公問道…




 
仲有啲咩我係諗唔到...睇嚟又要發夢搵面具男...問佢個究竟！
 
…
 
我睡著教來，再一次進到自己的夢境…一片的漆黑的四周…「喂！面具男...」我大叫著。
 
「唔錯！以第一次進入夢境有咁樣嘅觀察同能力，已經做第好好...」聽得出面具男的佩服。
 
「咁所以...你會講啲咩我想知嘅比我知？」我問著神秘的面具男。




 
「你都係想知...我係邊一個，同埋你一直掛住嘅嗰粒水晶係邊到嚟啫...放心！我會慢慢咁講...」面具男說話之際，佢手上就出現一團光芒，好像一個球體嘅形狀。光芒的強度開始慢慢的消減。
 
光芒的內圍出現了一份厚的文件，以一個文件夾把它釘裝得十分整齊...
 
「故事應該由依份Research開始講起...」面具男凝視著他手上的文件說道。他輕輕一推著，這個文件的光球朝著我的方向飛過來，慢慢的穿入我的身體之中。
 
…
 
二零一二年十二月二十四日




 
「今日有傳係世界末日…地球嘅磁場會南北掉轉，當極點互相掉轉之際…磁場會喺有十秒嘅真空期，太陽風暴就會將大氣吹散，大氣層都會瓦解...」生物科學實驗室中的電視機正播放著一段即時嘅新聞。
 
一名年輕的男士走了進來，「一個資訊爆炸嘅年代，仲會有人相信世界末日都有嘅？係喇！馬爾德博士，你要嘅資料，我已經打咗出嚟啦！」那名男士把他收集到的資料放在枱面上。
 
「無計啦！人類開始慢慢咁退化緊，要進步，就必須要淘汰，繼而進化…先係人類唯一出路...」馬博士暫停他手頭上的工作說道。「進化嘅鑰匙，就係喺人嘅大腦...只要能夠開發多5至10%的腦功能，就能夠做到超出我哋想像嘅力量！」
 
我一直在邊觀察著，但今次嘅情況同之前嘅夢境有點不同，其他人都睇唔到我囓存在…我繼續睇住發生咩事…
 
「我用過電腦模擬器去做咗計算同分析，已經試咗無數次嘅組合同排列，暫時都未有一個結論，而家希望嘅係...盡快做到結果出嚟...」這個助手男指著電腦熒幕說著之際，「COMPLETE SUCCESSFUL！」
 
馬爾德立即和助手男放低晒手頭上所有的工作，全神貫注於電腦當中，。「真係太神奇！連我都無諗過依種組合！哈哈哈！！！」馬爾德十分雀躍的說道... 。「走啦！去研發實驗室到試下合成依種組合！」
 
佢地兩個都離開咗研究實驗室之中。我立刻走上前，看著個電腦熒光幕...





 
「Deuterium (氘), Rhenium (錸), Americium (鎇)，依三種元素夾埋一齊都得...會唔會爆炸...」我對著電腦自言自話...
 
接著，我看到枱面上，馬博士剛剛放低的文件...
 
「標題：意識如何進入另一個意識」我十分驚訝著我自己的所見所聞，是因為之前上網睇過...完全搵唔到有關依個實驗的資料...當我想再揭去下一頁看的時候，有一道力把我拉走了...
 
我再一次回到那個黑暗的空間... 「頂呀！點解會出咗嚟...」我不屑的說道。
 
「我作為一個講故事嘅人，當然要將故事分開嚟講啦！」面具男對著我說。「依個只係故事嘅開頭...」
 
「幾有趣呀！依個遊戲幾好玩呀！」我開始興奮著起來！「我一定會親手揭開你嘅面具咖！馬！爾！德！博！士！」
 
面具男聽到我嘅言論並沒有太大的反應，看來他一早都打算向我開估「希望你唔好令我失望啦！」
 




…
 
朝早返到學校的時候，為咗要做一樣嘢去驗證琴晚見到嘅夢起。我穿了實驗袍，走到檢測實驗室，入面有林林總總的檢測儀器，有啲係測有機物，有啲係測無機物，有啲係測唔同類型的物品。
 
我走到枱前，除掉水晶的頸鏈，打算用XRF去檢測依粒水晶。X-ray fluorescence 以X-ray射擊樣本表面材料激發出螢光，並以此螢光作為元素定性定量分析的方法。
 
假如馬德爾比我睇嘅係真，結果理應係會相符...
 
電腦的顯示...「樣本內含的元素，包括：氘，錸, 鎇」
 
實驗過後，我收拾好所有的東西，而水晶鏈亦戴到頸上...隨後，我走回課堂上，又要再一次聽教授繼續講解，但我又無咩理由喺到發夢搵資料。所以我只好到網上尋找有關啱啱檢測的結果。
 
顯然的是，這三種元素要放在一起，是十分不穩定，隨時合成的時候都會有一定穩度的爆炸...
 
當我看到之後，我一直都整著我的頭髮。周公留意到後，竊竊私語的說道「嘩，你研究啲咩？依三種元素都好鬼貴，無幾可真係可以用嚟做研究同實驗，你睇嚟做咩？」




 
「無...得個睇字啫...」我嘗試以電腦程式模擬這個實驗，以依三種元素做基底，再放置不同的排列入一個化合物的結構之中…
 
希望會有一個好消息...
隨著時間一分一秒地過去，實驗結果終於出來...
 
這三種元素以任何形式的排列都只會生成一種不穩定的化合物，但當中唯一一種的排列能夠有一段的時間是維持穩定，但亦很快會分解出其他的化合物...
 
「又會咁都比你排到出嚟！」周公對我十分佩服...「但可惜呀...比你有一下穩定到，都係會分解番出嚟...會唔會有啲嘢包住佢會好啲啦...」
 
「包住佢...會好啲...」我比周公的一番說話提醒到...但可惜...世界上成千上萬隻的化合物，就算比我有超級電腦都難以計算...超過十年都唔出奇。
 
究竟馬博士當時只有咁薄弱嘅資源係點做得到...