為了實現媽媽遺願，我成為了女校男生: 詩敏番外篇(6)

「姐姐妳真係要自爆?」雪晴係我身邊好不安，因為我地兩個企係訓導處前，準備入去
 
「遲早媽咪都會知，而且我應承過佢，唔會再瞞住佢同男仔拍拖，所以…」
 
「妳真係唔驚?今次妳又可能俾契媽趕出屋企喎」
 
「係呀!妳準備好收留我未?」
 
「可能我都會俾ba b趕出屋企呢」
 




訓導處道門一打開，入邊充滿殺氣，係學校嘅媽咪同係屋企嘅媽咪，係兩個人
 
「妳地兩個咩事搵我?」
 
「媽咪…入去先可唔可以?」
 
我同雪晴兩個人企係訓導處內邊「有咩事?」
 
「呀…」
 




雪晴用手肘撞一撞我叫我講
 
「我?唔係妳咩?」 「妳係大姐姐妳講」
 
「有咩事!!」媽咪已經儲好氣準備施展獅哮功
 
「媽咪….我同雪晴拍緊拖…….」
 
「咩話!!!」媽咪嘅氣場指數急速上升
 




「我…同雪晴….拍緊拖……」
 
「妳地點可以咁樣!!兩個女仔……阿女妳係咪恨做男仔恨到傻左!!!定係跟得阿哥去同男仔打波打得多!!!雪晴妳係咪俾人傷得太深?妳兩個點解要做豆腐妹!!」
 
我同雪晴兩個人呆左企係到，係咪我表達得唔好呢?媽咪以為我同雪晴拍拖……
 
「媽咪呀…係我同雪晴分別同兩個男仔拍拖，唔係我地兩個拍拖…」
 
「哦…..咩話!?」媽咪都要load 一load先知我講咩
 
「係呀契媽…我地兩個…有男朋友…」
 
媽咪轉身望住窗邊，然後拎起大咪，叫左雪凝姐姐同哥哥落黎
 
然後第二日，佢就親自去審問我地兩個嘅男朋友




 
奇蹟地，媽咪批准我地拍拖，但其實我仲有一關要過，就係我daddy
 
果一日，我帶住阿熙返屋企，爸爸已經坐係到嚴陣以待
 
好少有阿熙咁緊張