我在補習社遇到一個令我難以忘懷的女生。: 四十、按摩技師

Ellie首先打破僵局:「法官大人已經有判決結果喇，就係判社會服務令10分鐘！」
 
我忍唔住笑:「咩社會服務令呀？」
 
Ellie露出好攰嘅表情:「我頭先考完試係學校趕返嚟，又企咗成個鐘問人有冇見過佢哋三條友，好攰呀，幫我㩒下個膊頭得唔得呀？」
 
我忍住笑:「你搵啱人喇，我係ＸＸ（大學名）按摩學士一級榮譽畢業！」
 
Ellie指住自己膊頭:「依個位好酸啊。」
 


跟住我主動坐咗係佢後面，好似小龍女傳功比楊過咁坐，不過角色互換咗。
 
講吓今日Ellie衣著係點先，由於已經十二月，大部分人都換晒長衫長褲出街。今日佢就着白色冷衫，啡色格仔嬲屌裙，同埋對60D黑絲。Ellie你都曳喇，着住黑絲騷擾男仔考試。
 
可惜我坐喺佢後面欣賞唔到佢對美腿。
 
我對自己嘅按摩技術係非常有信心，因為老豆做裝修工人，好易會腰酸骨痛，由細到大都會叫我幫佢揼骨。
 
我好認真講:「我開始喇，你紮起頭髮先喇。」
 


Ellie係我前面紮咗條馬尾之後:「得喇。」
 
我諗大部分男人都想睇到靚女喺佢面前紮馬尾，哩個動作真係有種講唔出既吸引力，佢紮完仲要fing一fing條馬尾，髮尾隱隱然散發出薰衣草香味。
 
我首先用四隻手指指腹由頸部順住按到肩部測試力度。
 
「力度OK嗎，太太？」我扮泰國按摩技師嘅聲音。
 
「OK啊，手勢唔錯。」Ellie點點頭。
 


之後我就開始搵佢頸後面突出嚟大椎骨，我喺大椎骨附近用雙手拇指指腹下壓後推。
 
「嗯～」佢忍唔住叫咗下。
 
「太太，我哋依度唔係色情場所嚟㗎。」我停低動作。
 
佢聽到之後笑住擰轉打咗我個頭一下。
 
「繼續啦頂你。」佢忍住笑講。
 
跟住我就喺佢肩峰同頸部位置用手肘順時針轉。喺按摩過程，我手肘不斷同佢條bra帶磨擦，咁我不嬲好君子，唔會特別好大力磨甩條帶。其實佢膊頭啲肉好淋，對比起我老豆啲肉真係差好遠，我老豆啲肉好似急凍豬肉咁硬。


「嗯…啊…」佢細細聲忍住。
 


「舒服就要叫出嚟喇。」我繼續調戲佢。
 
「頂你！咸濕佬。」可能佢覺得有啲羞恥但佢又冇阻止我。
 
我見到佢反應都知個力度拿捏得啱啱好。之後我問: 「洗唔洗按埋三角肌附近嘅位呀？我驚比你話我乘機摸你喇！所以問定你先。」
 
Ellie紅住面點點頭。
 
我用拳骨位喺佢bra扣左右嘅位置按，另一隻手就放喺佢膊頭作支撐。
 
哩一次係我同女仔有咁多身體接觸嘅一次。
 
Ellie忍俊不禁:「依個位按多幾下呀，好酸痛。」
 
我突然停低:「太太，夠鐘咯！再按多幾下要小費喎。」


 
Ellie焦急起來:「快啲喇！邊有揼骨姐姐主動問人攞小費㗎！」
 
我聽到之後梗係唔敢違抗繼續按啦。
 
喺背面俯瞰Ellie兩座山岸，發現原來佢盞燈都唔細，應該成日負重得搞到好酸痛。按多幾下我feel到小wil wil不自覺抬起咗頭，好彩佢喺我後面睇唔到姐。
 
不過由於我係冇割包皮嘅，小wil抬頭果陣扯住咗啲毛，真係痛Hi到眼水都差啲咇埋出嚟。
 
大家放心，我扯咗果陣冇辜負包皮對我嘅期望。
 
「呀！」我最後忍唔住嗌出嚟。
 
「咩事呀? 」Ellie好擔心咁問。
 


「按完啦，但係你合埋眼一分鐘唔好擰轉頭先。」我叮囑佢。
 
「點解啊？你成個人鬼鬼祟祟咁嘅。」Ellie背住問我。
 
「哩一分鐘你合埋眼，慢慢調整下你嘅呼吸，咁先係一套完整療程嚟㗎。」我又即席作咗個大話。
 
「都唔知係咪真。」不過佢都係合埋咗眼。
 
確認完佢唔知道之後，我心入面又開始唸天主經，今次好快就搵到peace了，小wil wil好快就冷靜退場。
 
「得啦，夠一分鐘啦。」我拍一拍佢膊頭。
 
Ellie向後鬆一鬆個膊頭:「嘩，真係鬆晒。」
 
我好得戚:「都話我係ＸＸ（大學名）按摩學士一級榮譽畢業！」


 
Ellie聽到之後豎起拇指:「今次你真係好掂，真係好專業，所以唔串你喇。」
 
我聽到梗係好開心，因為除咗有屋企人確認我嘅按摩技術，仲有另一個朋友係好誠心咁讚我。