《末日下的那些人：方舟戰爭》: 指控

我被發現了，大概是床頭燈的光從門隙滲出吧。

「阿平，你仲未訓既？」剛剛去確認小莉真的在睡覺，被窩內也沒有遊戲機的寄葉拉開床門走進來。

「我…訓架啦，岩岩睇完許少傑既資料，係，訓，訓ＬＵ～」我把床頭燈關上，我把ＡＲ眼鏡脫下的同時眼前所有介面都消失。

燈再次亮起，正是寄葉走到我床邊按亮的。

「係咪有心事？」





「我…」

「你知你講大話有幾差。」床頭燈把她湊到我眼前的臉映得特別漂亮，「唔準呃我。」

「…無啦，聽日聽證會既事…啫…」我別過頭去，「做證人…我驚講錯野，我冇你咁叻講野。」

「小莉考試前都冇你咁緊張。」言寄葉失笑跨過我在我旁邊躺下，輕輕把身體倚偎到我懷中。

「佢根本就唔緊張成績梗係唔緊張…」我苦笑，這傢伙比起過去任何一個敵人都叫我頭痛。





「平常心啦，你個妹會有方法解決既，你唔信佢？」

「…嗯，希望。」

資料通通看完了，向晴與阿妹給我的筆記之類甚麼的都看過了無數次…不對，還是多看一次安全一點吧？！正當我又把手伸向ＡＲ眼鏡時寄葉馬上捉住：「你唔聽我講都聽醫生講呀？」

「…好啦，早抖。」

「嗯。」





我們輕輕接吻一下後牽著手躺下。

——————————————————————————————————————

聽證會。

「被告人楊芷欣，彩虹橋計劃本來係透過舊地球係世界末日瞬間既時空扭曲，將過去既人向新地球傳送，即係所謂既時光機。」那是個眼神凌厲的男人，他拿著文件望向坐在遠方的楊芷欣質問道，聲音在大堂內回響，人們密密麻麻的坐著卻沒人敢作聲，甚至連對上他眼神的人也沒有—除了我妹妹。

「本來呢個計劃，要拯救既係對人類有巨大價值既人，諾貝爾獎得主，國家元首，宗教領袖等等，但係你選擇左傳送你既哥哥—楊子平！你咁樣不但係濫用職權，更加係對所有死者既褻瀆！你認唔認罪！！」

等會兒我要揍他一頓，絕對要。

坐得較遠的楚思洛與我交換了一個眼神，似乎他也打算這樣幹。

「……我…」





妹妹發言，我很少見她這樣的忐忑。

等等—

我升起了一個可怕念頭，這種情況通常是我與她心有靈犀而成，果然這個傻妹妹竟然！

「我認……」

「等———陣———！！！」我跳起來強行打斷她，打斷凝固在那個男人臉上的勝利笑容。

「阿哥…？」

「證人。」他推一推眼鏡，「你係被動傳送，即使你係得益者但因為錯不在你，我地唔會向你提告…但係擾亂聽證會既話就另計。」





「你岩岩話我係唔重要既人，無價值既人所以我阿妹救我過黎係濫權呀？」

「你唔係咩？楊館長。」

好串啊四眼仔？！

本來以為寄葉會大吃一驚，但她似乎早猜到我會這樣做，臉上只有支持和打氣的表情。

「相反，只有我知道一件事，一件係末日之中最最最，最最最重要既事。」我吞一下口水道，「你地根本就唔知我個妹幾聰明，你以為佢徇私呀？」

「重要到放棄個Ｄ科學家同總統，要救你過黎？」那人冷冷的瞪著我，「你都幾有自信。」

回想起吧。

香港大學校園。





Kitty主機上，我見過的那文件，沒有記載到星之曙光上的那文件。

「當然，我知道既係世界末日既真相—邊個做，點樣做，以及佢地會唔會係呢個新地球再黎一次。」

我妹妹雙手掩口以防自己發出尖叫聲，寄葉眼神沒有半絲動搖。

「世界上只有我知道既末日真相，就係我個妹救我過黎既原因。」

陽光映在我與那男人之間對峙的視線，議事堂內靜得叫人耳朵發痛。