家姐的底底誤我終身: 第六十章 偏偏喜歡你

心急既我，一早就已經到左，早左成九個字，搵左個暗角位收埋自己。

離約定時間仲有三個字既時候，啊仁竟然whatspp我話佢前面發生交通事故，要遲黎。

我都唔知係咁樣係好事定壞事，正當我十五十六既時候，家姐已經準時出現。

家姐今日著白T，牛仔短裙，斜孭袋，長髪披肩，一如以往咁靚，咁清純。

只見家姐係門口左望望右望望，好似係到搵人咁。



“唔通家姐係到搵我？”我心諗，因為啊仁一定都有通知家姐佢會遲到。

然後家姐就同接待講左兩句，就走左入舖入面。

我打開whatsapp再次確認一下啊仁俾我既房號。我好緊張，衣家間房入面就淨係得家姐一個人，究竟我應唔應該入去呢？抑或是等埋啊仁先？

忽然我心生一計。。。。。。

我換好晒衫，戴上帽同口罩，由廁所走出黎。



我先去自助餐既位置，夾好晒家姐鐘意既野食。然後拎住啲野食，去到間房門口，敲左兩下門後，就打開門行入去。

“小姐，請慢用。”我壓低把聲。

“ 咦。。。衣家有咁既服務？”坐係到點緊歌既家姐歪一歪頭，奇怪咁問。

我無理會到家姐，放低左食物後，就默默咁行返出去。

“頂！仆街，開場白應該講咩好啊。”我企左係門口，思考應該要點做。



就係呢個時候，借左件制服比我既員工拍一拍我：“喂，氹到你女朋友未啊？”

“未啊。。。你可唔可以拎杯冰檸茶俾我？”我又係銀包到拎左張一百蚊俾佢。

雖然我叫做賺左啲錢，但咁用法其實都幾戇鳩。不過為左氹家姐，無計。

呢到既隔音並唔係話好勁，企係門口處既我，聽到家姐終於都開始唱歌，雖然音量微弱，但都足夠聽到係咩歌。

唔知話家姐有品味定老餅好，後生索女，竟然點埋啲八九十年代既歌。

“愁緒揮不去，苦悶散不去。”一首［偏偏喜歡你］既家姐女聲版，就係咁傳出門外。

而呢個時候，我杯凍檸茶正好送到。

我接過凍檸茶，等個員工走開左，然後我就毅然咁推門入房。



音樂仍然播放，但家姐既歌聲就俾我打斷左。

我擺低杯凍檸茶，實在唔知要點做既我，突然又好想好似頭先咁走返出去。

“你。。。？咩事？”見到我企定定係到，家姐問出正常人都會問既問題。

唔知那來的勇氣，我隨手拎起咪，坐係近門口既沙發，即係家姐既對面，低住頭咁唱呢首［偏偏喜歡你］。

“明白到愛失去，一切都不對，我又為何偏偏喜歡你。”

“細佬？”唱到一半，家姐終於知道係我。

“係我啊。。。家姐。”我除低帽同口罩，望住家姐。



“嚇死我咩！仲以為有變態佬啊！”家姐呼左一口氣，摸一摸心口。

受驚既家姐，似乎忘記左要冷起塊面對我。

“。。。”

空氣突然變得安靜。

“家姐，對唔住啊，我知錯啦。”

“點解你衣家先知錯？你呃夠人啦？”家姐一下子又冷冰冰起黎。

“我。。。”

“哼。”家姐哼一聲企起身，行去門口就想離開。



我即刻擋住道門，唔俾家姐走。

家姐反應好快，見趕我唔走，馬上就走去廁所，然後關門。

係道門就關之際，我忽然把心一橫，直接伸手到門罅，然後“哎唷”一聲，發出慘叫，我隻手毫無疑問地，俾門夾到好痛。

“細。。。”家姐欲言又止，見我俾門夾到，即刻放開手，無再執意關門。

我趁呢個空檔，閃身走埋入廁所裏面。

正當我想開始博同情既時候，忽然K房道門俾人推開。係呢個情境下，我不自覺咁反手就關左道廁所門。

“呯”一聲廁所關門聲。



“靜紅你係廁所？對唔住啊，遲大到。”啊仁把聲傳入我同家姐耳中。

廁所裏面，我同家姐你眼望我眼，不知所措。。。