為了實現媽媽遺願，我成為了女校男生: 雪晴番外篇(10)

到我F.3果一年，亦係家姐畢業嘅時間，家姐要離開學校啦，我真係好唔捨得，佢同姐夫、Ivana姐姐同Joanne姐姐一齊畢業...我係一時間冇左4個好照顧我嘅人，點知，我終於見識到姐夫最痴線嘅一面。當日頒完模範生獎狀，連同姐夫父母果兩張獎狀頒好，係影程家大合照時，Jasmine姐姐問我準備好未。果然佢真係比我同家姐更瞭解姐夫，如果唔係家姐嘅關係，佢應該會順利嫁俾姐夫。
 
姐夫...係學校，畢業典禮上，向家姐求婚啦!!!佢真係好痴線呀!!!!
 
隨住家姐點頭，一句「我願意」，家姐正式做人未婚妻啦
 
轉眼間，到我F.7畢業啦，我係會考以5A返原校，AL比家姐更叻女，2A1B入大學
 
我同阿翀…大個左啦…佢真係等我18歲先有關係…終於…我都視佢為未婚夫
 




幾時結婚?唔知呢?我只係知我畢業果日，我抱住家姐個女，程詩敏一齊影相，而當日我左手中指上，多左隻鑽石戒指
 
到我碩士畢業時，我抱住小朋友程浩揚，加一個企係到扎孖辮嘅程詩敏，左手無名指上有一隻戒指咁影相，而企我身邊嘅仍然係好怕羞嘅佢，我腹部微微隆起，代表我同佢之間已經多左個人了。