為了實現媽媽遺願，我成為了女校男生: 詩敏番外篇(7)

「你緊張呀?個心跳得咁快嘅?」
 
「其實…我係第一次上女朋友屋企」
 
「你之前拍拖冇見過家長咩?」
 
「果D拍一兩個月就冇左…屋企都未上過，今次係第一次」
 
我又有野可以恥笑佢啦
 




「挑~平時串串貢咁，原來咁淆底嘅」
 
「咁有冇野俾我定下驚?」
 
「錫你一啖啦」我係屋企門口錫左佢一下好耐
 
「一陣醒醒定定呀，如果daddy唔俾嘅話…我地就唔可以再來往架啦」我第一次係佢面前扁咀
 
阿熙今日拎左d野黎送俾daddy，咪又係生果之類
 




“叮噹”姐姐一打開門，屋企d殺氣已經傳出黎
 
「daddy….呢個係我男朋友….李健熙….佢係阿哥嘅舊同學」
 
「uncle你好….少少意思…」
 
「唔!」
 
「坐低先啦你…」
 




「係…」 果陣氣氛幾恐怖下
 
「老公，個女帶男朋友返黎…你冇意見?」
 
Daddy靜左好耐
 
「細路!點解你夠膽追我個女?」
 
「Uncle…其實…我冇追過詩敏……我地係….自自然然咁…走埋一齊」
 
「即係點?」
 
「係我一直…留係佢身邊…自己等佢，佢一直都唔知我鍾意佢」
 
「敏敏，係唔係?」




 
「係呀，佢等我，我又等人，點知我爭輸左，呢隻野先放膽同我講」係屋企，我態度係好輕佻
 
「阿女，態度好d啦妳」
 
「佻~~~」
 
「你睇下!你寵到個女丫」