我在補習社遇到一個令我難以忘懷的女生。: 四、關於阿腳

9月10號嘅星期日，身為毒撚嘅我喺屋企無野做，所以黃昏又約咗阿腳係籃球場射下波，貪夜晚無咩人可以靜靜哋射下波。
 
我份人唔係好鍾意用社交媒體，所以我就打電話畀佢。
 
我:「照舊6點係XX籃球場等喇」
 
阿腳:「OK。」
 
出到嚟球場果然得小貓三四隻。
 


我同佢嘅熱身運動一定要玩ＨＯＲＳＥ，大家成日都會諗啲尻嘅動作要對方跟，咩半場天勾三分、坐喺地下射三分波果啲我哋全部都玩過晒。
 
阿腳:「喂，你份工見成點啊？」
 
我:「見成咗喇，90蚊一個鐘。」
 
「一陣請炸燒賣，魚肉翅喇唔洗講。」
 
「無所謂。」
 


點解我會咁闊佬，因為我哋去果間小店出名平靚正，兩個人60蚊賣單食到個肚穿都得。
 
都嚟到第四章，點都要介紹吓好朋友阿腳，計埋今年已經識咗六年，四年同班（中三同一班先識），大學同一間Ｕ，我讀晒銀，佢就讀創意寫作。但我哋平時喺學校好少交流，畢竟阿腳喺U都有自己嘅圈子。
 
點解佢叫阿腳，其實佢原先個花名叫三隻腳，不過我嫌太gay就無叫。中三嗰年我哋嘅班主任係英文科老師miss朱，佢做班主任有個習俗，就係每日班主任堂都會叫一個同學出嚟分享英文書，佢話可以增強我地英文實力喎。
 
雖然我嗰間學校就係band3，但都叫做每級入面最好果班，所以大部分同學都乖嘅，曳果嘅一早都唔返學啦。
 
記得有次到阿腳介紹本故事書，一開頭都講得好地地，但講到中段，唔知佢身體啲血液點運作，佢褲浪位右邊有舊硬物突咗出嚟，有人見到就開始笑，咁因為miss朱坐喺後排淨係留意到佢上半身，所以唔知啲人笑咩，跟住我見阿腳都開始愈講愈快，下半身仲要慢慢向黑板挨近。
 


終於miss朱頂唔順:「有咩咁好笑呀？ 同學A你答!」
 
同學A:「佢有隻「雀仔」突咗出嚟，miss你自己睇吓喇。」
 
同學Ａ講隻雀字講得唔好，最後走咗音變咗「腳仔」。
 
我哋班嘅女同學一啲就搵手遮眼，一啲就繼續偷睇。
 
阿腳中三果年已經差唔多米八，外表乾淨，仲要有少少怕羞，所以多女留意都好正常。
 
依個時侯，miss朱企起身見到都知咩事，就叫阿腳返埋位先。
 
之後嗰幾日，依件事就傳到成校都知，仲有人幫佢改咗個花名叫三隻腳。
 
有時成班男仔去廁所柯尿，都特登同阿腳隔一個位，因為睇完會覺得好自卑。我諗阿腳條J同成人台果啲po自己碌鳩嘅師兄可以一戰。


 
講翻打波先。話咁快就玩咗六、七鋪HORSE，幾場KEY，我都打到冇乜興致，於是我問阿腳:「去食野？我聽日仲要返工。」
 
「好啊。」
 
我就同佢執埋啲野行就去果間小店。
 
沿路佢都係八下我返工嘅野，問下教咩，幾多個學生導師之類嘅野。
 
果晚翻咗去沖涼之後上咗陣網，電話無喇喇彈跳短訊出嚟。
 
「+9434 0634 新增了您。」
 
個group名係Patrick English Centre tutors ，咁我緊係睇吓有咩人係group入面。
 


得兩個人有icon，一個係腦細，佢icon係擘大隻眼，用食指指住自己pat羊咩鬚，原來見工果日佢講嘅野係真。
 
另外一個係電話號碼隔離寫住Cindy，應該就係嗰個外藉老師，打開佢icon見到一個外國肥婆坐係張凳左手攞刀，右手攞叉，對住鏡頭擘大個口想食咗佢枱前個漢堡包。
 
突然間群組入面冇喇喇震咗一下:「Hi, I am Cindy. native English teacher.」
 
94340634:「Patrick」
 
「hi , I am Michael. Part-time tutor.」
 
「hi, I am Ellie, Part-time tutor.」
 
我:「hi, I am William. 」
 
Cindy:「hey William, Do you have any nickname？ 」


 
由中學到大學我都無畀人改過咩花名，因為可能我存在感低，所以大部分人都係叫我中文全名或者英文名。
 
過咗三分鐘，個group水靜鵝飛，我見冇人send message咁尷尬，所以就幫自己作咗個花名。
 
「yes, you can call me ah wil. 」 其實就係將英文名後面果4個字母攞走再加個阿係前面。
 
Cindy:「haha, any other interesting nickname？」
 
Patrick:「笑喊emoji」
 
我心諗個鬼婆咁熱情嘅，哩啲情況正常都係笑下，或者讚下你個花名之後就結束話題。
 
「chan ho nam ar, you where ar, satisfied？ 」當然我冇打出嚟啦。
 


喺度打完同Cindy講翻聲sorry先，之後先發現其實佢好好人。
 
為咗終止話題，所以我就唔㩒入個group度扮睇唔到。