為了實現媽媽遺願，我成為了女校男生: 雪晴番外篇(7)

去到星期四，我走左去3E班搵Jasmine姐姐
 
「姐姐呀…聽日呢…妳放學有冇時間呀?」
 
「做咩呀?妳約我行街呀?」
 
「我呢…約左個人…咁唔想咁高調…所以想搵妳陪我…」
 
「呀…妳唔乖啦!男仔呢?」
 




我面紅紅咁點左下頭「嗯」
 
「想湊夠兩pair人行街咁呢?」
 
「嗯」
 
「果個男仔我識唔識架?」
 
「妳…識架」
 




「唔…樂善堂果班男仔?」
 
「嗯…」
 
「好啦，見係妳咋我陪妳啦」
 
點知Jasmine姐姐一去到見到熙哥哥就好似火星撞地球咁樣，就係咁，佢地呢場星球大戰打左幾個星期五
 
點知到左某一日，Jasmine姐姐同我講左句好震撼嘅說話
 




「我爬左妳頭啦雪晴」
 
「爬頭?做咩呀?」
 
佢俾左張同熙哥哥自拍嘅相我睇，相中佢地兩個笑得好甜，佢地…一齊左啦
 
「下…幾時…幾時開始架?」
 
「上星期五囉，妳同怕羞仔走左之後，佢同我食野，係海邊攬實我囉」姐姐果刻笑得好甜
 
「妳真係…鍾意佢?」
 
「其實…我自己不知不覺間鍾意左佢…我自己一直唔肯承認者…」
 
「但係…妳唔怕…契媽咩?」




 
「怕咩喎」
 
「咁妳同佢…啜啜左未呀?」我好期待姐姐答案
 
「嗯…」
 
「呀…好幸福呀妳」
 
姐姐指住月曆「妳今晚要自己爭取啦知嘛」