為了實現媽媽遺願，我成為了女校男生: 自爆雙妹嘜

某一日lunch time時間，學校大咪傳出左廣播
 
「6B班程逸風同學、林雪凝同學請到訓導處。6B班程逸風同學、林雪凝同學請到訓導處」
我同阿B對望左一下，訓導處?我地兩個急急腳行去
 
「發生左咩事呀?我地又唔係Head P」
 
「叫得我地兩個去訓導處，只有契媽一個」阿B講得冇錯嘅
 
一入到訓導處，我地已經見到兩個同學係到，佢地嘅背影一入我地眼，我已經知咩事發生左




 
雪晴同詩敏兩個企左係到，奶奶塊面又唔算黑
 
「關埋門」奶奶把聲好冷靜，不過我怕暴風雨嘅前夕總係平靜
 
「雪凝、阿風」
 
「係!」「係!」
 
「你地兩個妹嘅事係咪一早知?」奶奶嘅聲音好平靜




 
「係呀…奶奶我地上星期五先知」
 
「詩敏妳同果個男仔開始左幾耐?」
 
「三星期」
 
「雪晴妳呢?」
 
「兩星期」




 
「妳地知道我會反對，點解仲要同我講?」
 
「媽咪，我兩年前應承過妳，唔會再瞞住妳暗地同男仔拍拖，所以我先講妳知」
 
「雪晴妳呢?」
 
「契媽妳一定會發現，倒不如同姐姐一齊自爆更好」
 
「佢地邊間學校?叫咩名咩班?」
 
「契媽，都係我舊校同學，妳想見佢地我可以叫佢地黎」
 
「唔洗，你俾個佢地個名我」
 




「兩個都係6B，追雪晴果個陳翱翀，CE 7A1B。怕羞仔一名，屋企嚴過妳地屋企。追詩敏果個，李健熙，CE 2A 2B 1C 3D，籃球隊成員，兩個操行都係A」
 
「妳地去到咩關係?兩個都老實答我」
 
「媽咪…我同佢…只係錫過咋，我地冇….佢冇摸過我任何敏感部位」
 
「契媽，我同佢都係錫過咋…我同佢開始時講明我13歲…我唔會同佢….咩架」
 
「唔……」奶奶望住窗口諗左好耐
 
「妳地…唔覺得同兩個大哥哥會年齡上同年級上會相差好遠?」
 
「唔覺得」佢地兩個一齊講
 
「媽咪，佢地可以教我地功課架，而且我地學業冇受影響」




 
「睇到，剛先小測、中期考之類妳地兩個仍然係全級top5……」
 
「Jessie妳會唔會同林醫生講妹妹嘅事?」
 
「下…」
 
「家姐…」
 
「呢個可能…由奶奶妳親自講會好d」
 
「好…我星期六去拜訪妳地，爸爸幾點收鋪?」
 
「星期六…下晝6點收鋪」
 




「上晝呢?」
 
「下晝一點」
 
「得，星期六下晝一點我去診所拜訪下林醫生，我會帶埋詩敏去，麻煩醫生準備定HPV疫苗」
 
「我唔打針呀!!!」
 
「妳想媽咪唔反對妳拍拖就乖乖打針，妳地兩姊妹打左啦?」
 
「我地打左啦…」
 
「我想去阿風你學校搵佢地班主任傾下，阿風你幫我安排下」
 
「知道」




 
「媽咪…...咁我地…」
 
「妳地今次冇做錯，我唔會罰妳地，不過我一定要見下果兩個男仔，同埋要見一見林醫生」
 
我地四個離開訓導處之後差d攤係地下，真係好恐怖呀…