為了實現媽媽遺願，我成為了女校男生: 雪晴番外篇(9)

「喂呀…你呀…我唔係唔信你，你唔好咁緊張嘛」
 
「但係…」
 
「如果你真係忍唔住…我可以…」
 
「唔…唔會!!我會等到妳成年先要問妳…我唔係果個人咁…貪妳果樣野…」
 
「都話我知你為人，我先會揀你囉」
 




「夜啦，同妳返屋企?」
 
「錫多次啦…我地唔似家姐咁…一星期先見一至兩次」
 
係果晚，我終於正式有一個男朋友啦
 
然後，我拍拖嘅事俾家姐知道左，我同Jasmine姐姐選擇自爆
 
之後，連ba b都知道埋，好彩我說服到佢俾我同阿翀繼續拍拖。為左ba b媽咪放心俾我地來往，我冇拋低自己嘅學業，相反，我地兩個經常去自修室或許我屋企會所溫書。我地溫書就當去左街架啦
 




然後…我地係學校join school show上…公開左我地關係
 
第一次，我係學校，拖住我男朋友係台上唱歌。我地專登揀左”來到今天”呢首歌，因為「年紀小不等於我是錯　盡情活著為何代表闖禍」代表我細細個嘅我，唔等於做嘅決定一定係錯，「我不怕雨天　預備共你的愛　用血與淚提煉」代表我同阿翀之間一定有人反對，但我地會一一克服困難。
 
返到落台坐低，我已經俾同學包圍住
 
「Karen…妳有男朋友?」
 
「係...係呀...」
 




「就係頭先果個怕羞仔?」
 
「嗯...」
 
「佢F.6喎!!」
 
「咁又點呢...佢對我好，一心一意就夠」
 
「呀...好羨慕妳地兩姊妹呀!!」
 
係我升F.3嘅暑假，我第一次去男朋友屋企，當阿翀帶我去到果時佢屋企好多人都嚇左一跳。一黎佢地冇諗過阿翀會有女朋友，二黎，冇諗過我會咁細個，連16歲都未夠。但係我地兩個都得到屋企批准可以來往