為了實現媽媽遺願，我成為了女校男生: 大個女了

「死啦!!個妹又會唔會痴返落果個男仔到架?」雪凝愈講愈擔心
 
「唔會嘅，雪晴有分數架啦」
 
我地跟雪晴去到一間星巴克，就見到佢對面坐住一個好怕羞嘅男仔，而雪晴都好怕羞咁遞左親手整嘅朱古力俾佢
 
「佢…佢咪係…果日」
 
「Stanley?呢個怕羞仔…竟然吸引到雪晴?」
 


「佢…佢會唔會好似上次果個咁…」
 
「Stanley屋企管教好嚴，9點前返唔到屋企都會俾人追殺果款人，怕羞仔一名，如果雪晴同佢拍拖嘅話……就好似河東獅同陳季常咁囉」
 
「喂!咁話個妹架!」
 
「算啦，雪晴暫時唔敢拍拖住嘅，我地俾D空間佢地兩個啦」
 
「Stanley有冇拍過拖?」
 


「好似一次，不過佢F.4果時因為掛住讀書而俾人飛左，從此怕左女仔」
 
「喂!買野啦去」
 
買好餸返到阿風屋企，我好快就煮好飯，今次係我地兩個拍拖後第一次玩煮飯仔
 
食好飯後，阿風主動去洗碗，而我就係佢背後攬實佢
 
「bb豬妳唔俾朱古力我架?」
 


「你真係想要?我整得好難食喎」
 
「只要係妳整嘅，咩都會好食」
 
「你呀!!口花花呀，拎住你份朱古力呀!!」
 
「妳餵我食丫」
 
「咁懶架!!打開口，呀!!」
 
「呀!!!」
 
我咬落去之後，覺得自己精神一振。唔可以話難食，不過一定唔係好食囉
 
「唔好食呀?」


 
「唔係，妳整咩都好食」
 
「好啦，7點啦，我返去啦」
 
「返去啦?聽日星期六…家姐今晚又同姐夫去左新加坡，我地可以二人世界一陣喎」我攬住雪凝條腰將佢左揈右揈
 
「咪…咪煮左飯你食囉，仲想點呀?」雪凝應該知道我想點，所以塊面超紅
 
我攬實雪凝，錫落去，佢都有向我反擊
 
「你呀!唔乖呀咸濕仔」
 
「妳夠想變大個女囉」
 


「邊個話架」
 
「妳唔想，今晚就唔會上黎啦」
 
我抱起雪凝入房再放佢上床上，然後繼續我地嘅法國之旅，我隻手開始唔乖，由裙底開始摸上去。始終雪凝著住校服，而套校服又係長衫，係麻煩左D，不過雪凝果時係，冇!打!底!!即係佢已經預左會同我…
 
我解開佢心口領上嘅鈕扣，隔住校服咁解左佢個Bra扣
 
「喂…你除女仔個bra嘅手勢咁熟手嘅」
 
「咁我以前成日彈人bra帶嘛」
 
「咸濕仔」
 
「咁我地…」


 
「而家都咁樣囉…唔通唔俾你咩…不過呢…」
 
「唔?」
 
「你要應承我，入左黎之後你心中只可以有我一個女仔，你以前所有事我會當唔知，你要一世愛我一個」
 
「我一向都愛妳一個，呀…我落街買野先」
 
「唔洗」
 
「唔洗?」
 
「我…我同你拍拖之後…就有食…」
 


雪凝講完後，我地繼續做我地嘅事，我將雪凝個粉藍色bra同底褲除出黎
 
「bb豬妳唔後悔?」
 
「你係我未婚夫，我點會後悔?」
 
就係果晚，雪凝正式變大個女，做左我女人