為了實現媽媽遺願，我成為了女校男生: 鑽石戒指

我同雪凝拖住手慢慢行返屋企，佢比平時更痴身。如果我地著住校服，我地最多會拖住手，但係今晚雪凝就係雙手撓實我行，我摸一摸衫袋個盒仔，去到佢樓下果時，我拉住佢唔俾佢入去
 
「做咩呀B?」
 
「想見多妳一陣囉bb豬」
 
雪凝好怕羞將個頭放係我心口「頭先你咪咩都睇哂囉」
 
「仲痛唔痛呀?」
 




「唔痛啦…你又唔粗魯，錫住我」
 
「bb豬，我…未送情人節禮物俾妳喎」
 
「做咩呀?下個月先回禮架嘛」
 
「我唔想妳下個月先收到嘛」
 
我係個袋到拎出個盒
 




「你又亂買野俾我啦…」
 
「妳打開黎睇下，我諗左好耐先諗到送呢樣野俾妳架」
 
雪凝一打開個盒仔，黑色絨布上，係一隻戒指，有粒小小嘅鑽石係上邊
 
「做咩…無啦啦…」雪凝淚線又流唔住，不停流出眼淚水
 
「咁…妳話做我未婚妻嘛，咁妳手指上又點可以冇戒指呢?」
 




「但係…但係…」雪凝喊到講唔到野
 
「妳想唔想戴起佢?」
 
佢不停咁點頭，我拎起佢隻左手，幫佢戴起隻戒指係佢中指上邊
 
「我…儲左好耐錢先買到呢隻戒指…雖然冇1卡，但係…我好想妳每日都戴住佢，所以揀左隻粒石冇咁大粒嘅款式….將來…我做到機師，我一定會買隻更加大粒嘅鑽石戒指俾妳」
 
雪凝不停擰頭「我…我好鍾意你呢隻戒指，我會每日都戴住佢…佢證明左，你對我係認真…唔係玩玩下」
 
「雪凝，望住我」
 
雪凝用一對充滿淚水嘅眼望住我
 
「10年啦……我鍾意左妳10年，我地之前分開左5年，我搵足妳5年，班上冇人講我知妳去左邊到讀書，怕我黎騷擾妳，我想同妳講…….」




 
「嗯?」
 
「我愛妳!可唔可以應承我…唔好再離開我，唔好再要我用5年甚至10年去搵妳?」
 
「我應承你…我都好愛你呀」
 
我地兩個第一個情人節，就咁樣渡過左