「如果在我讀書期間分手，等我回來重新追求你好嗎？」: ［嘉敏］迎面而來

阿宇見我就這樣望著他沒有回話，捏了捏我的臉，說：「夜啦，送你返屋企？」

我們牽手走在大街上，昏黃的路燈，高樓大廈的點點燈火，模糊了我的視線。

「記唔記得你初吻仲有一半係我㗎？」阿宇雲淡風輕地說。

「我仲未準備好啊⋯⋯」聽在我的耳裡卻是個困難的任務，畢竟對於不曾接吻的我，這是一件神聖的事情。

「哈哈，有咩要準備啊？」





「哎呀，總之唔得住啦！」

正當我們甜蜜地聊著天，有一雙腿停在我們前面大約兩米的地方，不打算移開。

我不解地抬頭一看——Shit！那是我媽媽！

我立刻把阿宇的手甩開，站得筆直，自然地撥弄一下頭髮，露出一個燦爛的笑容，對著媽媽打了個漂亮的招呼：「Hi！媽咪？」

媽媽皺著眉頭上下打量我們，不待她說話，我馬上解釋道：「我地啱啱去溫書呀，仲有個女仔friend一齊㗎，但係佢去左廁所。」





阿宇也體面地打了個招呼：「Hello姨姨。」

媽媽瞇著眼睛，一副看透世事的樣子，說：「唔好講大話啦，你地啱啱係咪拖緊手啊？」

我故作鎮定地說：「咩啊？有乜可能？一定係你睇錯啦！」

媽媽擺擺手，嘆了口氣，說：「唉，我返屋企啦，你都早啲返，唔好咁夜。」

待媽媽消失在視線中，我懸著的心終於放了下來。但想起剛剛的情景，我便有股衝動想仰天長嘯，大喊一聲抒發我的情緒。





事實上我真的這樣做了：「啊！點算？比佢發現左啦！」

阿宇在一旁反而不那麼慌張，說：「發現左咪發現左，冇事既應該。」

我崩潰地說：「我返到去都唔知點面對佢好啊⋯⋯」

他捧著我的臉，把我的肉擠成一團，說：「最多遲啲我地一齊食餐飯，傾下計啦？」

我口齒不清地說：「而#%明明&@你見家長，唔係我，點解反而%#緊張⋯⋯」

他把我拉緊懷裡，拍了拍我的背，說：「乖，冇事既，唔好諗咁多，佢問乜照答就得㗎啦。」

我躁動不安的情緒平復了一點，卻還是懷著緊張的心情上樓。

媽媽和我睡上下格床，當我進入房間時，我把自己縮成一團，輕手輕腳地走進去，務求儘量減低自己的存在感。





計畫很美好，但現實並沒有奏效。我從鏡子中看到媽媽銳利的眼神，我知道，我逃不掉了，乖乖地坐了下來，等待審問。

「唉，其實我一早都知啦，比面你先唔講出聲，點知今次比我撞到應一應，都冇辦法⋯⋯」媽媽無奈地說。

我心中驚嘆，差點要給她拍手掌。

審問正式開始——

「一齊左幾耐？」

「三個月。」

「有冇兄弟姊妹？」





「一個細妹。」

「讀幾年級？」

「呃⋯⋯好似中二。」

「屋企人做邊行？」

「呃⋯⋯好似係開舖頭既。」

「咩舖頭？」

「呃⋯⋯好似係雜貨舖同飲食業。」

「咁多好似？其實你都唔係好了解佢姐？」





「唔係！因為我冇特別問佢屋企人啲嘢⋯⋯」

「咁你鍾意佢啲咩？又唔係特別靚仔。」

「溫柔，成熟，對我好。」

「你就黎要考DSE，而家先黎搞埋晒啲咁既嘢？」

「我平時會同佢一齊溫書㗎⋯⋯」

「我見你平時係屋企淨係識打機咋喎？」

「咁所以我咪出去溫書⋯⋯」





「唉⋯⋯你而家咁大個人，我管你唔到，但係你唔好成副心機擺晒落去，到左分手嗰陣就喊死你！」

「唔會既⋯⋯你放心啦！」

「唉，你鍾意就得，搵日帶過黎，食個飯啦。」

「OK，冇問題！」

終於成功過關，放下了心頭大石，我馬上鬆了一口氣，連呼吸都分外舒暢。但仔細一想，媽媽從頭到尾都沒有好奇他的名字，好像根本不在乎一樣，我不禁為阿宇未來的日子擔憂。