《憶•夢》: 第一章 - 新舊記憶
~第一章 - 新舊記憶~
我微微地張開眼睛…我的身軀好像飄浮在水中...
「啊！我記得我係拎咗周公嗰鎖匙扣同...面具男...的水晶！」我猶如如夢初醒般。
我在猜想著，自己此刻在一個奇怪的夢境...整個場面同現實的處境完全截然不同。我身邊的四周有不同大大小小的氣泡四處飄動著，每一個氣泡都好似重點的影片，每隔著幾秒的時間，就會轉播著不同的畫面...
一個播著周公的氣泡向著我的方向飄過來...幸好我能時及躲開那個氣泡...
自己還未搞清狀況之前，都不應該胡亂作出決定...在我前方的遠處， 有一棵好像水晶樹，連接著皺接的地面，而樹枝的末端有很多的分枝，形狀好像觸手。由於整棵的「樹」是透明膠質般，所以隱約亦能看到「樹幹」的內部有著一絲一絲的管狀物。
以我的觀察和認識...自己的意識應該喺腦部，那棵大樹應該是腦部的神經系統，而樹枝般的末端應該是神經突觸...
我繼續仔細的觀察著，有一個氣泡游到那棵樹的中心位置…幾條的神經突觸就包裹著那個氣泡，氣泡不但沒有爆破，反而微微的發著一絲絲的光線。氣泡中的畫面就好像跑馬燈般播放著…
突如其來的聲音，打破了一刻的寂靜...這把聲音... 「太好啦！你真係嚟咗！」面具男輕輕拍著手說道。
「你...」雖然我未能夠100%肯定依個係咩情況，但我只好順住這個形勢問道面具男。「究竟依到係邊到？我係夢入面？定抑或係其他情況...比個答案我！」面具男越係故作神秘，我就越無耐性對著他。
「我講過... 去睇下人哋嘅夢的內容，你只要將你夢到嘅所有嘢報告番比我聽...」面具男的聲線十分平和，沒有太過激動。「你只要想像你行緊過去任何一個記憶氣泡，你就能夠進入人哋嘅記憶...」
說完這句話之後，佢又再一次消失於這個空氣之中…不過有一樣嘢係我已經可以肯定的...這個面具男能夠任意進出我的夢境之中...但有一件事情始終都係好奇怪...那個水晶的物體竟然可以實體化，由夢境放到現實的當中。
睇嚟，如果我要知道，甚至完完全全了解成件事，同埋揭開面具男的真正身份，我只可以跟住面具男的指示去做...於是，我朝著那個發著微光的氣泡飛過去...
那個氣泡的畫面正播著周公穿著住中學的校服...
唔通...
隨著我進入那個發光的氣泡，我就身處於黑色的隧道之中，而我不停向下跌進去發光的方向...
當我會過神來，自己就躺在地上...自己四周觀看著，四周的環境都被一片濃霧遮蓋著。奇怪的事情又再一次發生...
地下有光直射著光於天上，而四周的煙霧開始飄散開，而背景的景色好像16倍速快速地建構著...直至一幅熟悉嘅場境出現了— 中學的天台。
我同周公喺高中嘅時候就係friend，因為我地都修讀咗化學同生物，而我哋最終嘅目標係要做到 — 淨係靠呼吸就可以產生身體所需要嘅能量。
當然啦～中學生就係不務正業，得閒嘅，就中意望住窗出面嘅景色，總係諗好多天馬行空嘅事情。
依個既然係周公嘅的記憶，我依家要做嘅嘢...應該係搵番當時人所在的位置先
我隨後離開了學校的天台，喺學校的四周不停留意有咩大小的事情發生。得知嘅事情有以下兩點：
- 我依家身處夢境的時空，係我同周公中四的時間：2013年3月23日 17：30
- 我能夠隨意移動所有的事物，重點係其他人都能夠見到我嘅存在
再多嘅事情，留番之後再觀察到先算...
第一點，我依稀記得，我地高中嘅時候，一放學就係會去公園嗰到「吊吊Fing」，就即係咩都唔做，又喺到浪費時間。
我一邊走去我同周公嘅老地方，一邊繼續喺到諗即啱啱得出嚟嘅第二點：話就話依個係一個夢，我嘅夢有人見到我又有咩出奇...所以我亦無咩特別嘅留意住...
諗到咁上下，我終於走到去老地方，我小心翼翼地走到公園嘅草叢後面觀察住...我見到...
當年中四的自己同中四的周公坐咗喺公園嘅韆鞦，情況就好似...兩個無所事事嘅街童一樣。
事情隔咗有成七年，好多嘢都忘記得七七八八...「啊！」突如其來的想起，但聲音有點兒響亮...
突然有一剎那的頭痛和心痛，每一下的心跳彷彿整個靈魂都要跳出來。
事出突然，我唯有先離開依個老地方...
我走到一個四周無人的地方，先坐底靜坐...
24號，我記得聽日係學校旅行，係去沙灘到玩同BBQ，發生過啲咩事都唔太記得...如果我跟埋去睇下發生咩事，咁樣會唔會知道面具男究竟想我做啲咩！
時間一分一秒咁過去，唔知點解我要喺老地方嘅公園到過夜，其實，我返去「自己」的屋企都冇咩嘢啫...
但...今日心口嗰下嘅頭痛同心痛...唔係感覺唔到...而係好真實，好劇烈的疼痛...
會唔會係我現實世界之中，喺學會到比啲咩嘢整到我...嗰個周公，我出番嚟，你就死得！
但又好似唔係，如果真係咁痛嘅話，理應我自己應該會痛到醒咗。唔通...我會一睡不醒...
「咁又唔會！」依把熟悉卻討人厭的聲音出現了。
面具男不知道在哪裏出現的說道，「你至所以會有咁強烈嘅劇痛，應該係當年你嘅自己發現你嘅存在。」我不明所以的問道，「依個唔係我嘅夢境同埋係周公嘅記憶咩，就算係真係見到，夢嘅內容，大多數都係會超出一般人嘅認知。」
面具男平靜地說「依個就係遊戲規則，你唔可以比你『自己』發現到同一個時空存在；第二，你亦都唔可以比任何人見到有兩個自己同時存在！」他說話後，就在瞬間又再一次消失於空氣中...
面具男無直接回答過我嘅問題，算啦！我只可以一步步跟住自己嘅記憶走過去。
等到聽日就知咩料！
…
當我再一次張開眼睛時候，這裏唔係學會室的地方，我仍然喺夢中...
我自己一個隻身出發去沙灘那邊，中四的旅行之所以令我咁深刻印象，係因為佢唔係全日的旅行，佢係一個宿營旅行...我一邊坐車去沙灘，一邊在回味著中學的回憶，真令人響往和回味。
照著面具男的說話，我唔能夠同「自己」太接近，而且亦唔可以比人知道有兩個「我」的存在...
日頭的BBQ同集體活動都無咩特別，因為當時的我同周公都冇參與到日頭的活動...因為我哋係夜間活動的搞手，所以我咃一直都喺宿舍到準備物資...
我突然一刻靈光一閃，我以第三者嘅存在，嚇鬼周公先！
…
一直等，一直等，終於比我等到11點啦！「痴你個孖肺呀！我又唔可以出去，但又好好奇之前中四嘅時候發生過咩事，好多事情都好矇糊」
「我」說道「好啦！大家都到齊啦嘛！好啦！我哋夜晚玩嘅...就係試膽大會。兩個兩個一組，一組行完，五分鐘之後，下一組出發。大家沿住指定路線，去到中途站拎一樣我咃嘅物品，之後返返去宿舍就可以啦！」
一組一組的人都已經出發，周公說道「喂震彌，人有三急，我要走開下先...依到...你頂住...」
我喺遠方開始走過去過搵周公，當然最主要，係避開「自己」啦！
「嗚嗚...」周公吹著口哨，邊去廁所。
「周明公...我死得~~好慘呀~~」我扮著一把女聲叫著周公的名，聽到周公生人唔生膽的情況，我只好打蛇隨棍上，「十幾年前，我就係比一個陌生人拉咗入廁所，然後比人喺依個廁所到...」
「對唔住...對唔住...」周公一枝箭就跑咗出去廁所，路都唔睇，不停向前衝，一嘢就撞咗去燈柱,沿著斜坡滾下去，最後撞咗落去一舊大石到...
我見到情況有點不對，周公撞咗落舊石到，好似無咩反應。
我二話不說衝了過去...「喂周公！你無嘢嘛...」「震彌...你唔係...喺嗰邊...咩...」周公的反應迷迷糊糊，他的額頭有一大道傷痕在流血...
雖然我身處在一個神秘的夢境之中，但我見到朋友受咗咁嚴重嘅傷，我下意識打電話叫救護車，將受咗傷嘅周公送去醫院。
我喺醫院一個隱秘的角落坐低...等待著醫生的出來。
隨後，我聽到一大班人的聲音，我意識到「我」同其他的同學都過咗嚟醫院...我只好再收藏自己再隱秘點...
「我」見到醫生拉開急症室的簾，說「有冇周明公的親人同朋友？」
「依到」「我」同其他同學仲有老師都走上前問，周明公，有冇事？」
醫生專業的說道「哦！無咩事嘅！啊周同學佢撞到去舊石到，已經用針幫佢埋咗口，但傷口有小小大，所以都會有疤痕！」
其他人和老師走去幫周公拎藥和簽紙。而「我」留底關心著這個老友...
「頂呀！我暈之前見到你喺到嘅？」周公好驚訝的說道。我在一旁細細地聽著...
「吓！你撞壞咗嗰腦呀？」「我」恥笑著周公。「你話你去廁所，我就一直喺原地等你返嚟。點知等下等下，人影都冇隻。最後啊陳Sir話你出咗事，我先同其他人一齊去醫院嚟搵你...我又點會見到你出意外呀！」
「頂呀！唔通今晚我真係撞鬼...」周公越講越心寒，而佢亦不時摸著額頭上的紗布。
「喂！頂呀！醒下啦震彌，幾點呀？啲人都走晒啦！」周公不停用腳伸落嚟。
「頂呀！咪搞啦！發緊夢呀！」我在瑜伽墊上好像賴床般，「比我瞓多陣先！」
「瞓你嗰頭！七點都嚟緊啦！仲瞓...」周公不耐煩的說道。「我仲有份Paper要趕呀！仲有還番『亞美』的鎖匙扣比我！」周公一手就拎走咗他的鎖匙扣。
隨著佢拎走咗嗰鎖匙扣，神秘的水晶亦跌在地上。我亦被周公的一連串行動整醒咗。「頂呀！之後發生咩事都仲未睇到...」我不甘心地說道。「喂周公！等埋啦！」我立刻收拾自己的用品就離開。
我不經意的留意到...「喂周公...你額頭上...有啲污糟嘢喎...」周公只回答著「玩嘢呀！你唔記得咗啦！中四嗰年宿營，我哋玩試膽大會...之後我去咗廁所，仲撞到鬼嘛...最後我縫咗十枝針喎！不過嗰年真係邪...我暈之前又見到你，但你又話你唔係你，究竟我見到嗰個你，係你呀定抑或係『你』呀啦？你明唔明我講咩? 」
「我諗...我應該...明你...講咩...」我摸著周公額上真真實實的疤痕，心裏已經知道不妙...
...
~Sub-Dream END~
後記(一)：
現實世界 2013年03月23日 17：40
「喂！你估下依個世界有冇啲咩鬼怪嘢啦？」身穿中學校服的我問著同樣無所事事的周公。
「緊係有啦！世界之大，無奇不有！」周公十分認同。「不如諗下有咩發明可以改變世界仲好啦！」
「頂呀！我哋讀緊中四咋，讀緊啲嘢唔係元素表就係光合作用...點改變世界...」我回應著。
周公十分自豪都說「我有一個好爆的意見！」佢從馬騮架上跳下來。「如果我哋應夠淬取到葉綠素，再植入人體，咁我地咪都可以做到光合作用囉！」
「雖然好似冇咩可能…但可能依一刻只係科技不夠…先做唔到，或許有一刻，我哋淨係靠呼吸都生存到。到時食嘢就會變成補充品！」我十分期盼這一天的到來。
「啊！」從草叢邊有一把聲音傳了過來…我立刻轉過去看。我好似見到…
唔會掛…
突然我有一刻，頭同心都有一陣的劇痛…我慢慢走到草叢後，但咩人都唔喺到…
我啱啱好似...見到...有一個好似自己的人出現...唔會掛...
頭同心的痛亦消失了...