《捕捉表姐三步曲》第二部~~仙氣の表姐Sita (3): 仙氣の表姐Sita @ 3

氣の表姐Sita @ (3)



Lunch time撞到志明，其實唔止一次同佢食飯。

同佢食過幾次，大家都有講有笑，個氣氛幾好。

志明話佢响哩頭返工，所以走嚟同Sita食飯。



間唔中一次半次都話，不過佢日日都去office搵佢…

Sita唔係蠢，估到志明個心諗乜。

不過因為佢係表弟，所以Sita唔去諗咁多。

今日佢好進取…

响Jacky面前話接佢放工…



佢真係諗住追Sita？

Sita諗到志明話接佢收工，佢就話要同Jacky返屋企推咗佢。

到收工時間，Sita執埋啲嘢準備走…

下意識左望望、右望望…

佢唔係驚，但係都想睇吓志明會唔會响到等佢。



當望過四週乜都無，Sita攞起手袋想走果時就見到Jacky行過嚟。

「妳眼望望做咩呀？」

「唔。」Sita見到Jacky，就好溫雅咁講：「無嘢喔。妳咁乖嚟同我一齊返屋企？」

「算係喇。」Jacky講：「順便睇吓靚仔表哥有無嚟接妳。」

「妳咪亂講喇。」

「亂咩講吖。」Jacky講：「佢媾咗…」

「唔準講咁粗俗說話！」Sita聽到Jacky講個媾字，就用手指封住佢個口。被封嘴Jacky穿過Sita手嘴講：「媾字都粗俗？家姐妳咩年代人嚟嫁？」

「我知媾字好普遍，甚至out day。」Sita講：「呀爸話妳太粗魯，要我將妳train做淑女。」



「Train我做淑女？」Jacky好大反應講：「咪搞我，佢train咗妳咪夠囉！」

「咁我哋兩姊妹，點可能咁偏心淨係train我唔train妳。」

「Train我做咩啫！」Jacky講：「要我扮斯文，响啲ball場著拖地長裙攞住杯酒陰聲細氣，同啲富唔知幾代嘅人so show…」

「咦！諗起都打冷震！！」

「哎喲，咁做淑女唔一定要去ball嫁嘛…」

「妳講吓好喇，又唔係唔知妳老豆成日想將我哋嫁俾啲有錢佬，話晉身上流社會！」

「呀爸都係想我哋嫁得好啫。」



「唏！總之唔啱我喇！」

一講到哩個話題Jacky就有啲忟，Sita睇見佢咁眉頭皺哂，無佢辦法。

「做唔做我唔勉強妳，書就一定要讀。」

「係喇，係喇！」Jacky拉住Sita：「再講天黑喇，我哋返去同老豆報到！」

「報到咁難聽。」Sita對Jacky返去見呀爸講報到，不禁笑笑。

好快兩姊妹返到屋企，一入屋就見到呀爸著哂西裝。

「爸爸。」Sita同佢呀爸打招呼。

「乖。」呀爸回應Sita後，見到Jacky响到。



「妳終於識返屋企喇！」

「咩呀，我成日都有返嫁！」Jacky駁嘴。

「成日？一個月都唔知有幾日响屋企！」

「我平時响宿舍瞓，得閒就有返屋企。」

「返宿舍？」呀爸講：「Mary同我講，妳成日都無返宿舍瞓，妳話妳去咗邊吖！！」

講到Jacky無返宿舍，呀爸開始勞氣。佢勞氣，Jacky都面色一變…

死八婆，學人玩篤灰！！



我都同uncle講妳真空返學，睇吓妳點死！！

Mary係同學，亦都係啲富二代，鍾意扮靚靚果隻。

「人講你又信？」

「人哋無必要講大話！」呀爸講：「妳係咪學人…」

呀爸講到好激氣，呀媽响旁睇見咁，就講：「夠鐘出門喇，你唔好咁激氣，Jacky最聽Sita話，就等Sita教佢喇。」

「係喇，交Jacky俾我喇。」Sita好誠懇咁望住呀爸，呀爸望住Sita都降返啲火。

「咁妳教教個妹。」呀爸再望向Jacky：「妳呀，學吓家姐喇！」

呀爸唔客氣咁對Jacky講，Jacky無出聲只係怒啤佢！

呀爸都啤住佢，然後同呀媽一齊出門口。

當兩個出哂去，Sita講：「妳唔好同呀爸嘈喇，佢都係為妳好咋。」

「為我好？我大個女嫁喇！」

Jacky再講：「成日當我細路女咁！」

「妳…」

Sita想再同Jacky講，佢就一枝箭衝入房閂埋門。Sita知佢發脾氣，所以都尤佢自己匿埋响房。

到晚飯時間，Sita叫佢出嚟食，但係佢話無心情唔出，仍然要响房閉關。

食完飯後仲未見人，Sita驚佢有咩事就敲敲房門：「Jacky，妳有無事呀？」

「無事。」

「妳嬲爸爸？」Sita講：「妳都知道佢有時係惡啲，不過…」

Sita未講完，Jacky就講：「無嘢喎，慣咗喇。」

「妳無嬲？」

「無嬲。」

「咁出嚟食飯喔。」

「唔咯，無胃口唔想食。」

Jacky答完之後dead air，佢咁反應Sita有啲擔心。

佢話唔嬲，又唔出嚟食飯…

閂埋房門匿埋咁耐，到底搞咩呢？

Sita好錫哩個妹，估佢應該係俾呀爸鬧完唔開心。

「Jacky，我可唔可以入嚟呀？」

「OK。」

Jacky俾入，Sita就打開房門。門一打開見到佢卷入被竇，淨係突出個頭趴响床，成條食紙蟲咁。Sita見到就問：「做咩扮臘腸卷呀？」

「哈哈，咩臘腸卷呀！」

「咁妳而家唔似咩？」

「哈哈！」Jacky大笑，响佢前面碌咗部電話出嚟。電話係開住，畫面係Jacky著住件吊帶裙响disco入面好開心咁。Sita見到Jacky咁靚，感到興趣。

「Jacky，妳幾時有件黑色吊帶裙我唔知嘅？」

「買咗無幾耐之嘛，靚唔靚？」Jacky聽到Sita講，即刻好開心回應。

「靚喔，係titty&Co？」

「果然係潮流教主，一眼就睇得出！」

「我做時裝，咁都唔知就失職喔。」

「咁再估吓？」Jacky揭下一張相，背景都係disco，而佢係著件低胸裝。

「哩件係GRL。」

「勁喎，再估吓？」

「好喔！」

兩個不停打開Jacky電話入面啲相，相中Jacky大多係性感衣著，低胸短裙短褲等等。無論揭幾多張Sita都估中，估中咗Jacky都係咁讚，氹到Sita好開心。

雖然Sita笑笑口，但係佢睇到Jacky啲相都係响disco，而且佢著得都係性感果種。

當揭多幾張相，Sita見到有一張佢係著住黑色bra top…

細心啲睇，個bra top係個胸圍…

Wacoal胸圍。

吓…

Jacky著胸圍响公衆地方？

佢咁大懵？

「妳知唔知戴哩個係bra，係胸圍，唔係出街果啲bra top呀？」

「我知吖。」

「咁妳著出街？」Sita聽到Jacky明知係bra仲要响disco著住，覺得好吃驚！

「果日著住件長袖衫，跳到熱哂咪除咗嚟跳囉！」

「吓？妳咁大膽？」

「有幾呀…」Jacky再揭後幾張相，响一張相到停手。

「妳睇。」

Jacyk叫Sita睇果張相，係佢著住個黑色bra top。哩個bra top比起Wacoal果個性感，好少布個波波露出好多。

睇到哩張相，Sita驚呼一聲：「嘩！妳著到咁性感！！」

「性咩感吖，落老蘭個個都係咁喇，我算保守果隻。」

「著到咁咪俾人睇哂？」

「睇之嘛，駛死咩！」Jacky再講：「如果啲人唔睇妳個妹，咁就死得！」

「著到咁係為咗俾人睇，值得咩？」

「著得靚都係想人睇，人哋唔望嘅有乜意思！」

「咁做人唔係為其他人嫁嘛。」Sita講：「例如妳充實自己，有內在美…」

Sita開始說教，Jacky即刻stop佢：「妳仙氣泛濫，俾人望到慣喇…」

「如果有日個個唔望妳，當妳無到咁妳覺得係咪好事？」

「當我無到？」聽到Jacky講，Sita沉思去諗。

個個唔望我…

都唔錯吖…

成日望住，好煩嫁嘛。

「唔望嘅…」Sita正想將佢觀點講出時，Jacky電話響起。

「喂。」Jacky接聽電話，講咗幾句之後話：「咁好喇，陣間見，88。」

「好，有節目！！」Jacky聽完電話就彈起身走去衣櫃，Sita問：「妳想出街？」

「係呀，落老蘭。」

「妳又落去玩？」

「後生唔玩，唔通等到老先去玩咩！」Jacky攞咗件衫响手，然後除咗佢件T恤出嚟。Sita見到佢著住個黑色bra，就講：「妳好鍾意黑色？」

「都幾嫁！」Jacky講完就除埋個黑色bra，然後將個黑色bra top著上。因為佢係背對住Sita，所以睇唔到佢正面，只係見佢背脊。

Jacky換咗bra top，之後再換條短褲。從後望條褲好貼身，將兩團pat pat肉浮現，同彩繪無乜分別。

「妳…」Sita見到Jacky條褲咁sexy，忍唔住講咗個妳字。Jacky聽到Sita講嘢，就擰轉身問：「妳講咩呀？」

Jacky一擰轉身就將佢正面對住Sita，Sita見到佢個bra top係Lace花紋，由肩膀吊帶一路斜斜咁遮住個波。布料唔多，每個波只係包到一半，輕輕一拉就好易見到Lin頭；個bra下方仲有一幅細布，塊布係透視質料。Sita一睇見就知塊布無實際用途…

除咗tease之外。

Sita望見Jacky著成咁，懊惱到眉目深鎖…

就算佢見唔少model著得性感過Jacky，但係自己個妹咁著就多開心。

Jacky同Sita四目交投，Jacky講：「妳牛咁眼望住我，咩事呀？」

「妳諗住著成咁去disco？」

「點呀，係咪好索呢？」Jacky嬉皮笑臉回應，仲側側身擺post：「妳個妹夠哂料做model嫁！」

「妳唔覺太性感咩？」

「妳又嚟…」Jacky講：「妳做時裝嘅，無理由咁都接受唔到喎…」

「我係做fashion…」Sita講：「妳著到咁落蘭桂坊，係咪學人搵鬼佬？」

「洋腸？唔啱我口味。」

「唔啱妳口味，咁係咪幫妳影相果個男仔？」

「果個男仔？」Jacky唔明Sita問邊個。

「妳電話入面啲相呀。」Sita講：「我見到好多張相都有一個男仔，而且妳影啲相角度手法一樣，好明顯係同一個人影喇。」

聽到Sita分析，Jacky目瞪口呆好驚訝！

「點呀，係咪我講中？」見到Jacky驚驚樣，Sita知道自己估中，露出勝利微笑。

「妳咁勁嘅？！」

「唔係勁，只要細心就會估中。」

「妳已經外在美贏哂喇，仲要咁聰明邊個夠妳玩呀！」

「唔駛賣口乖喇。」Sita笑笑對Jacky講唔駛擦佢鞋。

「咁係吖嘛，我靚妳仲靚…」Jacky一路講、一路行去房門。

「我醒，妳仲醒！」Jacky打開房門：「學界之花真係唔夠仙女撼…」講完就行出房。

「我未講完呀，妳真係要去蘭桂芳？」

「係呀，成班friend等緊我呀！」

「成班男仔？」Sita問。

「有啲男仔…」

「仲有啲女仔？」Sita問。

「仲有啲男神！」Jacky挑皮咁伸伸脷，之後跑去大門前著鞋。

「啱啱返嚟又出夜街，爸爸知道鬧死呀！」

「條命係我嘅，我有權自己決定。」Jacky講：「難得學界男神都去，我哩個女神點可以甩底呀！」

「咁…」Sita知道阻止唔到佢，嘆口氣講：「妳咁大個人，我阻唔到妳去，不過玩時玩，換過件衫先喇。」

「換衫？」

「係呀，件衫太引人犯罪喇。」

「引人犯罪咪啱囉！」Jacky奸笑：「學界男神今晚實走唔出我手指罅，嘿嘿！！」

「妳…」

Sita睇到Jacky咁，知道佢存心落去亂搞男女關系。爸爸叫佢睇住Jacky，明知佢去嘅場合唔正經，但係又阻止唔到…

心入面好亂…

唔知點做好。

「Jacky，聽家姐話唔好去喇。」

「唔去？點解呀？」

「我驚妳出事呀。」

「我咁大個人，會有咩事啫。」

「妳落去識男神，想同人one night stand，我有無講錯？」Sita好認真咁同Jacky講，Jacky都好認真答：「係呀。」

「咁都得？妳係女仔嚟嫁！」Sita難以置信咁講。

「咩年代呀，咪咁土喇！」Jacky講：「男歡女愛，好平常啫！」

「但係…」

Sita未講完，Jacky搶住講：「啱嘅話唔埋同佢會發展，到時拍拍拖都有可能。」

「同人哋拍拖？」

「可能啫。」

「夜場無真愛，搵男朋友都唔係哩啲地方喇。」

「唔講喇，再講遲大到。」Jacky想開門走，見到Sita依依不捨眼神望住佢…

依依不捨眼神，係因為擔心Jacky會出事。

兩姊妹對望一陣，今次到Jacky嘆氣：「唉，怕咗妳喇。」

「妳唔去喇？」聽到Jacky咁講，Sita好開心。

「唔去梗係唔得喇！」Jacky講：「妳咁擔心我，咁一齊去嘞！」

「一齊去？？」對於Jacky提議，Sita好驚訝！

「係呀，唔想為難妳，咁唯有一齊去囉。」

「咁…」Sita未去過disco，對於Jacky提議有啲猶豫…

去夜街？

我未去過disco喎…

去唔去好呢？







仙氣の表姐Sita @ (3) 完