為了實現媽媽遺願，我成為了女校男生: 雪晴番外篇(6)

有一日放學，家姐同姐夫要做Lab report所以遲走，係果日，我就自己一個去怕羞仔學校
 
果然同姐夫講嘅一樣，每個星期五4點15分，怕羞仔會由正門行出黎
 
「Stanley哥哥!」我豁出去啦
 
「妳…Karen?妳係到做咩?」
 
我微笑對住佢，佢真係好似姐夫咁講好怕羞。我捉住佢隻手帶佢去間餐廳到坐低
 




我地兩個係到傾下計，但係…同佢傾計唔係我最大目的…所以我鼓起勇氣約佢
 
「你….2月14號…放學有冇時間?我想……」當我問佢呢個問題時，佢已經開始面紅，然後…我成功約左佢當日係附近間Starbucks到等
 
為左當日，我好用心機整朱古力。期間，我同怕羞仔每日都會傾下sms之類，有時趁家姐係自己房果時，我會同怕羞仔傾電話，我同佢對大家都有少少好感
 
情人節當日，我去到Starbucks，佢一早幫我叫左杯熱朱古力。我面紅紅咁遞份朱古力俾佢
 
「送,…送俾你架…我親手整俾你…所以…你應該…知道我…」
 




「我…我知…所以…呀..」
 
「你…下個月先答我啦…」
 
佢同我一樣塊面好紅
 
「不過雪晴…我地呢個月真係唔見面呀?」
 
「唔係架…我會…我會掛住你架…」
 




「我同妳單獨兩個人…」
 
「我…我搵Jasmine姐姐陪我囉…咁你咪搵熙哥哥黎囉…Jasmine姐姐係到…佢一定會黎…」
 
「咁妳都知?」
 
「姐夫講嘅…晏啦…我要返去啦，一陣媽咪搵我唔到就麻煩」
 
「我…我送妳返去丫」
 
出左Starbucks之後，佢主動送我返屋企，過馬路果時，因為好多人，同埋我地為左唔俾人見到而行一D小街，果到多車房之類。佢輕輕捉住我三隻手指咁行，而我就挨近佢身邊，可能我眼前呢個怕羞仔大哥哥，都對我有D意思，我地就咁樣行返屋企樓下。我地冇邊行邊望，因為我好鍾意呢個時刻，雖然佢真係好怕羞，但係佢好盡力咁保護我，我諗我今次應該揀啱左人啦
 
「我到啦翀哥哥……」我耷低頭面紅紅，佢依然捉住我隻手
 






「嗯……呀…雪晴呀?」
 


「係!」
 


「妳…平日都得閒?」
 
「我夜晚溫完書，大約10點會上陣網…」
 
「唔….我明白…」
 




每晚我同佢溫完書之後，都會上網同佢傾計，傾下學校趣事，講下家姐同姐夫d事，同佢兩個人相處好舒服