為了實現媽媽遺願，我成為了女校男生: 結局

一年後……林醫生係教堂內將雪凝交俾我，雪凝夢想成真啦，佢著條超長拖尾婚紗，加埋我整果對玻璃鞋行婚禮

"願我會渣火箭，帶妳到天空去，在太空中兩人住....."

分分鍾需要你呢首歌係婚宴上再一次由我唱出黎，對上一次係姐夫娶家姐果時

今次，雪凝喊得更犀利
 
兩年後…我係CD鋪內見到一隻twins CD….佢地第一隻CD，有首歌…係女校男生。我嘅膊頭已經多左條幼劃。
 




「諗起以前青春往事?」一個熟悉嘅臉孔，帶有梨窩嘅女仔係我身後講
 
「懷念一下，以前自己有幾咁瘋狂」
 
佢望一望手上嘅戒指
 
「瘋狂嘛……你由小學已經開始瘋狂」
 
我摸一摸雪凝個肚「你要乖乖地，唔好蝦媽媽，爸爸好快俾妳做姐姐知唔知?」
 




「你仲想生多幾多個?」
 
「一仔一女，一個做機師，一個做教師好唔好，姐姐返英華到讀好唔好?」
 
「嗯，咁細佬咪冇得讀囉?」
 
「我會送佢入樂善堂」
 
我拖住雪凝隻手慢慢係海邊行
 




「老婆」
 
「嗯?」
 
「多謝妳，咁多年黎都係我身邊」
 
「唔好再咁樣多謝我啦，無論點，我都永遠係你身邊」
 
「我愛妳」
 
「我都係…哎呀!」
 
「做咩呀?」
 
「阿女踢我呀」




 
「佢係我上世情人，佢羨慕妳啦」
 
「你幫佢改左名未?」
 
「其實…..我想…將佢改做…呀…」
 
「程詩敏，Jasmine Ching係唔係?」
 
「老婆?點解你會…」
 
「我而家係程太，我都絕對相信你，我先話你知」
 
「咩呀?」
 




「你同Jasmine當年係hall飲左酒，同佢發生左關係，佢將第一次交左俾你。所有事我都知道」
 
「邊個講妳知…」
 
「係我嫁俾你之前，Jasmine喊住咁對我坦白哂所有事」
 
「咁妳仲嫁俾我?」
 
「因為…果陣…你仲未遇返我」
 
「但係我呃住妳…」
 
「愛一個人，要接納佢一切，包括佢嘅過去，所以我選擇嫁你果陣，都選擇接受你嘅過去」
 
「對唔住老婆…我應該一早同妳講」




 
「阿b，我愛你，你唔好離開我」
 
「我都係，我唔會離開妳，一世!」
 
「呀!」
 
「做咩事呀?」
 
「小詩敏佢又踢我呀…」
 
「佢同佢姑姐同阿姨一樣，羨慕妳啦」
 
「知你係好男仔啦!!!返屋企啦!!!恐龍仔同恐龍妹就到ba b到啦」
 




「嗯」
 
-完-