吹bb,打喪屍: 內容(4)

那個'人'是否是我眼花看錯呢…可能我真的太累了…

『到喇！』啊ker說。

他接着打開５２０的房門，房內的人隨之而望着門口，我打量着他們，全都穿着酒店的制服。

『佢地係我岩岩係大堂到撞到。』啊ker說着，便一邊介紹我們給他們認識。

『真係好開心見到有生還者，仲以為得番我地幾個麻甩佬，我叫做啊視！』





『啊視？ATV?亞太區有一天成為亞太區你個街！亞視黎既喂！』龜仔表現得十分雀躍。

『哈哈哈，好多人都咁叫我。』他笑着說，但樣子顯得十分勉強。

『我叫做sky。』坐在床邊的人說，他看來十分年輕。

『我叫做巨耳，好多人都咁叫我，因為隻耳特別大。哈哈哈』他開懷大笑地說。

『你地啲名真係特別…』清叔像十分疑惑。





『龜仔個名都特別啦。係呢…點解得番你地幾個人？』

『嗯……』啊ker想出聲說。

『說來話長喇！本來呢間酒店有警察駐守既，但就係前幾日，有消息話香港島果邊有軍隊駐守，所以好多人都走左…最後得番我地幾個…』啊視說。

『咁點解你地唔走…？』我問。

『哦…哦…覺得個消息唔可靠，而且呢到都幾安全…所以咪唔走…』





『係喇，你地洗唔洗休息下，呢層啲房可以任住。』他接着說。

『咁唔該哂你地，我地去揀房先。』

『Okay,有咩事搵我地。』啊視說。

『啊！我有野想問，我知啲房有佛珠係到，呢到有冇？我夜晚驚…』啊源突然這樣說，從小到大都未聽過他會害怕住酒店。

『哦…哦…有啊！每一間房都有一串架，如果無嘅話，黎搵番我地啦…』啊sky開口說。

『唔該哂！』啊源說。

他說完，我們便轉身走出房間，直至走到接近昇降機的位置…

『啊源，你都懷疑佢地啊？』清叔這樣說。





『係…佢地講嘅野我一開始已經懷疑，佢岩岩仲講間間房都有串彿珠，我更加肯定有問題！』

『同我唸法一樣…』

『咁點啊？即刻走？』龜仔說。

『咁又唔洗，佢地得４個人，我無睇到佢地有咩殺傷力，而且我地有武器，仲安全的。仲有，依家走會惹佢地懷疑，過埋今晚再決定。』我說。

『好啦…咁我同清叔同房，你地同lemon一間啦。』龜仔邊說，邊走進其中一間房。

『Lemon，你唔介意同我地同房丫
嘛？』

『唔介意。』lemon說。

走進房間，房裏極其豪華，你想像得到的，差不多完全擁有。

我和啊源選擇靠窗的床，而lemon則選擇靠牆的。

我望着那塊落地玻璃，外面的雨好像沒有停止的意思，這樣鬱悶的天氣，令我有些不自在的感覺，真的十分討厭。

『我想去沖涼先，岩岩淋濕哂，好難頂。』lemon說。

『咁你去啦，我地唔會偷睇架…哈哈哈。』我奸笑着。

『你夠膽！？』她鼓氣了嘴巴，然後便走入浴室。

因為她的表情，我笑了出來，啊源亦都一樣。我們都各自各攤上了床。我掏出了手機，電量而剩下很少，我把電話放在床頭差着電，想瞌下休息一會。





突然，電話響了一聲，是啊妹給我的回信嘛？我拿着電話來看看，是一則信息，電話號碼卻不認識。

『處境危險，快逃！』信息的內容，令我十分疑惑，是誰？惡作劇嗎？不…！在這個時間，根本不會有其他人在玩…

我嘗試根據那個號碼打了過去，明顯地沒有人接通。

究竟是誰…有人監視着我們嗎？

這時，門外傳來急速的敲門聲，啊源快步地走去開門，是清叔和龜仔。

『你地有冇收到個信息？』清叔說，順便關上門。

『說我地有危險果個…？我收到啊…』我說着。

『你估係邊個sd黎？』龜仔說。





『我都唔知啊…最重要嘅係…我地會有咩危險…？』

『會唔會關果４個人事…？』我問

『點會啊…佢地話我地聽呢到有危險，點解唔直接啲同我地講？』龜仔說。

『你有冇咁蠢啊，我既意思係個神秘人提醒我地個四個人對我地既處境有危險…』我無奈地說，龜仔變得啞口無言。

『係咪光明會啲人做既好事啊？希望我地離開酒店，之後就放啲喪屍咬死我地？』清叔提出這想法。

『都有咁既可能…啊…好煩啊！想訓一訓酒店都咁鬼麻煩…』啊源發着牢騷地說。

『我地保持警覺吧！我番房休息先，有咩事電話聯絡。』清叔說着便想走出門口。

『叮噹…叮噹』傳來一種聲音。

『咩聲？你啲電話鈴聲？』清叔說。

『咩啊？邊個用啲咁老套既鈴聲…啲聲好似出面傳出黎架啵…弊！』我說。

我馬上衝出了門外，看見那４人 走進昇降機，只聽那個戴眼鏡的男人說『game start...』，說完門便關上了。

我不明白他的說話，但很快地便知道發生甚麼事…

看見最盡頭的樓梯入口發出很大的碰撞聲，而我發覺把門鎖住的鎖鍊不見了！

『發生咩事？』清叔他們都跑了出來問。

『個４個Hi Hi真係有問題！佢地岩岩走左啊，仲放喪屍出黎想整死我地！』

『執野走喇！』我沒等他回應便衝入房執捨好，正好lemon剛剛着住浴袍走了出來。

『做咩咁嘈？』lemon正抹乾她的頭髮。

『有喪屍啊！要走喇！快啲出去…』我命令她。

『哦…好！』她顯得十分慌張，手望腳亂地走出了房間。

我和啊源很快地執捨好所有東西，我放棄使用狙擊槍，而使用啊星的衝鋒槍。

我們走出房間，看到清叔他們還未執捨好東西，我們都連番催促着。

『呯！』不想發生的事出現了，一隻隻喪屍撞開門走了入來！

此時，清叔他們終於都走了出來，而我正開槍殺掉走在最前的喪屍並叫他們走向另一面。

『咁大鑊點算丫！』龜仔跑在最前大喊着。

『我地睇下搭唔搭到昇降機落番去啦。』我叫着。

速度將我們和升降機的距離拉近。面前是極其豪華的升降機。

『喂！冇反應既！啲制冇反應既！』啊源說着。

『咁點算丫。』lemom非常驚慌。

『我地揾其他出囗啦。』我說。

我們來到五樓的大廳，是一個給住客的飲食的地方。而大廳的最遠處就是樓梯，但已經被電子鎖鎖上，裏面有一大堆被因着的喪屍，每隻都張開着其血盤大囗，彷彿餓了很久一樣。

『呢到走唔到！快啲周圍揾下會唔會有地方落到去啦！』

突然，"喀嚓！"一聲，在我背後發出，原來是那道用作阻擋喪屍的電子鎖門不知什麼原被打開了。

喪屍都爭先擁後地走了出來。

『Hi！肯定係個乜9er做既好事啦！』龜仔大罵着。

『走丫！！！』清叔同時間大喊着

但這時在背後追趕着我們的喪屍也同時追了上來。

『我地入去嗰度避下先啦！』啊源指着一間房間。

『快快快！！！』我叫着。

幸好，我們一行五人的安全地進入了房間。我們地關上之後，隨即地所有有重量的東西都搬到門口，而防止喪屍群撞開了房門。

『呼！依家點算啊？』龜仔說，同時聽到嘈雜的撞門聲音…

『我都唔知，我地被困住係呢到，無哂路走…』我無奈地說。

『係…出面上百隻喪屍等緊我地做佢地食物。』一向聰明的清叔這時也無計可施。

我們在這個時間都變得鴉嘴無聲，根本想不出有任何辦法來幫助我們走出這個困境。

『震…震…』『鈴……～』

電話的聲音讓大家都嚇了一大跳，原來是清叔和我的電話響了起來。

我馬上拿出了電話，又是一則信息，又是同一個電話號碼，我立即打開來查看。

『窗外有通道可逃，小心！』又是簡單的一句。

我走到窗外看看，只看見一個小小的石階位，由於太大雨的關係，沒法看得清楚。

『你點睇啊，啊滔？』清叔已經走在我旁邊說。

『我都唔知，依家出面落緊大雨，仲就快天黑…貿貿然出去好危險…何況給我們信息的那個人，都唔知係邊個…』

『究竟發生咩事？』龜仔和啊源都插嘴問着。我於是把信息給他們看看，並解釋給他們聽。

『信唔信得過架？』啊源疑問地說。

『我唸佢應該係幫我地，之前既信息都提醒左我地…』

『咁又係…咁啦，我地等到聽朝再決定啦。』我想着。

『就咁話啦，我地今晚輪住看守住，小心啲喪屍衝入黎。』

時間已經過了６時，我們只簡單地吃着一些小食，連休息都想法都沒有，因為外面實在大嘈吵。

我凝望着窗外，雨好像越來越大…拯救清叔的家人一開始便變得困難重重…

慢着，怎麼好像差了一些東西…？這想法把我拉回了現實中。

『今次Hi Hi喇！我地漏左啊Max係隔離房啊！』啊源的話一下子驚醒了我！我們剛剛走得太衝忙，竟忘記帶走啊Max!

『做咩咁大意啊你地！』清叔說。

『唉！我都唔想…好彩我鎖左佢係廁所入面，暫時應該安全…』我說着，但也不能百份百確定。

『唔得！我要救番啊Max！』啊源突然這樣說。

『你傻架！你想貿貿易咁樣出去救番啊max啊？impossible!』清叔說。

『咁點啊…！！』啊源抓着頭。

『我地要等到聽朝先可以做其他行動，明唔明？』清叔說。

『唉…唯有咁。』看到他真得感到十分擔心，無非是啊Max都陪伴了我們很多年，不想因為我們一時的疏忽，而令Max就此離開我們。

我和啊源都選擇整睌都在看守着，想着明天一早日出之後就想辦法救回Max,但現在只盼望雨能快點停下，一來可以帶走我們鬱悶的情緒，二來最重要的是可以方便我們找出逃走的路線。

漫長的夜晚，真得很難過，配合喪屍們的亂打聲，讓我思緒不能安靜下來，我轉而拿着電話，插上聽筒，點選着歌曲表的歌…就這首吧…

『人人親近我…無人爭奪我…』這首好像不太配合現時的情況…

有甚麼歌可以配合我這種心情和情況，我瘋狂地尋找着…不停拉上拉下…終於找到了！

『如帶着面具去掩飾倦容，迎着炮火也依而表情輕鬆…』

這句歌詞正好表達了我和現在這個情況，要假裝很堅強對面對，但我身心已經覺得很疲累…

我點選了重覆播放，旋律開始催眠了我

『啪啪啪…』『呯呯呯…』很嘈吵是甚麼聲音？

我捽一捽眼睛，才記起我還處於像密室的酒店房當中，沒有任何的出路。
我途下了聽筒，看時間已經９時正…

我望望另一邊，雨終於停下了，還出了太陽，光線讓我的眼睛感到少少的刺痛。看見大家都走到窗邊，不知在做甚麼。於是我撐着軟弱無力的身驅，走了過去。

『做緊咩？』我邊說着，看見大家都拿起不同的物件在敲打着落地玻璃窗。

『醒喇你？靠你看住我地真係死得啦，你問啊源個計劃係點啦。』清叔好像不滿地說，我也感到有點兒內疚。

『哈哈哈，唔好話佢啦，可能佢累啫。』

『今日出左太陽，所以周圍都睇得好清楚，原來琴日睇到啲石階位可以行過去隔離房的落地玻璃到，但呢啲石位得２０cm闊…』

『所以你就唸住打爛啲玻璃，跟住就爬去我地之前果間房救番啊Max,順便逃走？？』我說。

『That's right!呢個方法，我都係岩岩先唸到，而且個神秘人個信息都係咁樣講，所以我都幾肯定…』啊源說。

『唔…都好既，但行過去好危險咁，有啲咩安全措施？』龜仔說。

『無架，我地搵啲繩綁住自己架炸…』啊源無奈說。

『Bing~』啊源說完便一下子便打破了玻璃窗，碎片全都掉左街外…

『終於打爛左嚕！』啊源放低他手上的槌子。

『咁下一步點做？』清叔說。

『緊係過去救啊Max啦！仲洗講架咩！』啊源邊說着邊把大麻繩繞着自己幾個圈，然後把繩的另一邊綁着鞏固在地上的床腳上。

『我都一齊去，互相照應都好啲。』我說，並像啊源般把繩綁着自己。

『咁我地留下呢到睇住捉住啲繩，你地小心啲…但如果果房入面有喪屍，就要即刻番過黎，唔可以冒險！』清叔叮囑我們說。

我們表面上點頭答應，但…但如果真的有喪屍，我們都不會放棄啊Max。

首先步出窗外的是啊源，他小心翼翼地踏着那十分窄的石階位，他深了呼吸，希望在平定自己的心情，然後再步出第２步，現在他完全暴露在窗外，我也為他感到十分擔心。

他像蟹般走着，所以步速十分緩慢。幸好只是在隔離房間，路程不太遠。

現在，我也開始走出窗外，在這一刻５樓也好比着在lfc邊走着一樣。我這時才親身感覺到畏懼，雙腳不停地震抖着…

我碎步地走，啊源已走到隔離房間。

『入面無喪屍啊！』啊源突然這樣說着，我一分了神，便跌腳失去重心。

『Hi！！！！！！』我馬上捉住石階，雙腳正懸浮着，但我已經嚇得三魂不見七魄…

『有無事啊滔！我即刻拉番你上黎！』清叔他們探頭看出來，也看見lemon嚇得快哭般。

我也開始感覺到繩正在拉扯着，我亦慢慢爬着，幾經辛苦終於走回那窄窄的石階，成身也出了冷汗…

『仲得唔得啊，啊滔？』啊源問着。

『無問題！』我深了一口大氣。
我重新開始走着那崎嶇又艱辛的道路。很快地便走到隔離房間的落地玻璃外，我彷彿聽到啊Max正在呼喚緊我們。 


我們馬上拿起自己的工具，那小小的槌子…我們不停敲打着，但玻璃表面只出現那微小的裂痕… 


『啊源，你地岩岩扑左幾耐？』 


『十幾廿分鐘掛…我都無計幾耐…』啊源無奈地說。 


『咁耐…Hi Hi啦！』我一下重擊，玻璃便應聲碎裂… 


『勁啵！』啊源顯得十分難以自信的樣孑。 


『撞彩啫…』我都不敢相信自己能夠一下便打碎。 


我們連忙把淨餘的玻璃碎片給挖走，以防不小心割傷。之後，我和啊源都急不及待走去浴室，發現原本啊Max垂頭喪起般的趴在地上，但一看見我們就興奮的吠及跳着。 


『太好喇，你無事！錫哂你！』我感到十分安慰，幸好沒有因為我的疏忽而令牠有危險。 


『番到去先慢慢錫啦，走喇！』啊源促催着。 


但隨即遇上一個問題，怎樣帶啊Max回去？ 


我望着窗簾，想了一個辦法。我折了窗簾，利用那些圓形掛勾，把繩子穿了過去，還用布綁實啊Max，把牠固定…然後清叔那邊拉繩，緩慢但很順利的把啊Max運送過去。 


『呼！終於搞店！你行番過去先啦啊源！』我說着，並攤在床上。 


『好啦，我行先，唔好訓咁耐！』他笑着說。 

看見他慢慢步出窗外，轉眼便消失了… 

自己卻因為剛才太緊張，令整個身體都僵硬了，現在需要休息一會…３分鐘…？不…５分鐘較好… 
才剛剛合上眼睛，就聽到『㗎勒…㗎勒…』的聲音… 

我心知不妙，便立即彈了起來，望着聲音的來源…在門口。 

『呯！！』門打開了！！不少喪屍跌在地上，亦有喪屍從後走了進來！ 

『今鋪我的家產喇………』

我開槍打死接近我的喪屍，但數量太多根本不足以應付！難道要死左這裏嗎？！ 

我望着地上的一條繩，是剛才繞着我的安全繩，我突然靈機一觸…我立即跑向那條繩，喪屍在後面追住！ 

『清叔幫我捉實條繩啊！！！！』我大叫。 

我拿起麻繩，在手繞了多個圈之後，便用力一躍，跳出窗外！！ 

。。。。。。。 

這一刻，我就像泰山般，拿着繩在樹林般跳來跳去，不同的是我現在是在酒店的外牆外！有數隻喪屍因停不了，而往外跑了出去，真可惜。 

『唔捉我咪好囉！』我笑着。 

咦！好像有些不妥！衝力太大了，在外面繞了兩秒，便開始撞向３樓的牆壁！ 

『哇！』我猛烈地撞向牆，左邊的身體無一幸勉…我沒有太多時間了解我的痛楚，要找到一個落腳點… 

幸好，這一層的外牆面都插上各國的國旗，我隨意找了一個，是英國的，我不是有意踐踏的… 

『有冇事啊滔！出句聲丫！』是啊源的聲音。 

『哦…無事丫！只係岩岩撞親下啫！』我摸着左邊的身體，好像撞瘀了不少。 

『咁就好喇！岩岩見你空中飛人咁，嚇向左走向右走死我！』清叔大喊着，好像害怕我聽不到似的。 

『邊有咁易死丫我！』我說着。 

『係喇！我地準備要走喇！對門就快頂唔順，你睇下下面有冇路可以走丫？』 
我左望右望，希望找到出路，終於在不遠處看見一條樓梯，可以通往一數的平台。 

『搵到啊！但你地要落黎我呢到先得，有冇問題？』我大喊着。 

『無問題！你搵啲野綁實條繩先啦！』清叔說。 

『得喇！一個一個落黎！』我說。