家姐的底底誤我終身: 第五十九章 我feel到

我同啊仁交換電話後，分道揚鑣。

“那來的自信。”我心諗。

雖然我一方面係咁諗，但另一方面竟然有啲期待啊仁會為我帶黎好消息。

我返到屋企整理晒一切，訓上牀開始玩電話，忽然就收到啊仁既訊息。

啊仁：“聽日，星期六中午十二點，沙田K房出面等。”



咁順利！？真係要叫聲仁哥。

我：“家姐知唔知我會黎？”

啊仁：“er。。。好難形容喎。”

我：“下。。。？”一個字定兩個字，有幾難形容啊。

啊仁：“佢應該知道你會黎，但佢會扮唔知道咁。”



我：”(黑人問號.jpg)”

啊仁：“簡單啲黎講，我故意漏左啲口風俾你家姐，佢應該估到我會叫埋你去。”

我：“家姐估到仲肯黎！？”

啊仁：“就係估到先肯黎。”

我：“咩意思？”



啊仁：“你知唔知你家姐好難約架，我feel到你家姐因為你先肯同我去唱k炸(喊)。”

我：“又feel到？”

啊仁係咪以為自己有第六感，成日都係到feel到。不過佢咁講又令到我幾高興。

啊仁：“頭先同你家姐食飯，佢知道你無做倫敦金後幾咁開心。你家姐其實應該都嬲得七七八八啦，衣家係差個下台階，或者岩既時機炸。”

我：“真係架？！”

我已經笑到四萬咁口。

啊仁：“你家姐知你無做後開心係真既，佢嬲得七七八八就係我feel到既。”

我：“仁哥！你啲第六感咁準，我信晒你架啦！”



啊仁：“哈哈。”

我：“咁我地聽日就扮唔知道家姐係扮唔知道我會黎？(笑)”

我十分愉快，有心情搞下笑。

啊仁：“哈，無錯。”

我：“咁我聽日成唔成功？你feel唔feel到？”

啊仁：“feel唔到。。。”