為了實現媽媽遺願，我成為了女校男生: F.7開學了

暑假期間，每日唔係去自修室溫書就係返學校補課，由於雪凝怕我又壓力太大，佢隔一日就上黎煮飯俾我食，再唔係就帶我返佢屋企將我扔俾雪晴虐待下
 
雪凝一家人已經當左我係家人咁滯，雪凝已經將D衫同一套校服放左係我屋企，所以我周不時諗，係咪應該要同佢求婚啦
 
 
詩敏因為語文能力好，揀左文科班，佢仍然同阿熙出雙入對，一齊溫書，所以契媽都好放心俾個女拍拖。至於雪晴同怕羞仔，就一個願打一個願捱咁樣，當然打果個係雪晴啦，呢pair人就仲犀利，兩個可以一齊溫書就當係拍拖，街都唔洗去，不過當雪晴第一次去怕羞仔屋企果時，嚇到怕羞家族人人彈起。佢地估唔到自己個仔竟然會有女朋友，仲要係得果13歲嘅F.2升F.3嘅小妹妹，好彩怕羞家族都冇反對佢地拍拖。
 
到左F.7開學，第一日已經開始補課，你話死唔死呢?
 
不過呢，我地第一日就俾Ivana踢爆左去影婚紗相嘅事




 
「喂!!!7B!!!!我有野宣佈呀!!!!」
 
「Ivana妳有拖拍啦?」
 
「唔係呀!!!!我地班有pair人去左影婚紗相啦!!!大家準備定人情!!!佢地隨時結婚架啦!!!」
 
「下!!!!Jessie妳要嫁啦??」「有冇相睇下呀?」「打算生幾多個呀!」
 
「未架未架!!!我地未有打算結婚架!!!」雪凝面紅紅不斷耍手擰頭係到解釋，不過佢已經俾成班同學圍住恭喜，Ivana就不停send我地d婚紗相出黎




 
「喂!你唔過黎解釋架!?幫手解釋啦!」雪凝要我幫手解釋點解影婚紗相
 
「哦~影婚紗相之嘛，大家唔好咁緊張」
 
「呀……羨慕死啦!!!Jessie就快做人老婆啦，可能好快做媽媽啦」
 
「咪…咪亂講啦…我地…」雪凝差d講錯野
 
「總之呢!!!我地成班都要去飲架!!!阿風哥仔，你快d係我地面前表明心意啦」




 
「妳地想點表明呀?仲要係妳地面前」
 
「同Jessie講聲”我愛妳”都得掛」
 
「真麻煩，黎啦」
 
我走到雪凝面前，唔出聲望住佢
 
「喂呀!!!快d啦!!!好緊張呀!!!」
 
我雙手捉住雪凝雙手，然後係學校入邊….著住校服係全班同學面前，錫左落佢個咀到，長達10秒
 
全班都俾我呢個動作嚇親，呆哂
 




「滿意未?林雪凝係我程逸風嘅未婚妻，大家可以睇下佢隻左手中指」
 
「eeeeeeeeeeeya!!!!!鑽石戒指呀!!!!」
 
「喂呀!!!咪玩啦!!!學校黎架」雪凝又係眼濕濕咁打我
 
「你地咪耍花槍啦~~~~~~」「一次唔夠呀，黎多次啦」
 
「喂呀…妳地咪玩啦…」雪凝塊面好紅，但係佢又好開心
 
「真麻煩呀妳地」
 
再一次拉雪凝埋我身邊
 
「喂呀!!!咪咁啦」佢怕怕羞羞，但又好開心




 
「反正結婚果日都要做架啦」
 
講完，立即錫落去，今次雪凝直頭合埋雙眼
 
「嘩!!!你地兩個真係好恩愛呀!!!」
 
「不妨話埋俾大家知啦，Jessie係拍拖前已經有埋人地屋企鎖匙架啦，已經同程太冇分別架啦」
 
就係果日開始，雪凝就俾我地班叫做程太。