為了實現媽媽遺願，我成為了女校男生: 雪凝審犯

雪凝聽完呢個怕羞仔講完之後，望住個窗外好耐，阿翀佢係檯底踢一踢我隻腳再俾眼色我，我都回返個眼色佢知，我唔知雪凝做緊咩
 
終於，佢開口啦，佢拎出電話，撳左快速鍵
 
「林雪晴，我俾半個鐘時間妳，妳同我立即黎西營盤果間pizza hut，Jasmine係到就叫埋佢黎」
 
嘩……我未見過雪凝氣勢咁強勁
 
「你!同我叫埋阿熙黎，然後轉6人檯」
 




「係…係…」今次雪凝唔知係嬲定點啦，我幫兩個兄弟瞞住佢…
 
20分鐘之後，雪晴同Jasmine連同阿熙三個人耷低頭咁黎到餐廳
 
「坐低!」
 
「係…係…」佢地四個坐係雪凝對面靜哂，我都唔敢出聲
 
然後雪凝嘆左口氣，終於有人開口講野，竟然係怕羞仔
 




「阿嫂呀…我對妳個妹，係認真，唔係貪佢…果樣野」
 
「家姐呀…唔好拆散我地啦好嘛……」雪晴講果時攬實怕羞仔，眼有淚光
 
「姐姐…妳就俾雪晴佢拍下拖啦…佢都大個女啦」
 
「咪嘈呀!!!妳果單一陣先同妳計」
 
「係…知道」
 




此時我就覺得恐怖雞3.0出現左
 
「阿妹」
 
「係…」
 
「ba b係日本時同我講過，唔想妳咁細個就拍拖，怕妳俾人呃，結果上次就差d俾人呃左妳最寶貴嘅野走」
 
「姐夫呀…」雪晴將目光投向我
 
「雪凝呀，上次係個細路賤者，今次係阿翀呢個怕羞仔，人又乖，佢唔會亂黎嘅」
 
雪凝用契媽嘅眼神望實佢地兩個，雪晴雙手撓實怕羞仔，話俾佢家姐聽，佢唔會放手，佢會好好捉緊呢個男仔
 
雪凝嘆左口氣「算啦…妳都大個，識自己諗野，阿翀你過左我同阿B呢關啦」




 
「真嘅家姐?妳俾我同阿翀一齊，唔會拆散我地?」
 
「家姐幾時有呃過妳?不過妳記住妳得13歲，唔好發生D咩出黎，妳而家唔可以食…果D藥知唔知，仲有，唔可以去夜街」
 
「知道家姐!!」
 
「好，Jasmine到妳啦」
 
「呀…阿嫂我都有份呀?」
 
「妳就仲麻煩，妳想今次係阿b屋企住幾耐?」
 
「唔……」
 




「妳暑假先15歲，奶奶話過妳F.4前唔可以拍拖架喎」
 
「咁我讀到書得啦……」
 
「妳唔同呀，妳係訓導主任個獨生女呀」
 
「咁我今晚就返去同媽咪講，我同人拍緊拖，係個F.6嘅大哥哥，仲係阿哥舊同學」
 
「喂…妳燒到我果疊喎，我唔想俾家姐鬧喎」
 
「阿哥…你幫幫我啦」
 
「雪凝，妳由得詩敏囉，佢應該知驚唔會亂黎架啦」
 
「我怕奶奶又捉哂我地咁多個訓話咋」




 
「阿嫂，我同阿熙會親自同媽咪講」
 
「Jasmine妳傻左呀?妳又俾奶奶趕出黎架」
 
「阿嫂妳唔記得果陣我應承過媽咪d咩呀?我唔會瞞住佢同男仔拍拖，我會乖乖坦白」
 
雪凝再望一望佢地四個
 
「算啦，妳地大個女啦，我管唔到咁多」
 
「家姐，妳批准啦?」「真係架阿嫂?」
 
「總之你地唔好著校服大肚就得啦」
 




「家姐，呢句話同妳講就啱」
 
「妳再嘈…我唔俾妳拍拖架!!!」