我在補習社遇到一個令我難以忘懷的女生。: 六、膽戰心驚 (內含Ellie示意圖)

我喺文件夾攞咗堆工作紙練習入classroom B對，對對下不知不覺已經半個鐘。
 
四點正外面嘅門鐘響咗，我喺B班門縫窺視睇下有邊個嚟咗，我見到係一個外表好冷酷嘅小學生。
 
我望向個女仔揮揮手:「hello，我係Mr. William。」
 
「……」佢無視我。
 
個女仔喺外面攞咗本手冊比我蓋印，我諗應該係學生嚟補習社嘅打卡紙。
 


「依度。」佢用籤細嘅手指指住。
 
我擠起生硬嘅笑容:「搞掂，我叫william，我想問你叫咩名？」
 
佢充耳不聞掂行掂過行出去交還本手冊。
 
Patrick望住佢:「Ｈey Kristy，did you say good afternoon to Mr William？ 」
 
Kristy用好sure嘅語氣:「Yes～」
 


我心諗:「條友見我新嚟就咁玩我，唔好比我捉到你痛腳。」
 
「你今日有冇完成咗嘅功課比我對？」我問Kristy。
 
「……」佢繼續無視我。
 
「啪。」佢大力放係我枱面，頭也不回返埋自己位。
 
果刻我終於明白點解會有啲老師咁易發火，雖然我都有啲嬲嬲哋佢咁無禮貌，但今日第一日返工所以都冇計較。
 


係枱頭放咗一本數學補充練習，週記，中文作業。因為有枱底答案，所以唔洗五分鐘就對完。
 
唔知係佢叻女，定係學校老師有比答案，一題都無錯。
 
「Kristy，出嚟攞翻啲功課。」我故意迴避佢視妓。
 
「點解你會知我個名？」Kristy語氣比之前收斂。
 
「……」今次仲唔到我無視你，以其人之道，還治其人之身。
 
我眼角留意到比Kristy啤住我。
 
踏入四點正。陸陸續續有學生返到嚟補習社。
 
對對下練習突然聽到隔離房啲細路開始嘈起上嚟。


 
「啪! 」隔離班房傳出一下好似打雷咁嘅聲。我嚇到個膊頭向上chok，然後扮冇事發生。
 
成間補習社頓時清靜晒，我果班啲學生好似已經習以為常，繼續做自己野。
 
「你哋嘈夠未呀？如果比我再聽到有一粒聲，全部人放學之後留低半個鐘。Ellie你下次唔洗勸佢哋㗎喇，直接剔名留堂。」Patrick用佢果把粗曠嘅咆哮聲警告A班學生。
 
A班突然變得鴉雀無聲，而哩一下拍門聲嚇到我成個人彈起。
 
Kristy用隻手捂住個口:「喂，呀sir你啱啱驚青個樣好搞笑啊.......嘻嘻。」
 
我努力扮冇事發生過，但最終都係忍唔到笑，因為比人見到啱啱個樣真係柒到想搵窿捐。
 
「哦……你笑咗。」佢指住我個口。
 


「哈哈。」其他學生都跟住笑，不過佢哋笑得比隔離房嘅人細聲。
 
我忍唔住擺出老師架子:「Kristy，你係咪想比人剔名？」
 
「你剔囉～」可能我個樣根本就唔凶狠，對佢一起唔到丁點作用。
 
我心諗腦細又話依班啲學生好乖嘅……不過其實我覺得剔名真係好小學雞，所以都係講吓就算。
 
咁講吓依間班房果六個學生，有三男三女，Kristy、Mary、Kelly；另外果三個男仔方便起見就叫做學生A、B、C。
 
星期一嘅功課量係幾輕鬆，可能學校啲老師都唔想星期一二連續對咁多功課。而且英文功課係比Cindy對，所以我坐喺班房游手好閒無野做。
 
Classroom A 、Classroom B同Patrick張枱都有cam影住，由於真係太悶但又怕比cam影到我坐係到唔做野，所以就諗住借廁遁打發下時間。
 
一開門見到Ellie踎低係影印機隔離搵緊練習嘅answer，我喺後面望到佢牛仔褲同恤衫中間條粉白色間條底褲，白色部分仲要有少少透肉。


 
我吞咗啖口水之後急急腳行入廁所。
 
腦入面回味啱啱個晝面，小wil wil開始抬起頭。
 
有啲男人對波點同間條係好大反應，我就係其中一個。
 
「呼～」我控制住自己呼吸，心入面唸咗次天主經就平息了。
 
唸經對我嚟講好有效，有次中學早會唔小心扯旗，跟住發現咗依個咁神奇嘅方法，都依家一直都有沿用，心裡一直因天主經而找到peace。
 
由於係廁所成分鐘都無屙尿聲好引人懷疑，所以就攞咗隻水杯裝滿水倒入馬桶。
 
入返班房，望下個鐘原來已經係六點。
 


Patrick入咗嚟classroom B:「喂，William 我走先，一陣接家長果陣比Cindy開門得㗎喇。」
 
「無問題。」我答腦細。

Ellie示意圖