為了實現媽媽遺願，我成為了女校男生: 全職主婦的offer

我地開學第二日開始就要補課，每日都做一年past paper，係每一科。我同阿b都係take 3個AL，所以每日至少做三份past paper，仲有功課要應付。
未到10月，壓力就愈來愈大，有時夜晚我會係阿b心口到喊，因為連我都覺得好辛苦
 
今晚，阿b開左個offer俾我
 
「bb豬呀?」
 
「嗯?」我用把好攰嘅聲音答佢
 
「不如妳唔好讀U，一畢業就嫁俾我，幫我生小朋友好唔好?」




 
「點…點解喎」我真係唔明佢諗咩
 
「我唔想妳咁辛苦囉，妳係要享福架嘛」阿B攬實我好溫柔咁講
 
其實我唔係冇諗過嘅，簡簡單單咁樣，生小朋友，照顧家庭都係我心願之一。但係唔好意思，實際上，全職家庭主婦仲慘過返工，特別係屋企有程逸風加林雪晴呢對白痴組合，就更加唔可以做全職主婦
 
「你呀…唔想我咁辛苦，就俾我讀大學啦」
 
「點解呀?」




 
「照顧你加埋阿妹仲辛苦過做deadline flighter呀，我寧願讀書算啦」
 
「但妳想做咩工呀?」
 
「嗯…5至6年後，插蘇鼻就退休啦，陸陸續續d Miss會退落黎，我咪讀埋Education Dipolma 去教書囉」我都諗過教書都幾好，雖然學校行政工作都好繁忙
 
「妳咁善良點教書呀?」
 
「你估個個學生都好似你咁架咩!!!」




 
「聽日放假，我地今晚遊電車河好唔好?」
 
「你想由呢到搭兩個幾三個鐘去筲箕灣再搭返黎呀?總站去總站喎」
 
「傻啦!!同妳叮到去中環就算」
 
「唔啦，落街散步就得啦」
 
我地兩個手拖手係海邊散步，聽住海浪聲好舒服
 
「係喎BB豬，我有野想問妳好耐」
 
「咩事?」
 




「如果妳唔遇返我嘅話，妳係咪一世都唔拍拖?」
 
估唔到阿b都會問我呢d問題，的確，我寧願一個人生活，都唔想俾機會一d我唔鍾意嘅人去嘗試發展
 
「你唔會同個你自己唔鍾意嘅人拍拖架嘛，係唔係?」
 
「都啱嘅」
 
「咁你呢?如果冇見返我，會點?」
 
「可能呀…唔…講左妳會嬲嘅，唔講」
 
「我幾時有嬲過你?」
 
「真係唔嬲?」




 
「唔嬲」
 
「如果唔遇返妳，可能我等到入U或者F.6果陣，我會…同…呀…」
 
「同Jasmine開始?」我用一對睇穿佢嘅眼望穿佢
 
「係…係嘅…始終媽咪都想我娶詩敏，但係契媽話，所有事都應該俾返d後生仔女決定，男女之間嘅事唔可以由上一代決定，仲邊有指腹為婚呢d咁嘅老土思想」
 
「估唔到奶奶咁明白事理，但你真係冇鍾意過Jasmine?」
 
「都唔係嘅，都對佢有少少意思，但又唔想對佢唔公平」
 
「點唔公平法呀?」
 




「如果我同詩敏拍拖，我一遇到妳，我就會同佢分手，我咁做咪傷害左佢同契媽囉，兩家人嘅關係就咁俾我打破左，我唔想」
 
「咁見到Jasmine咁靚又咁好嘅女仔，好難唔心動嘅，我明，但你仲拎走埋佢…」
 
「唔係我拎架，佢果陣自爆錫過黎架」
 
「有時我都幾羨慕Jasmine，你咁錫佢」
 
「始終我同佢，由出世已經相識，但我真正鍾意果個係妳喎」
 
「我有話唔信你咩?你唔記得，情人節我將我自己交俾你果晚…話過你之前所有事我都會當唔知道，當冇發生過，因為果陣我未遇返你，但我要你對我坦白，從果晚開始，只可以有我一個女人」
 
「我有對妳唔坦白咩?」
 
「你呀!暈低果日咪瞞住我囉，仲食咁多止痛藥」




 
「唔想妳擔心嘛」
 
「仲有呀!你想做機師就唔好再飲酒…你知道…你有次同Jasmine飲完酒之後…你同佢…」
 
「邊個…同妳講架?」
 
「呢件事，得四個人知道，我、你、Jasmine同姐姐，我諗唔到你真係咁瘋狂」
 
「對唔住呀老婆!!!我應該對妳坦白交代」
 
「都話左果件事係發生係我重遇你之前，我唔會嬲你地兩個，果陣我都唔知道你仲等緊我」
 
「係我唔好……果晚我唔應該飲酒……」
 
「果陣Jasmine得12歲…所以…」
 
「咁我成個西瓜車去佢個頭到…..又真係幾痴線嘅...」
 
「你呀…下次唔好咁玩啦，會整親Jasmine架」
 
「我下次搵菠蘿車過去啦」