為了實現媽媽遺願，我成為了女校男生: 壓力爆煲(2)

我地趕到醫院果時，已經見到奶奶同家姐已經坐係到休息緊
 
「奶奶……阿b佢….」
 
「佢剛先瞓左，冇生命危險，不過醫生要做詳細檢查」
 
同一時間，ba b趕到黎醫院
 
「Miss孔，風仔佢冇事嘛?」
 




「剛先瞓左，林醫生你去了解下啦」
 
「Perry，個細路點呀?」ba b好緊張咁問江醫生
 
「佢冇咩事嘅，佢係R房醒過，問左佢，佢起碼一至兩星期冇咩點瞓，精神壓力過大引致短暫失明，已經冇事，視力正常返哂，不過我會叫Terry落黎睇下佢對眼」
 
「PTSD?」
 
「有d似，不過病人似乎係需要屋企人係身邊，但係紀錄顯示……洗唔洗叫精神科黎?」
 




「得，冇問題，我叫個大女陪佢就得」
 
「雪凝?果個係妳男朋友?」
 
「係呀...江醫生….佢真係冇事?」
 
「我有呃過妳咩?佢而家係觀察病房，大約今晚可以出院」
 
「唔該哂你呀…」
 




「呢個係醫生嘅責任」
 
過左陣ba b終於開口
 
「家姐，妳一陣返屋企執少少行李」
 
「做咩呀ba b?」
 
「妳去阿風到住一排照顧佢」
 
「下?ba b…你叫我同佢同居一段時間?」
 
「林醫生…會唔會俾阿風黎我屋企比較好?」
 
「阿風需要一個自己嘅屋企，得逸怡同埋雪凝俾到佢，不如俾雪凝去照顧下佢兩星期左右，咁會好d，學生嘅私生活……學校應該唔會干預?」




 
「如果係家長批准，學校唔會干預，不過我都要同校長交代下」
 
「嗯…我會親自向校長交代下…雪凝，ba b想問妳一個問題」
 
「係」
 
「妳想唔想嫁俾阿風?」
 
「ba b….我……」我俾ba b咁問一問，真係唔知點答，我當然想嫁佢啦，但冇諗過會咁快
 
「林醫生…我細佬同雪凝仲細…不如等佢地畢業先再算啦」
 
「逸怡，我個女遲早都會嫁俾妳細佬，我就俾佢地兩個自己決定」
 




「林醫生，佢地出年AL，不如等佢地畢業先再決定啦，而且……阿風應該唔會咁低調同Jessie求婚」

========================================================/
我慢慢打開左眼，終於睇到野，見到家姐坐左係到
 
「家姐……我地係咪一家團聚啦?」
 
「阿風呀……對唔住……要你咁辛苦」家姐係到喊
 
「係家姐累左你…我唔應該去做空姐…唔留低照顧你…」
 
「傻啦家姐，妳唔做空姐妳點識到姐夫?佢點教我做機師?我冇怪過妳，因為妳係我家姐，一世都係，妳係我世上最親嘅人。對我黎講，妳比雪凝更加重要」
 
「傻仔…」
 




「佢地幾個呢?契媽呢?」
 
「佢地返左學校，放學佢地會再黎探你，怕羞仔同阿熙佢地都知道哂啦」
 
「搞到大家真係唔好意思」
 
呢個時候，林醫生入左黎病房
 
「風仔，你好d未?」
 
「醫生……我發生左咩事?我突然間睇唔到野」
 
「你精神壓力太大，我知你由F.3開始已經係咁辛苦迫自己」
 
「我自己揀嘅…不過如果我冇迫自己嘅話，我唔會見返雪凝…我冇後悔過」




 
「風仔，我叫左雪凝同你住兩星期，期間你有咩事都要同佢講」
 
喂……乜搞D咁嘅野呀……想睇AV都唔得啦……