《當全世界都染上唔扑野就會死嘅怪病》: 結局
「我⋯⋯」我仲未講完，就推開咗樂兒撓埋嚟嘅手。
「我已經唔再想，我唔係係女就屌，而且我唔係淨係想要熱戀嘅嗰種人⋯⋯明白啲講啊，其實你係我心目中都佔好重要好重要嘅位置，撇除我鍾意你嗰段模糊不清嘅時間之外，我哋細細個嘅回憶，到依家，都好深。」
「但係！！我並唔認同你嗰一套戀愛觀，的確你有你嘅選擇，而且你講得好啱，你都知我哋兩個嘅諗法好背道而馳。」
「如果你嘅行為唔影響到我，我哋兩個仍然可以繼續做朋友，但SP呢啲嘢，我⋯⋯唔想再繼續落去。」
如果一切照舊嘅話，Cherry會係一個好女仔，守身如玉，而我係一個曾經擁有過SP嘅渣男，我將呢一切同Cherry坦白嘅話，我諗我從此失去佢，甚至都唔會一齊添。
嗰陣時係佢眼中，我係一個溫柔嘅男仔，但實際上我只係一個仆街。
可能就係咁誤打誤撞，我同Cherry先可以係一個對等嘅情況下一齊，但日後，就唔可以俾自己係咁。
所以先有必要講清楚。
樂兒一時之間回唔到話，我就斬釘截鐵地再講道：「如果你仲想同我繼續做朋友，咁好ok，我同你亦得返呢個選擇。」
「我係你面前除曬衫都唔屌？」樂兒呢個眼神，係最後嘅試探。
「係！唔柒屌！」
係呢個話題入面，樂兒露出一個自信嘅笑意，好似男人係佢面前唔會有啲咩定力一樣。
之後樂兒就無再多講啲咩，係呢個話題入面，我諗我哋算係講清楚。
之後一段時間入面，樂兒真係無再主動投懷送抱，其實係呢段關係入面，我都無幾何係自己主動，多數都係樂兒自己主動話想要，或者佢錫埋嚟，打打下茄輪就嚟料。
佢嘅功夫真係不得了，有種抵抗不了嘅魅力，所以亦難怪茂丙會中曬招。
「你⋯⋯你同樂兒傾咗啲咩啊？」Cherry事後小心翼翼咁問我，我見佢好幾次都欲言又止咁，其實呢條友心入面好是著緊。
「我同佢已經講清楚㗎啦，以後都唔會再好似以前咁！」我將拖住Cherry嘅手仔鬆開，放係佢臉上。
「你啊⋯⋯放～心～啦～」我輕輕力地搣一搣佢面豬登。
「你⋯係⋯先先⋯好⋯啊！」Cherry無反抗到，任由我戳圓壓扁。
我覺得我哋真係需要做到嘅係——
前事不提。
有好幾次係呢種安穩嘅狀態，都係諗起以前發生過嘅事，然後會執迷不悟地不停回想起，令自己陷入痛苦嘅漩渦。
但其實咁樣無任何意義。
唯有接受咁樣嘅過去，先有辦法正眼將來。
而走唔出漩渦嘅人，只好繼續痛苦落去。
班上面嘅毒撚更甚。
佢哋變到有啲瘋瘋癲癲咁，變到好似狗公咁？成日就想點樣屌到女，好似要佢哋接受返以前嘅自己係無咩可能。
一個出生就係地獄嘅人，體會到天堂嘅滋味，有幾多人會甘心返返去地獄？
報應好快就來臨。
唔係唔報，只係時辰未到。
係注射疫苗嘅同時，所有人都需要做性病嘅檢測，係享受無盡性愛歡愉底下，呢一年我哋並無發覺身體有咩異樣。
就連普通嘅梅毒，椰菜花都無，就以為無乜事，所有嘢都掉以輕心，初頭我都以為咁樣屌法都無中啲咩性病。
就覺得唔會有咩後果，所以忽視咗，只不過就算要擔心，都擔心唔嚟，要中嘅話都好難避免。
因為我聽到樂兒同茂丙嘅對話。
「你依家係咪無男朋友啊？」我經過小食部嘅時候，聽到佢兩個坐係度食嘢，樂兒背對住我，而茂丙無注意到我。
我企係汽水機隔離，假裝諗買咩嘢飲好。
「無啊。」樂兒輕描淡寫地道。
「你之前又話無男朋友就考慮我嘅？」茂丙唔放棄嘅態度實在難以評價，應該話佢呢種態度好正向啊？定係無自知之明呢？
有種令人噁心嘅感覺。
「我依家無咁嘅心情。」
「做咩事啊？」茂丙好似見到樂兒咁樣，一副想關心佢博好感嘅樣。
「你有無收到之前性病測試嗰份報告啊？」
「無啊？做咩啊？嗰份報告寫咗啲咩？」茂丙關切地問道。
「我⋯⋯」仆街，有啲聽唔清樂兒講啲咩添。
「愛滋！？」茂丙提高聲線，隔離位啲人都望過嚟，好彩得幾丁友，茂丙即刻望下周圍，而我就即刻㩒汽水機，避過耳目。
「屌你，俾支咪你啊好無？」樂兒無明火起，俾我都會啦。
「Sor⋯⋯」茂丙草草道個歉。
「下？真係會中？但之前嗰一年咩性病都無喎，唔撚係掛？」此刻嘅茂丙，先係真正擔心起上嚟。
仆街我都好撚驚，我都仲未收到啊，咁我咪一樣都會有？我同樂兒都有扑過嘢喎？？
「你問我，我都唔知㗎，我個樣睇落似醫生咩？」樂兒無耐地道出現實。
「咁我咪都會有？！」茂丙同我擔心嘅如出一轍。
細心諗下我哋三個嘅關係都好唯妙。
「唔知㗎⋯⋯你返去收到份報告先啦。」後面嘅，我就無再聽落去。
我成副心思係曬頭先衝擊我嘅對話度。
咁點啊依家？
如果咁搞法，姐係好多人都中曬招喎，我哋班都奶硬嘢啦咁。
我更擔心嘅係Cherry。
我自己衰就算啦，我覺得呢啲嘢係自己攞嚟，但Cherry唔同，連佢第一次都係被逼，我唔想見到無辜嘅佢落得咁嘅下場。
我同樂兒先係同一類人，都係抵死。
我成日都無任何心機，體會到頭先點解樂兒會咁無理神氣，但一方面係已知嘅事實，一方面係等待緊結果。
Cherry過嚟同我傾下計，望住佢天真爛漫嘅笑容，相信佢都仲未收到份報告，亦未知呢個消息住，我哋班都好似無乜人知呢個消息咁嘅？我以為會傳得好快添。
「你好似唔開心咁嘅？」有一剎那嘅衝動想話俾Cherry知，但諗多層，真係唔講好過講，即使你認為咁樣做有幾咁TVB，都係咁話。
「無事啊，有啲攰姐。」
我一路忐忑到返屋企，無時無刻都係度緊張，呢份報告仲緊張過DSE考試，DSE考得差都仲可以用其他嘢嚟補，但中咗招，個病就跟你一世。
係屋企嘅飯枱上，就擺咗封合乎我想像嘅信。
就係呢封。
我無力拎起封輕飄飄嘅信，最後都係舉起震到仆街嘅手，深呼吸，咬咬牙關，同自己講死就死啦，當做咗心理準備。
撕開信封，打開封信，雞腸就飛咗佢唔睇，直接睇中文版。
？？？
我搵嚟搵去都唔見有愛滋病呢個字樣，話我身體機能一切正常？
咩料？
我係覺得奇怪，多過開心。
其實咁樣嘅意思姐係我無中到愛滋，但真係好奇怪，點解會咁嘅呢？
究竟係運氣定係主角光環？
然後就擔心Cherry，真係唔知佢點，好想快啲知啊！！
我帶住呢份疑惑返學校，點知返到去，全班都傾緊呢樣嘢。
因為一返到去，我就俾前排嗰幾個捉住咗嚟問。
「你收到份報告未啊？！」佢哋主動提起呢樣嘢，咁快通天？
「收到啦。」
「點啊？有無中啊？」佢哋似乎好緊張呢樣，我再望望班房入面嘅情況，有人已經係度喊緊。
「無啊。」心中嘅疑問又多一層。
「睇嚟真係睇彩數。」佢哋嘆一口氣。
「咩睇彩數啊？」
「其實理論上要中嘅話，應該全班無一倖免，但好奇怪有啲人無中到，老實講我哋都唔知咩事，但中咗嗰啲就⋯⋯有眼你睇。」其中一位同學講。
「咁你呢？」我直接了當。
「我無中到啊。」見佢咁輕鬆嘅樣，又好似多問。
係喎屌！我呢應該問佢。
Cherry呢？
唔見佢，我返埋位等佢。
直到打埋鐘，都唔見佢身影，唔通佢無返學？
唔係掛？我計漏咗添，因為都好似帶有幾個同學無返，我諗呢堆人入面多數都係奶咗嘢嘅人，如果俾我著，唔好話返學啊，我連做人都唔想。
我見嗰班毒撚入面，有幾個都無返。
曾經同佢哋都幾fd，但因為之前嘅事，都割曬席啦，我諗⋯⋯佢哋都得到應有嘅報應。
死啦屌，Cherry會唔會有事㗎？
呢種七上八落嘅心情勁難受，驚到七彩，我哋終於到咗要為以往做嘅事負責嘅時候。
終於，Cherry返嚟。
但我同佢相隔甚遠，都無機會問佢點添。
呢段時間，每分每秒都好似俾蟻咬咁，因為好想知，仲要係你面前，你又問唔到。
最後我用最為傳統嘅溝通方式，因為我依家個腦就不停咁諗緊有啲咩旁門左道嘅方法。
俾我諗到傳紙仔！
寫好之後，就叫隔離嘅人幫我傳，個個都幾配合喎。
我就咁一路睇住佢哋傳，乜堂都無上過，心諗依家咁嘅情況仲教乜撚嘢書，香港人好似天跌落嚟都要返工咁，無嘢比得上返工。
Cherry睇到後，轉個頭用水汪汪嘅眼睛望住我，我個心不禁抽一抽，驚見到啲我唔想見嘅嘢。
Cherry笑一笑。
用兩隻食指，做咗一個交叉嘅手勢俾我睇。
一秒後，我反應過嚟。
YEAH！！！！！
我見到咁樣，我先真係放鬆到落嚟啊！！屌，真係嚇撚死啊。
明明無做啲咩運動，但就喘曬大氣咁，總算安心啲。
Cherry又傳返張紙仔俾我，問我：你呢？
我一樣做返個手勢俾佢，佢展出一個露齒嘅笑容。
放學後，我拖住Cherry嘅手漫步校園，由小食部行出去校門，此刻先係真正嘅美好，我咁認為。
其實我都應該係要遭受報應先係，依家可以拖住Cherry，已經執到。
「我好驚你會中招，由琴日開始驚到依家。」我講道。
「我都好驚啊，我擔你多過擔心自己⋯⋯」Cherry諗嘅同我一樣，我將Cherry睇得比自己更重要。
「其實我都唔明點解會咁，琴晚都諗咗好耐，照道理應該全世界都仆曬街先係。」我到依家都仲思索緊。
「可能⋯⋯係上天俾我哋唯一嘅安慰掛？如果唔係人間真係一個煉獄嚟。」
「嗯⋯⋯都係嘅。」呢個說法我勉強接受嘅。
「你依家無籍口去屌女啦喎，你唔會身痕？」有時Cherry都真係幾調皮㗎喎。
「有你就夠啦，唔洗屌其他女！」呢啲問題難唔到我！我陰陰嘴笑。
「你都無籍口俾其他仔屌啊！」我反擊。
「咁⋯⋯」
然後Cherry係耳邊輕聲地講。
「我淨係俾你屌咪得囉。」
屌佢老味，佢仲要係我耳邊吹咗口氣！
一股酥麻感傳透全身，我咬牙切齒咁回：「屌你！你唔好咁牙擦擦啊，返去就屌撚死你！」
「屌囉。」Cherry鬆鬆膊頭，個頑皮樣，真係要好好地教訓教訓佢。
「俾著係之前，我一定將你就地正法！」我強忍慾望。
「做咩啊？咁就忍唔住啦？」Cherry探個頭出嚟，直勾勾咁望住我。
「你一陣就知死！」
我一定要俾啲顏色佢睇。
Cherry個表情充滿住成功感，成功令我慾罷不能。
以後Cherry呢個色情樣，只有我可以見到。