為了實現媽媽遺願，我成為了女校男生: 小學聚會(1)

朋友group內，宣佈下個月某星期六有小學同學聚會，歡迎攜眷出席
 
「阿b呀?你會唔會陪我去小學聚會呀?」
 
「我係日本咪應承過妳會陪妳去丫嘛」
 
「但佢地成班又唔邀請你…」
 
「我小學都冇咩朋友，商場冇機打之後我地冇地方落腳，傻強、肥波果d又冇咩聯絡，佢地點會記得我?」
 




「但係…我想你一齊去嘛」我又鼓起泡腮
 
「我可以去，呢到咪寫住歡迎攜眷囉」
 
「咁你係我男朋友丫，定我係你女朋友出席呢?」
 
「有咩分別呀bb豬?」
 
於是，我覆左搞手兩位
 




果日我地專登揀左套情侶裝出席活動，因為而家嘅阿b比以前更高，唔係，應該係話成個人唔同哂，佢一定會吸引到女同學嘅注意。因為以我所知，阿b小學果時係有女仔鍾意佢嘅
 
我地兩個人去到會場，其實都係d放題餐廳嘅大房，但今次有我地班主任楊sir同Miss Lau黎
 
「嘩!!!Jessie呀!!!!!」
 
「喂!!Jessie過黎呢邊丫喂，呢邊冇拍拖架」
 
「邊個話Jessie冇拍拖呀!!!佢今日填左帶男朋友出席架」
 




「下!!!」
 
「Jessie妳唔叫男朋友入黎?快d介紹俾我地識啦」Miss Lau好期待我帶阿b入黎
 
「係囉，快d介紹俾我地識，睇下邊個可以融化到冰山美人」
 
「Miss Lau、楊sir，你地真係咁想見我男朋友?」
 
「當然啦!!我地想見好耐啦，我地全班都係哂到啦」
 
「真係全班到齊?點名先啦」
 
「好好好……」
 
點左幾個，就發現，冇人叫阿b黎





「程逸風，好似冇人搵到佢…佢係咪…又俾人拉左?」
 
「都似係架啦…」
 
「你地真係冇人叫佢呀?我好耐冇見佢啦」我有少少不滿咁問
 
「Jessie妳以前鍾意佢架喎，妳搵唔搵到佢?」一班同學齊齊望實我
 
「我搵到呀，我仲幫佢報埋名今日黎添」
 
「阿風今日黎?冇佢名喎」
 
我走出去撓實阿b同佢一齊入去，大家一見到佢就呆左
 




「各位老師、同學，佢就係我男朋友…呀…唔係….係未婚夫…我地嘅小學同學，程逸風」
 
佢地成班呆左望住我身邊呢個身高185cm嘅未婚夫，我拉佢入去坐低之後
 
「你…真係阿風?」